هذه العبارات أحببت ان انقلها لكم نيابة عن صاحبة القصة وهي (وحده من قريباتي )ادعوا لها تكفووووون..
كتبته لشخص احبته من كل قلبها على الرغم من كل الصعاب التي مرت بها وهاهي الأن تودع هذا العالم..بمافيه
ابيات معبرة
شعر: ساقي الشوق
تعديل: الوالهة الحرى
ثلاث سنين وانا ناطر لهذا اليوم يابوي
اصبر حالي وحالف أوفي وعدي بوقته
وفجأة جاني يتعذر يقول انكرت الوعود
وانا مستغربة واسمع وكأني وعده خنته
حسبت انه يمازحني ويتصنع جفا وصدود
ضحكت بوجهه من قلبي.. مع انها بايخة النكتة
وقال ارضي بالواقع قلبي ماهو المعهود
تغير كل شي صوبك نصيبي ما أظن انتي
كنت في يوم امنيتي ولكن ما أظن نعود
أختاروا قبل ما اختار وانا ذاك الصبر عفته
ولكن تكفين صدقيني ويشهد ربي المعبود
ترى ماخنتك بغفلة ولاكلمة ولا نظرة
صراحة اهلي قالوا لي بأنها بنت أصل وجود
وجتني امي مسرورة وبكلمات المدح اهله
سكت وقلت هي فرصة وما دام الجود في الموجود
وقالوا كل من حولي علامات الرضا سكتة
وانا فكرت دام امها واهلها ماعليهم زود
أكيد اني برضيهم مادام وافقوا وصفه
وبرضي اهلي واخواني مادام ان الفرح مقصود
عطيت الناس انا كلمة ومعاهم وقتي حددته
ولا اقدر اغيرها ترى عند العرب منقود
اوافق واعتذر باجر واقول الراي غيرته..
يبي يشرح لي المنقود... تصدق عاد يابوي؟!!!
يبيني اقتنع وارحل وارضى بحالٍ عمري ماعشته
انا ماني بقايلتها عسى يفرش ثراه ورود
بعد ماحطم قلبي وطعم الموت جربته
عسى بفستانها اشواك وبثوبه عقارب سود
ونار تحرق الكوشة وتحرق بيتهم حتى
وأموت بليلة الدخلة يبرد حرتي بالكود
ولا احس انها بحضنه تلامس خد لامسته
علي اهون اذا اموت ولا بنفس السرير رقود
ترى صعب علي اتخيل اللي ماتخيلته
عسى قاع الثرى يقسى ويتحول صخر جلمود
وحفار القبر يرفض يسوي فوق مقدرته
ترى دفنة عديم الذات تلوع كبد الدود
ومن خان العهود ومات تعافه حتى مقبرته
عسى ربي يجازيهم بحبل من مسد ممدود
يعلقهم من أطرافه وفوقه نار و تحته
انا ماني حقودة وشينة ولاني من نسل نمرود
ومن حطت نفسها بوضعي تقول اللي انا قلته
مادام الفعل له ردة فعل ابشر بردود
بدعي دامني حية وبغرس للدعا نبتة
وبسقيها نزيف القلب ودمع مارحم الخدود
تكبر والثمر ثاري من اللي خانني وصنته
انا نذرٍ علي اكتب وافجر هالقصيد رعود
واسمع كل البشر صوتي عجبته ولا زعلته
واردد للي يسمعني ( اذا حبيتوا حطوا حدود)
انا حبيت دون حدود وشوفوا اللي تكبدته
ثلاث سنين وانا ابني وجت وحدة بكل برود
خذت مني شقا عمري وحلم قلت حققته
ثلاث سنين وانا ناطر لهذا اليوم يابوي
ويوافق من كلام امه .. مديح اخته
دعواتكم لها ..لأنها انتهت من العالم
والسبب همجية العادات والتقاليد اللي في المجتمع:44:( العنصرية.. التعصب الجاهلي القذر)
لكن مافهمت قصدك بكلامك :
((والسبب همجية العادات والتقاليد اللي في المجتمع))
اي تقاليد تقصدين؟؟؟
فهمت منك ان البنت هي اللي حبته وتعلقت فيه ،، وش دخل التقاليد ،، هي اللي كسرت هالتقاليد وحبته وتعلقت فيه ،،،