&& سهر مع نوم &&

تطاير من شفايفها عصافير العتب واللوم

وانا حاير على شط الكلام ومنخطف لوني!

عناقيد الملامة من ثناياها شعر منضوم

الى من هب نسناس الشفايا زادت جنوني!!

احس إن الكلام اللي تنادي به مطر وغيوم

يشب الشوق فيني والشعر ينبت من غصوني!!

لها نظرة بريئة حايرة بين السهر والنوم

اى من طالعتني كل ماقبلي يجي دوني!!

اكن ابحجرها عزت ذليل وبهجت المحروم

تجيب اقصاي ذيك الفاتنة ياللي تلوموني

اتوه بنظرتي لامن تعطف خصرها الملموم

احس إني سريع بلهفتي وأنا على هوني!

احس إن المشاعر نصفها يجلس ونصف يقوم

يصيح الوجد فيني لين بدد غيمة ضنوني!!

لها عطر يتهادى يخجل الازهار واليشموم

مثل ظل السحابة مشيها ياللي تعذلوني!

امانه لاشرقت بحسرتي لاتتركينه دوم

وصالك لو عليه من التعب مايجرح شجوني

وانا من يومها من يومها من يومها من يوم

تفرعنبي غلاها قلت هذي فرحت عيوني!!!؟

كتبت اللي كتبت وباقي خلف الحنايا كوم

وأنا ماقول عاقل بس كلي جيت بجنوني

تحيــ أميرة الليالي ــاتي