حيا الله من دخل ها الصفحة..
اليوم سلمكم الله طرى على بالي موضوع ، قلت لازم أعلمكم فيه لأنه أغلب مشاكلنا الزوجية من تحت راااسه ... فضررروري نتنبه له ونعرف نواجهه والا بيصير لنا زي ماصار لغيرنا..
الا وهو صورة الزواج في مخيلة كل وحده منا وكمان الشباب بعد يرسمون صور وهنا المطب الي ما نتنبه له الا بعد ماتطير الطيور بأرزاقها .. واليوم احلاآآآآآآآآآآم البنات الورديه وبعدها بوريكم احلاآآآآآآم الشباب الزرقاء ...
شوفوا أحياناٌ تكون صورة الزواج في المجتمعات العربية عامة
وخاصة الخليجية صورة خياليه فنتاااازيااااااااا الوان وشموع والعاب ناريه وسماء نجومها متلألئة...
تحلم إنها الأميرة سنووايت وتصدق نفسها وتعيش بها الدور
وتتوقع ليلة الزواج ليلة من ألف ليلة وليلة:icon28:
وبيجيها الفارس :15:الهمام طاااير بفرس ابيض >>>عفوا قصدي بي ام دبليو ابيض>>>أنا أحب اللون الكحلي عليها
المهم..
ويوديها لبيت العز يابيتنا على بابك عنبتنا
وتردد وتقول على البساطه البساطه ياعيني على البساطه... وتعشيني بطاطا..
وتظن أنه عااالم وردي أشبه بباربي لا فله قصدي..وأنه بيمر يوم وتنتظره وهي لابسه فستان ووااااو وتمل وتنام على الكنبه فيدخل ويشيلها وينومها بسريرها ويغطيها :32:...وتتخيل بأي مطعم بتفطر وبأي واحد تتغدى :f226: وتفكر أنه راح يظل عند أقدامها متعلقا بجمالها ولايفارق فاه التبسم والمدح والتغزل الداااائم على وعلى وعلى ..
وعقب وبعد كم شهر تتفاجأ...بان ها اللي حلمته ما كان الا أضغاث أحلام ..:08:مو لأنه غلط الوضع لا لأن كل أحلامها من الأول مقتبستها من روايات وتخيلات وأحلام يقظة ومقارنات غير منطقيه أبدا فتنهار وتبدأ المشاكل موفاهمني ,,مايحبني ..وجودي عنده غير مرغوب فيه ..مايحس فيني
وكل هذا غلط لأن الشي اذا زاد عن حده انقلب ضده مو معقولة الزواج بيكون يوميا على ها المنوال.. شي ممل صراحة الزواج مسؤولية ، شراكة ،بناء ،تآآآلف، انسجام، حب، وود صح، ورومانسيه بس مو رومانسية الأفلام لا رومانسية الطبع والعادة لان الرومانسية بتصير حتى بهواشها ناعمة ورومانسية.. والهواش مو لازم يكون بصراخ والاختلاف مو لازم يكون بمدة يد والرومانسية تكون عاده يعني مولازم ليلة تتخصص لها الأمر لا الشموع ولعيها دامك تحبينها منظر وجو شاعري وحلو خلي خلفية بيتك وغرفتك دااائما رومانسيه عشان تكونون دوووم مروقين بس مو لازم يكون كل يوم غزل وحوار مولازم تطلعين في الأسبوع لمطعم تقدرين تاخذين ايجابيات حياتك وتطورينها وتشيلين السلبيات وتعزلينها
ولا تتوقعين إن لحظات الخطوبة والملكة وأيامها وشوقها راح تكون دائمه مو لأنه خفف من حبك لا ابدا بس لان حبه تبلور ونضج وتغير ويفترض كمان انتي بعد... لاتقارنين زوجك ابدا بفلان وعلان ولاتتوقعين وسامته مثل فلان ولا تتوقعين ردة فعله بتكون تشبه ردة فعل زعطان((واحد ما أعرفه))..
كل انسان مختلف ببيئته وحياته ولا تظنين انك لما تحلقين فوقه دااائما ومن كل جانب بيعتبرك فراشة وبيطير فيك لا بل بيعتبرك هلكوبتر ازعجته بصوتها وطنينها وضوضائها وراقبته وحاصرته
لاتظنين انه من واجب محبته لك انه يعلمك كل يوم انك ملاك وأنه أسعد إنسان يوم ارتبط فيك.. لا باسلوبك وبحثك له بطريقه ممتنعه بتعرفين تاخذين دلالك وحقك
اعرف ان فيه ازواج الله بالخير وماعندهم سالفة:09: بس لما انتي تبلورين توقعاتك ما تنصدمين لما تكونين متوازنة في عطائك ماتخسرين بعض البنات الله يهديهم من شافته حبته وخلاص أغرمت فيه معقولة يعني الحب من أول نظره دااارج لها الدرجة بمجتمعنا.. ممكن ترتاح له أعجبها بس مررره ها التعلق السريع غلط
لازم نمرن أنفسنا على الحب بالهون لان الهون ابرك مايكون ... وقد ماحبيتيه لاتحبينه أكثر من نفسك لأنك لما تعرفين نفسك وتحبينها ترفعينها عن أي ألم ،أو إهانة .. لا تستصغرين الشي الطيب اللي يسويه لك ولاتكبرين الشي اللي يضايقك فيه أغلب البنات ترضى بظروفه المادية قبل العرس وتعرف عن تسلط أمه وتعرف انه ضعيف شخصيه أو تلاحظ من المكالمات انه مخفه ومايعرف بعلوم الرجاجيل شي وعاد تتغاضى لانها تفكر بالعرس والفندق والفستان والطرحة البيضاء وبعد العرس تتشكى وتنقهر ووو لاهي اللي رضت وحاولت تعالج الأمر بخطط تكتيكيه وتتوكل عل الله ولاهي اللي رفضته يمكن يلاقي وحده بمثل وضعه ...:mad:
الاستعجال والارتجال والندم اللي بعدها اغلب بنات حواء مروا فيه فعشان كذا ياحبوباتي ارجعوا لكتب الفقه والشي اللي تتمنونه وتطالبون فيه حقك اوكي طالبي فيه بأريحيه تنازلي عن أشياء معه وهو يتنازل عن أشياء سووا هدنه حطي نفسك مكانه وقولي له حط نفسك مكاني أشياء حق لك ويحرمك منها مو من حقه ها الشي وبالحلم والذكاء تقدرين تاخذينها
حبك له مايعني تنمسخ كرامتك بس عاد مو على الطالعة والنازلة تقولين ابي وهذا حقي وهذا لي
الزواج مو نهاية الحياة وفيه بنات تتزوج خلاص تنسى حياتها وهنا الغلط لانها لو لاقدر الله تطلقت،، أو ماتوفقت ،،أو حتى ماكانت سعيدة راح تحس كل شي ضاااع منها وإنها بلحالها توازنوا وخليكم وسطا يا امة محمد (وجعلناكم أمة وسطا )
وبموضوع قادم إن شاء الله بقول لكم وشلون تاخذون حقوقكم ،وبموضوع آخر بقول لكم عن أحلام الشباب
احلمي احلمي بس بالهون وبواقعيه
والله يسعدكم جميع ويخلي أيامك كلها هنا ودعة:26:
وسلامتكم ..
دمتم بود
كلام بمنهى الواقعيه
وهذا موب غريب عليك ما شاء الله تبارك الله
عاد يلله منتظرين احلام الشباب الله يستر