مسآكمـ / صبآحكمـ خير و ورضا
قبل مآ أكتب أي شي لآآآزم تعرفووون عني 3 أشيآآآء ...
1- اني مجنونه ورق عنب
2- في الجمعآآآت العايليه اول ما ادوور له ورق العنب واعتبره ملك السفره ^_^
3- مستعده افطر و اتغداء و اتعشى ورق عنب
هذا الله يسلمكم يا طويلآآآت العمر العآآآم بالعطله قررنا نصيف في الجنوووب وبالذااات نروووح لبآآحتنا << مدينه البآآآحه السيآآحيه
وماشاء الله كل العااايله مجتمعه ببيت عمي الله يسعده
وبمآآ انوو البيت ماشاء الله كله بنآآآت تقريباً 10
أكيد لآآآبد من السهرآآآت آآخر الليل ،، و مآآ تحلآآ السهره الا بالأكل
فـ يوم من الأيآآم قررنا نصلح الآآآتي
1- ورق عنب << معذب الكل
2- سلطه مكرووونه << اللي منجد الكل ادمن عليهااا
3- حلى التووويكس<< اقتصآآدي و يصلح للجمعه و مقاديره متوفره
الورق عنب من إعدآد >> طيـورر + بنت عمي أم شهد
**
سلطه المكرونه من إعدآد >> طيـورر + بنآت عمي الثنتين الصغآآر >> خليتهم يقشرون البطآآآآطس و يسلقووون الذره ^_^
**
حلىالتويكس من إعدآآد >> بنت عمي
**
<< الصفحه كلهآآآ بنآآآت عم ^_^
×× يتبع ××
**
ورق العنب
المقادير/
2 علبه ورق عنب قودي
رز مصري منقوع " على حسب حجم العلبه"
3 بصلات مفرومه +2 ثوم مفروم + نعنآع و كزبره مفرومه
ليمونتين
3 طماطم مقطعه
بهآرات مشكله +ملح+ملح ليمون+فلفل اسود+دارسين+كزبره مطحونه+دبس رمان
مقآدير ماء السقو/
كاستين مآء مغلي+مكعبين مآجي+ملعقه صلصه طماطم
الطريقه/
1- اطلع ورق العنب واغسله واحطه بمصفى
2- أجهز الحشوة ...
في مقلآه نحمس البصل المفروم و الثوم بزيت زيتون ، ونضيف الماجي و البهارات كلها ماعدا ملح الليمون ، وأحركه لدقيقتين و بعدين نضيف الرز ونحركه لدقيقتين عشان الرز ياخذ طعم البصل مع البهارات
3- أطفي عليها النار و اضيف باقي الخضار اللي هي الطماطم و الكزبره و النعناع و عصير الليمون و دبس الرمان و ملح الليمون و أخلطها.
4- ضروري أترك الخلطه ترتاح من نص ساعه لساعه عشان تاخذ الطعم.
5-الف ورق العنب و بالقدر ارص طبقه بطاطس و بعدين ورق عنب وبصل و ليمون و حبتين ثوم و كم ورقه كزبره << احس تعطي طعم
لما تنتهي الكميه،
6- أجهز ماء السقو واصبه ع الخلطه و اضغطه بغطاء و بعدين شي ثقيل.
7- اخليه يطبخ على نار هاديه من ساعتين الى 3 ساعات على حسب الورق.و ازيده مويه كل مانقصت مويه
8-لا تفتحين الغطاء كل شي عشان لا يسود الورق عنب عليك ، واذا خلص وقت استواء طفي عليه النار و اتركيه ساعه ع الاقل عشان برضو لا يسود.
9- للأمانه ولأبراء الذمه هذي طريقه بنت خالتي الله يسعدها و يسخر لها زوجها هي اللي علمتني لها ^_^
10- أتمنى ما اكون نسيت شي وان نسيت بالله اعذروني
^_^
**
سلطه المكرونه
المقادير/
(أ) مكرونه مسلوقه في ماء و مآجي وشويه زيت
(ب) خيار مقطع مكعبات +طماطم مقطعه مكعبات صغار + فلفل اخضر مقطع مكعبات+ذرة مثلجه مسلوقه << أحلى من المعلبه
+ بطاطس مقطعه مكعبات و مقلبه
(ج) زبآدي مخلوط مع مايزنيز و ثوم مفروم وملح وفلفل اسود و نعناع مقطع
الطريقه/
نخلط جميع المقادير و يصير عندنا سلطه مكرووونه ولا احلى
**
**
**
**
**
و هذآ كآآن صحني :-)
**
و بعدهآآآآ حلينآآآ
**
حلى التويكس
* في صينيه بآيركس نرص بسكوت شاهي مبلول بحليب و نصلح طبقتين
* في حمام مآئي نذوب تويكس مع قشطه مع زبده ونصبه فوق البسكوت
* ويزين بجالكسب مبشور او حسب الرغبه
* الكميه على حسب الصينيه و عدد الافراد اللي بياكلون
×× يتبع ××