تراني حييييييييييل مستحيه اول مره اشارك بقسمكم
بس استفدت منكم كثير ياما طبخات سويتها ربي يسلم يدينكم ؛؛
عندك خضار كثير وخايفه تخرب ؟؟
ودك بأكله تكون جاهزه عندك لو يوم تعبانه والا مالك نفس
تطبخين ،، تطلعينها وبدون تسخين بعد :35: ؟؟
لذيذه ،، خفيفه ،، نصيحه جربيها واكيد بتدمنيها <<<< ( اصلح بالدعايات )
نبدأ بالبدايه افتحي الثلاجه وطلعي كل خضار موجوده عندك ،،
سواء ورقيه والا غيرها
جزر - خيار - كوسه - فاصوليا - بطاطس - باميه - كرفس - خس - جرجير
بصل اخضر - كرنب زهره - ملوخيه - بقدونس - كزبره - باذنجان - رومي - سبانخ
بازلاء - فلفل اخضر حار - ثوم - بصل عادي - طماطم لاتكثرين - واي شي غيره ..
عدس
ذره
زيت
فلفل اسود - فلفل احمر بودره - ماجي
الطريقه
نقطع كل السابق بطريقه عشوائيه ..
عدا البصل والثوم بقطاعة البصل ..
نضعه بقدر ونحط البهارات ،، ونكثر الفلفل الاخضر الحار والزيت عشان يطلع لذيذ ،،
ونخليه على نار هاديه لمدة خمس ساعات ...
لازم الخضار تنهري زين زين ،، عشان يصير طعمها غير عن الايدام ..
واذا برد فرغيه بمرطبان قزاز ... وعلى الثلاجه
مميزاته
يطول مايخرب ،،
جاهز عندك للطواري ،،
مافي مواد حافظه ،،
تضمنين الخضار ماتخرب لو عندكم مثلا مزرعه ويجيكم منها
بكثره،، او زوجك يشتري بالكرتون من الحلقه ،،
اكله لذيذه جدا ..
اللي عليك تسوي معاه رز ابيض ،، وسلطه النوع اللي تفضلون
بصراحه طعم خيال ،،
واللي يشوفه مايدري ايش مكوناته لانه طول على النار
فصارت مكوناته متداخله ..
واحيانا اسويه ساندوتشات بالصامولي مع خس يم يم ..
بس قبل احشيه اسخنه واخليه شوي ينحرق :35:<<< خلصي الموضوع لاتطلع الفضايح
مو ينحرق مره لا ،، يدوب يلصق بالقدر لانه يطلع الذ..
طبعا مااعرف اسمه ،، وسميته من عقلي :22: سنبل الخضار ..
اهم شي الثوم لا تنسينه ،،
هذي صورته وترى شكله احسن من كذا ،،
بس لاني ماحطيت كل الخضار وماخليته يطول على النار
يدوب ساعه وطفيت عنه ، كانوا جوعانين واضطريت استعجل ،،
20110603347
20110603346