ياحبيبتي....ياحرف اللام...حسيت فيك ..وقطعتي قلبي...بس هماك بصحة وعافية...وعيالك طيبين ..وزوجك طيب ..خلاص ..قولي الحمد لله ......ماشاء الله أسلوبك حلووووووووو...باين عليك ..ثقافتك عالية ....وبعدين حبيبتي..حاولي مرة في الشهر مثلاً ....تحطين عيالك عند أهلك إذا كانوا في نفس مدينتك أو أي أحد من معارفك...لو ساعة بس ....تدلعين نفسك فيها...ويكون بمقابل...مثلاً تدخلين عليهم بهدية بسيطة أو طبق...وقبل كل شيء ..(.نصيحة لوجه الله)..زي ماقالت أختي catycatأكثري من الإستغفار...أقسم بالله له تأثير السحر...أنا مجربة...بس بإعتقاد..وبكل جوارحك ......دعواتي لك بالتوفيق والسعادة في الدنيا والاخرة :26::26::26:

أسأل الله رب العرش العظيم بأن يرزقنا واياك الوظيفة وان يحقق كل امانيك
بصراحة مرررررررررة تعطاطفت معاك والله كأنك تتكلمي عني نفس الأشياء اللي ودي تتحقق لي مع الوظيفة لكن الله يعوضنا بخير منها

خخخخخخخخخخ كانك تتكلمين عني سبحان الله

الحمد الله على كل شي انا لي 10 سنوات انا الي من جد ضاااااااااااااااااااع عمري ونا احلم واحلم واحلم

اختي انا حاسة فيك وصدقيني مجربة شعورك والكرف وكل شي بس صدقيني الحل الوحيد لمشكلتك ( واعتقد لاكثر مشاكلنا ) هو تغيير طريقة التفكير ... دائما يقولون السعادة ليست في المال او الجاه او الصحة ... بدليل انك ممكن تشوفين فقير ما عنده الا قوت يومه ومرتاح وراضي ومريض مرضه صعب ومع ذلك الابتسامة على وجهه ... السعادة بنظري في الرضا والقناعة .. وهي مو ضد الطموح .. اكيد الواحد يتمنى ويفكر وشلون يحسن وضعه.. بس المفروض ما يخلي هالتفكير هو محور حياته لدرجة انه يعميه عن رؤية الامور الايجابية والنعم اللي الله معطيه اياها .. صحيح انتي ما توظفتي مع انك متخرجة من زمان .. بس انتي متزوجة .. وفيه الاف من البنات في سن الزواج ما تزوجوا .. عندك عيال .. وفيه عشرات المتزوجات محرومين من الانجاب .. عندك ولد وبنت .. وفيه حريم امهات اولاد يتمنون بنت او ما عندهم الا بنات ويتمنون الولد .. مرتاحة مع زوجك وغيرك كثير مطلقات او عايشين مشاكل مع ازواجهم ...عندك صحة ونشاط وقادرة تقومين ببيتك وفيه اللي على كرسي متحرك تتمنى تقوم وتمشي وتروح لو لدورة المياه وانتم بكرامة... بتقولين طيب بس عندنا مشاكل مادية واتمنى اساعد زوجي واروح واسافر واتقضى وووو اوكيه معك حق ويمكن الوظيفة تحل كل هالمشاكل بس ما تدرين يمكن تجيب لك مشاكل جديدة ! طبعا في حال انك توظفتي وعيالك توهم صغار اكيد بتجيبين شغالة ( وهذا اول حلم من احلامك) طيب هل تأمنينها على عيالك اغلى ما عندك ؟ تضمنين انها تهتم فيهم زيك ؟ مستحيل تكون مثل الأم هذا ان ما هاوشتهم او حتى ضربتهم ! .. طيب شفتي الخلافات والمشاكل اللي تصير بين الازواج بسبب الوظيفة والراتب .. ولما يشيل الزوج كل مسؤوليته عن زوجته ويخلي عليها كل شي .. راتب الشغالة وفاتورة جوالها والمواصلات اللي توديها لعملها وملابسها واغراضها وبعضهم حتى اغراض عيالها ومقاضي البيت عليها ؟؟ كل هذا بحجة انها تغيب عن البيت كم ساعة وان صار لها راتب .. تخيلي ان مسؤولية المقاضي وتسديد الفواتير وكل شي صارت عليك ؟؟ يمكن ارتحتي جسديا انك خليني شغل البيت للشغالة بس نفسيا لأ بالك بيصير مشغول طول الوقت بالمسؤوليات اللي عليك ... بتقولين ما راح يصير اي شي من هالاشياء وراتبي لي وابي احس اني انجز شي مو بس غسيل وكوي وحفايظ .. ومن قال لك ان عمل المرأة في بيتها مو انجاز الا هو اعظم انجاز يكفي انه يعتبر جهاد واجره من رب العالمين مهوب راتب من الحكومة .. وتربيتك لعيالك اعظم واعظم لأنك اذا قمتي بها بنفسك ما خليتيها للشغالات معناها جيل صالح بإذن الله صدقيني هذا هو الانجاز الاعظم بس مكافأته تجي متأخرة شوي لما يكبرون ان شاء الله وتشوفينهم ناجحين في حياتهم ويبيضون وجهك يقولون الناس ايه والله فلانة ربت ...
انا كثرت الكلام بس اتمنى الكل يستفيد ويشوف النص المليان من الكاس وما يشوف النص الفاضي وبس وعلى العموم نصيحة اخيرة لك ولأي واحدة مثل ظروفك لااازم تخصصون اوقات لانفسكم وبس يوميا واسبوعيا وشهريا .. .. .. ما تسوون فيها اي شي .. ما تخدمون فيها اي احد واذا بتسوين اي شي فيها يصير شي يونسك ويفرحك ويريحك بعد التعب والكرف .. خلطات للجسم .. للشعر .. منيكير وبديكير .. تقرين لك كتاب ولا مجلة .. تسوين كوب قهوة وتقعدين على النت .... في الاسبوع تصرفين العيال وتقعدين كم ساعة لحالك .. في الشهر مثلا تنامين عند اهلك كم يوم ترتاحين لو جزء من المسؤوليات اللي عليك .. اي شي تحبينه ويريحك خصصي لها وقت واعتبريه ملكك الخاص ووقتك المقدس اللي ما تتنازلين عنه ابدا .. صدقيني هذا اللي بيشحن بطاريتك ويجدد نشاطك.. ولو تقدرون مثلا تخلون غسيل الثياب برا او الغدا من برا مرة بالاسبوع او تجيبين شغالة بالساعات تساعدك ولو الحالة المادية ابد ما تساعد على كل هالاشياء مو مشكلة اهم شي لا تموتين نفسك بالكرف والشغل ولا تدققين على كل شي مو مشكلة لو قصرتي بيوم من الايام وعوضتي بيوم ثاني بسطي الامور وصغريها واحتسبي الاجر في كل عمل تسوينه