سهرتي المودرن في الويك اند...والله وصرنا مثقفين

السلام عليكن ورحمة الله وبركاته

انشغلت عن النت في الشهور اللي راحت وكان دخولي مجرد تصفح بسبب بنوتتي الصغيرة ربي

يحفظها ويحفظ لنا ولكم الذرية ويصلحها...قولوا آمين

بس الموقف اللي صار لي يوم الخميس خلاني غصب افتح صفحة موضوع جديد واكتب

طبعا ممكن يكون الأمر عادي وعادي جدا عند البعض

بس عندي أشوفه خطير

هذا ياطويلات العمر والسلامة بما أن الجو الله يرحمنا برحمته حر والصيف دخل علينا هالسنة بسرعة

الله يقينا وإياكم حر ونار جهنم يارب

طبعا تغيرت الطلعات الاسبوعية

في الشتاء طلعاتنا بر

والربيع بر أو بحر

والصيف محلك سر إلى أن تأتي العطلة

طبعا مهما كان الواحد يمل من روتين البيت والعيال يطفشوون وانا وزوجي مانحب المجمعات

فنضطر أن حنا نجلس ندور بالسيارة أو نتعشى بمطعم وبس

المهم ماعليكم بالطويلة<<<أدري طولتها بس شسوي من زمان ماكتبت<<<تحملوني

قررت يوم الخميس نكسر الروتين

قلت للعيال اليوم نروح جرير ...طلعة ثقافة واهم شيء براد

وديناهم وخذوا اللي يبون

وخذنا لهم أيسكريم

وقلت لزوجي أبقى أطلع وياك خلاص رجعهم البيت


يوم صرنا لحالنا قال ها وش عندك الليلة؟؟

قلت من زمان ماطلعنا لحالنا ..ابقى نروح كافي شوب

قال زوجي أحلى....وأي كافي تبين!! مستغرب ....:confused:

قلت خلنا نروح الكورنيش ونشوف....طبعا أنا في الدمـــــــــــــــــــــــام

قلت أبقى أطلع طلعة مودرن في الويك أند..احلى يامودرن وياويك أند:22:

الزوج الغالي عارف أني ماحب الكوفي شوبات لأنها ....موسيقى وأغاني وخزي

بس لأني لي فترة ماجربت قلت يمكن الناس اعقلت

رحنا لأول كافي.....سعد الدين

وانزل ويالله على مارقينا الدرج

ويوم وصلنا ويطلعون ثلاث بنات وحدة منهم كاشفة...زوجي لصق بالجدار عشان يمرون

يوم دخلنا قال العامل سوري..خلاص أنا أستنا مدام يروح خلاص محل سكر

نزلنا قلت بلاها..وزوجي مغتاض...هذولي وين أهلهم:16:

بنات الساعة 12 بالليل في هالأماكن...وبدون محرم:angry2:

قال كلمة عورت قلبي

قال هالأب والأم مايستحقون الذرية

ناس تدور الذرية سنين

وناس الله يرزقها ذرية وتتركها لارقيب ولا حسيب

بدعوة الحمد لله بنتي متربية وانا واثقة فيها

.............................................................

قال ها..وين تبين الكافي اللي تبينه سكر:hahaha:

قلت خلنا نروح روكسي كان له فترة مسكر وفتح يمكن صار محترم..<<<<كثري منها,,قال محترم

يالله وندرو على موقف وننزل

يوم فتحنا باب العوايل

إلا ريحة الدخان تعمي النظر

قلت أي عشان الشباب يمكن فوق غير

وصلنا فوق<<<<يمكن راكبة طيارة:::::والله من الدرج اللي تقولين مكوك فضاء

الا العامل تبقون كبينة بتلفزيون والا بدون

قال زوجي بدون:angry2:

ودانا على كباين تقل قبور الله يوسع علينا دنيا وآخرة

أثريني من صعود الدرج انكتمت وماخذت نفس

وعيوني تحرني قبل ماندخل الكابينة إلا الدخان تقولون داخله محل تدخين

قلت حسبي الله ونعم الوكيل أحنا نجلس هنا

مشينا

والعامل محولة عيونة...قال له زوجي هذا مو كافي هذا مدخنة

نزلت وانا آخذ نفس بعد الكتمة اللي جاتني

قال زوجي ها وين تبين....لاتقولين أنا ماوديك ها شفتي بعيونك:hahaha:

قلت البيت بلا كافي بلاهم...يازين غرفتنا زيناه

وصلنا آخر إشارة في الكورنيش وحنا طالعين قال زوجي في هنا كافي خلنا نشوفه

وصلنا لقينا محلين

الاول فتحت الباب لقيت ريحة الدخان عفن

واسكر الباب


وافتح الثاني

طلع لي رجال الحمد لله والشكر
مسوي مودرن:hahaha:

سكسوه تضحك بدون شنب

وانا وحدة بسرعة اضحك

وامسك نفسي يوم شفت اللي معه:angry2:

كاشفة

الله يسترنا دنيا واخره


مافي دخان بس موسيقى

ونرجع السيارة طبعا بسرعة

والرجال اللي بدون شنب على راحته فتح الباب للمدام اللي الله اعلم هي مدام والا

وركبت وسكر الباب

قال زوجي عرسان

قلت احلق شنبي اذا متزوجها<<<تأثرت بالشنبات اللي استغنى عنها الرجال

هذا يوم يتزوجها بيقطها تعفن بالبت وحسره عليها ينفتح باب بيتها تطلع


قال ها تبين مودرن والا البيت:o

قلت البيت

وناخذ كالعادة اثنين كابتشينو مع حلا ونكمل سهرتنا ببيتنا

بلا كافي بلاهم بلا دخان بلا غم

والله يوم دخلت بيتي جاني شيء بقلبي قال(((اللهم احفظ لنا ديننا الذي هم عصمة أمرنا واحفظ دنيانا

التي فيها معاشنا )))

قلت الحمد لله على نعمة الدين ونعمة الهداية

ربي يثبتنا واياكن على الحق

بس انقهرت ليه يعني مافي لنا مكان هادي ومريح الواحد يغير فيه جو

مالنا نفس بمكان هادي نسمع صوت الماء والعصافير ونشم الريحة الزينة

هذه دعوة لكل غيورة وتعرف احديبقى فكرة مشروع مربح

كافي شوب محترم

خالي من الموسيقى والدخان والخلوات المحرمة

ننتظر هذا المشروع بفارغ الصبر

وحتى ذلك الحين تظل غرفتنا وبيتنا احلى مكان نسترخي فيه

تمنياتي للجميع بقضاء اوقات سعيدة خالية من المحرمات في رضا رب البريات

الله يهدي الجميع يارب

وفي أمان الله