سنه جديده وحياة جديده ~

اهلا ..

مرت فترة طويله اكلم نفسي فيها أني لازم اكون أقوى لانو دمعتي قريبه من عيني
ولازم اتخطى مصاعب الحياه ،، رغم انو مرات احسب الموضوع سهل إلا انو صعب ان الواحد يطنش ..
ممكن فيا مشكله انو عندي وسوسه نفسيه
مو في شي لأ بس من ناحية زوجي
مرات احسو يضحك عليا ما اعرف ليش
بس انو عارفه زوجي تقي وقريب من ربنا
ما اعرف ازا كل الحريم كده ولا ..
المهم ..
كل مره اقول أني ابغى اكون احسن وأفضل ويزبط وضعي بس ترجع وسوستي ما اعرف ازا هيا وسوسه ولا لأ بس انو اكتر شي كنها حديث نفسي المهم لمن يزبط الوضع يرجع دا الشي ينغص عليا ويقلب يومي ..
وانا حابه اشوف منكم تشجيع جامد زي موضوعي الاول حق شعله في البيت ..
نادرا ما تلاقي اصدقا يحثو ع العمل او الاشيا الكويسه او انهم يهتمو لمصلحة الواحد بدون مقابل او انهم يحبو الخير لغيرهم ..

هادا موضوعي التاني الي حتكلم فيه عن يومياتي وخواطري ًالاشيا الي تصير معايا وراح يكون بمثابة تشجيع ليا وليكم للأفضل وعشان نكون اسعد نساء بإذن الله ..

أتمنى منكم دعوه خالصه لوجه الله انو اتغلب ع وسوسة النفس الأماره بالسوء
واللهي تعبت ..

يلا صبايا ..
موعدنا بكره بإذن الله ..