بس بجد طبق اليوم رائع رائع ونكهته مختلفة مع ان في ناس كثير تحس انه صعب واختراع :(
لكن هو جدا سهل
الطبق هو طاجن الدجاج بالليمون والبصل
طبعا هادي اكلة مغربية كنت اروح البادية عند اهل ماما واطلبه طلب طعمه يجنن خصوصا على الفحم مع الطبيعة يا سلام
ما اطول عليكم
المقادير
دجاجة مقطعة
4 بصلات كبيرة
جزرة وحدة حبة طماط وحدة
ملعقة شاي ثوم
3 ملاعق كبيرة زيت
فلفل اسود كمون زنجبيل كركم ملح ليمونة زيتون حسب الرغبة طبعا زيتون مو اسود الزيتون الاصفر
نجي للطريقة بالصور
اغسلي الدجاج زين بالملح والخل لين ينضف وما يبقا فيه ريحة
جيبي الليمونة وقسميها على اربع خدى الثلات اجزاء وخلي جزء منها راح نحتاجه الحين ادعكيها بالليمونة زين لا تغسليها من الليمون
قطعي الجزرة بشكل طولي بالطريقة هادي والبصل قطعيه دوائر
رتبي كل قطع الجزر بقاع الطاجن ونصف كمية البصل
الحين نرجع للدجاج نتبله بالفلفل والزيت والكمون والزنجبيل والملح والثوم وباقي قطعة الليمون ونصفه فوق البصل مع اضافة القليل من الماء لان الدجاج والبصل والجزر راح يطلع منهم موية
رتبي البصل الباقي فوق الدجاج زي كدا قشري الطماط واعصريها من الموية وقطعيها مربعات وحطيها في الوسط
سكري الطاجن على نار عالية نوعا ما وبعدين خلي النار جدا واطية
هنا استوى الطاجن
ريحته تهبل
غسلت الزيتون كويس واضفته وبعد دقيقة قفلت الغاز
ممكن تضيفي بطاطس مقلية
يا بنات هادا الطاجن رائع رااااااائع خصوصا لو سويتيه على الفحم الي تجربه راح تدعيلي كانت جارتي دائما تطلبه مني :42:حتى بعد ما سافرت تقولي وحشني الطاجن حقك
يالله ابغا تقييم وما بغا وحدة تدخل وما ترد ازعل منكم
شهية طيبة وفي امان الله