انا عندي بنتي وولدي كبار .. بنتي اذا طلبتني اي شي وقلتلها بعدين او ماتناسبك او ماتصلح لك الحاجه ذي تسمع كلامي وما تزعل علي ابد .. تقولي يمى انا اثق فيك وبقرارتك والحمدلله ماتندم ابد
اما ولدي لما يطلبني شي وارفض يزعل ويلح علي ولما اقول مايصلح لك انا اعرف اكثر منك يقول انتي وش عرفك عطيني وبس .. وللاسف كثير ماينضرب ع راسه


لما شفت حال عيالي تذكرت احوال البشر مع الله سبحانه ولله المثل الاعلى .. من بعدها والله يافيث اني مثل بنتي احب ربي كثير واثق فيه سبحانه وادري ان اللي مكتوب لي افضل من اللي طلبت او تمنيت وراضيه تماما عن ربي وعن كل مايجي منه


تدرين وش اللي صار .. اي شي يصير لي بحياتي ولو اني مااحبه بعد فتره يتبين قدام عيني الحكمه منه وانه خير لي ثم اقعد اضحك واقول سبحان الله كنت اقول ليش جاء ذا اثره ع شان كذا ..
فعلا يااختي من رضى فله الرضى ومن سخط فله السخط .

صباحك رضا وبركة يارب


ما شاء الله تبارك الله
الله يحقق لك ويحقق لنا ما نتمنى

جزاك الله خيرا

جزاك الله خير كلام جميل
الله يرزقنا الرضى والقناعة
ويوفقنا لما يحب ويرضى

الله يبلغنا الجبر انه على كل شي قدير ✨
هنيئًا لك
استغفرالله يا ب سامحني اذا اعترضت على امرك
وتب علي انك التواب الرحيم