هلا بشري ان شاء الله انتي في الرياض عموما عودا حميدا تبين حلى قهوه اعجبني مرينون في الثلاثين اطلبي الي يسمونها بحريني
مالح عندي رقم ثنتين شغل بيوت شي حلو وغريب وطبعا زاكي البنات مدحوه في التخصصي كمالح والمتكا
حركات بعد العشاء انا يعجبني تنثرين ورد مجفف وشموع على رخام المغاسل بسيط وحلو

فعلا ياشاكرة حلى مرينون بالسمسم غريب مره
وعندك محل لافندر حلوياتهم غريبه بعضها بالمارشملو مغطى بالكراميل والشوكلاته
فيه محل بالثلاثين اسمه سوشيه يسوي كليجة سعنوووووونات بس لازم تسوين الطلبية قبل بيوم على الاقل
والموالح حقت الشاي من الذواق موالحهم راقية وحلوووة
وبراقب ردود الاخوات عليك لان موضوعك ينفع اختي بولادتها

هلا وغلا شاكرة..

عندك محل لافندر..عندهم كيك صغير مغطى بشوكولا يصلح تقدمينه مع العصير أو القهوة..على كيفك..

وفي نكهات على حسب ذوقك..

وفي محل تاوه يسوي لك بيتيفور صغير على شكل ورود يهبّل وطعمه خيال وشكله خيال..ويقولون معجناتهم

بعد حلوه وكلها أحجام صغيرة لكن للأمانة ما جربتها..

واللي ينحط عند المغاسل تقدرين تزينيها بنفسك..في صناديق أشكالها حلوة ومناسبة لهذه الامور بهوم بلازا

وأسعارهم رخيـصة بعد..حطي فيها مناديل معطر بدهن العود يجي جاهز وريحته تهبل كنه أغلى دهن عود

تلاقينه بأماكن كثيرة..وبعد حطي حلويات من قبيل أفتر ايت وبولو وهيل وهولز بالصناديق..لا تكثرين أشياء

على المغاسل أهم شيء يكون الشكل مرتب..أنا ما أحب حركات التول والزبرقه الزايده..لكنها تعجب بعض الناس

وانت براحتك..شوفي اللي يناسبك وأي استفسار عن اللي ذكرته لك أنا بالخدمة لا يردك إلا الكيبورد..

تحياتي :26:

فيه محل اسمه على مااعتقد
حلويات لجين
الكيك حلو عنده :27:
والمعجنات وووو
واسعاره جدا معقوله :24:
وانا للاسف مااعرف اوصف مكانه , بس اللي اعرفه ان فيه فرع جنب مستشفى دله والثاني في شارع انكاس , واي شئ ثاني من عيوني :26:

واللي يعافيكم اللي تقول محل تقول وين وصفه بالضبط

بالنسبه للافندر

ياريت تعطوني الوصف ورقم تلفونهم اذا سمحتو

وبقيه المحلات الله يعافيكم