سوءتفاهم بينا ويبن اهل خطيب بنتي

السلام عليكم ورحمه الله وبركاته مسائكم رضا ورحمه من رب العالمين زواج بنتي بعد 12يوم الله يتممه ع خير ويوفقها هي وبنات المسلمين ويرزقهم الصالح يا رب المهم بدخل بالسالفه ع طول اتفق زوجي مع المعرس انه العشا مشترك قال ماحب اكلف عليه مع انهم عائله مشاءالله لاقوه الا بالله عندهم خير بس زوجي قال عيب نحمله كل شي مع انه يوم الملكه كانت امه متفقه معي انها تبي تساعدني ونا والله ما بغيت بس عشان هي طلبت وحبيت لها الجماله قدام الناس ويوم كلمتها وقلت يا ام فلان يلحقك كذا قامت تقول انا ما عندي ونالو عندي المهم احرجتني قلت لها انتي طلبتي لكن انا اخذت الموضوع بروح طيبه وسويت ملكة بنتي والله كلفتني 30الف ماخليت شي بخاطرهاوالحمدلله تسهلت الى الان ما دخلت بالمشكله الي صارت قبل امس وتنكدت وتمنيت اني تمهلت شوي بالزواج بحكم انه العشا مشترك قال زوجي بنروح نحجز بوفيه العشا حق الحريم ونا بتحمله كامل واخذنا المعرس وقاله انت بتحمل عشا الرجال وللمعلوميه لا امه ولا اخته دفعوا ريال كل شي من ظهر المعرس ونا بمحل البوفيه جالسه احدد المعازيم جوالي طفى شحنه قلت والله ودي قبل احجز ودي اني مكلمه اختك بحكم هي المسؤله عن معازيم اهلها قالي خذي جوالي وكلميها دق ع اخته ويوم كلمتها قلت انا بمحل البوفيه احجز وابي اعرف معازيمكم واجد انا حسيت انها تغير صوتها بس والله ع نيتي ماجاببالي شي المهم حجزت ودفع زوجي نص البوفيه بعدها بعد تدق علي ام المعرس تقول انها زعلانه هي وبنتها قلت ليه قالت المفروض يوم رحتي مع ولدي كان استئذنتينا انك تحجزين عشا الحريم وتدقين ع بنتي من جوال اخوها عشان تقهرينها انا هنا انصدمت قلت لها ياعمه هي اخت ابوي انا الي اعرفه انه العشا مشترك بينا وبينكم وزوجي هو الي دفع ونا مارحت مع ولدك انا رحت مع زوجي ولدك ركب معنا وزعلت قلت انا لي حق اختار ولاني بختار شي شين وتطمني ماراح يحطون صورتي في البوفيه المهم زعلت وقالت لي اطلعي من اي شي سويته بزواج ولدي الديجيه الي انتي حجزتيه الغيه والكوشه وكل شي حن حرين بزواج ولدي وبنتها الله يسامحها مكذبه ع امها تقول لها انا اقول لها لا اشوف اغراضكم بغرفه العروس ونا والله ما قلته كل الي قلته لكم غرفه العروس بحكم مافيه غيرها من الساعه4الى الساعه9 بعدها من حقي يكون لبنتي خصوصيه ما ابي حريم داخلين وخارجين والطامه الي بعد نرفزتني تقول بنتها انا بجيب التقديم من المحلات ونا والعاملات بنزينه بغرفه العروس قلت ليه الزحمه خلي المحلات يسووون تقديمكم ماراح ارضى تصير الغرفه محل اكل وتلصق الريحه في ملابس بنتي وزعلت المهم غلطوا علي واحس اني مره طفشانه حتى بنتي يوم شافتني ابكي قالت ما عاد ابيهم خلاص مع انه خطيب بنتي ينحط ع الجرح بيرأ يحبها يحترمها حتى زعل من حركه امه واخته المهم دقوا بعد كم ساعه يعتذورن مني وانهم ما يدرون انه زوجي الي دفع ومن ذا الكلام بس خاطري شان قولوا لي اش اسوي نفسي طابت