يسعد مساكم بكل خير من الله
اكيد بتسهروا بالبيت مع الاهل سواء الام والاب والاخوه او زوجك واولادك وبالسهره نحنا بنحب نعمل اشيا زاكيه ولذيذه ناكلها وبنعمل بوب كورن اللي هو بوشار يلا طير وفرقع يا بوشار ما بيصير اكتر ما صار هههههههه تعالوا نعمل سله للبوشار بدل ما نحطها بالجاط نحطها بهالعلبه
اكيد بتعرفوا الورق الابيض قياس A3 الكبير شوي قد ورق الطباعه A4 مرتين
بنجيبه وبنقسمه ل 4 مستطيلات بيطلع عرض كل مستطيل 10 سم وبالارتفاع بناخد الطول اللي احنا بدنا اياه 20 سم مثلا من جهه بنبعد 3سم عن حافة الورقه وبنعمل خط وبعدين بنطلع 20 سم وبنعمل كمان خط افقي متل الصوره
لعمل القاعده بناخد من جهة اليمين 2 سم و3 ملم ومن الجهه التانيه بناخد 2 سم و7ملم وبنمد خط لفوق لزاوية المستطيل
خلصنا المستطيلات بنرسم كعب البكيت بننزل 4 سم وبنمد خط ععرض الورقه وبنعمل الشكل المرسوم واحد 4سم وواحد اقصر 3سم متل الرسمه
هلاء بنقص الشكل وقبل ما انسى بنعمل وصله للورقه بمقدار 2 سم وبلزقها هاي المنطقه المظلله هاي مهمه للتزيق الباكيت انبهي عليها
بنتني الجهه المائله على الجهه المائله التانيه مباشره شوفي كيف وبثبتها باللزيق
[/url
بقص الكرتونه وبتنيها
فاكره الشكل المظلل بحط عليه شوية صمغ وبلزقه من داخل الجهه التانيه
هلا القاعده بلزق الشبه مثلثين عبعض او شي وبعدين بجيب اللي الهم فتحه عشكل مثلث وبحط عليهم صمغ ووحده بعكس التانيه بنلزقهم على الاولانيات
الباكيت صار جاهز