سنه وأربع شهور

السلام عليكم ورحمة الله وبركاته


بنات عندي سالفه


بدون مقدمات تقدم لي شاب اجنبي تمت الشوفه والموافقه
وبدينا با الاوراق هو استاذ جامعي ومن جنسيه ماشاء الله
وفوق كذا متدين ويخاف الله

المهم

قدمنا الاوراق السنه الي فاتت شهر ٢ تحديدا
وتصدقون للأن ماطلعت من قسم البحث فيه شخص واقف فيها
كل مره يطلع عذر وسبب ومشكله ويأخرها تجلس عنده شهر شهرين ولا يطلعها للأماره لإكمال الاجراأت

وبعد سته اشهر قال ان اوراق الرجال غير مكتمله وخليه يعيد التحاليل وراح عادها وجاب كل الاوراق وطلبت منه يترجمها له عشان مايكون له عذر


حسبي الله ونعم الوكيل فيه

ورجعت الأوراق لأن هو منطقه غير منطقتي
وتواصلت مع المركز هناك انرسلت من اسبوعين وهي تجلس اسبوع علي ماتوصل
كلمته قال ما رجعت وتعالي سوي تحاليل جديده لك؟؟

سلامات توها تنتهي تحاليلي شهر ٦ علما بتكون هذه ثاني مره أسويها
يعني اسويها مره ثانيه واجلس ١٠ إيام


انا فاهمه قاعد يأخرها ويطنش

ترا دائما ادعي عليه واتحسب اقوم اصلي بي ادعي عليه

كلمت كثير ناس قالو هي يأخرها من عنده مو منطقي تجلس سنه وماتطلع للأماره


قلت له ماراح اسوي التحليل خلي تطلع الموافقه اروح اسويها عادي


شكله عشان مايبان انه هو تأخر في ارسال الأوراق


فكرت كثير اشتكيه بس قلت راح افتح علي نفسي باب ويمكن يطلع لي اي مشكله ثانيه ويتسبب لي



آخر مره قال اصلا انا شالوني وجابو موظف جديد قاعد اعلمه بس وديت عليك عشان اعرفك؟


شكله مافي غيري حاطني براسه مدري لأن اول ما اتصل يرد حتي ما اقول رقم السجل المدني حقي ولا رقم المعامله

يعرفني المهم


اني دائم ادعي هذا الدعاء



اللهم سخر لي الأرض ومن عليها وسخر لي السماء ومن فيها
وسخر لي عبادك الصالحين ومن وليته أمري واكتب لي من حظوظ الدنيا اجملها

يارب العالمين

اللهم صل وسلم على نبينا محمد وعلى آله وصحبه أجمعين

...



ادعو لي با التوفيق يارب
..
وان الله يجمعني بنصيبي علي خير بارب