سوء الظن وسوء التقدير مشكلة صديقتي

السلام عليكم اخواتي




لي صديقه من زمان اعرفها من ايام الجامعه محترمه وبنت ناس بس مره تعبانه في حياتها
لو ما اعرفها وعاشرتها وشفت نقاء سريرتها وسذاجتها يمكن كان صدقت 
المهم اشتكت لي من قلب بعد ماخلاص تعبت وانا بصراحه  قلت لها بحط مشكلتها هنا وتكفون اعطونا رأيكم هذي رسالتها:




االسلام عليكم انا مشكلتي سوء تقدير الناس لي وسوء ظنهم حتى اقرب الناس مني مطلوب مني دائماً اثبات حسن نيتي مع اني والله العظيم مره ماقصد اي سوء 
اذا استشهدت بآيه تتريقو علي
حتى اقرب اقرب الناس ناس متدينين جدا اذا وقلت انا بصبر علشان الجنه يردون علي انتي تعرفين الجنه انتي
حتى امي لما تظلمني وتسئ الظن في تصرفاتي اقولها لاتظلميني وادعي ربي مايحاسبها على كلامها ضدي واقولها الظلم ظلمات يوم القيامه ترد علي بتريقه وتعيد الآيه يعني مو انتي اللي يستشهد بآيات هالشي يقتلني يجرحني احسني بموت لأني ما آذيت احد والله العظيم تصرفاتي محدوده معتزله في البيت عمري في حياتي كلها ماسويت شي او سافرت او رحت افراح وحفلات طول عمري بنت حياتها محدوده بين البيت والمدرسه والجامعه وشكلها للقبر وسوء الظن يلاحقني اني بنت لامباليه متمرده ما اصلي ولا اعرف القرآن انا الحمدلله محافظه ع الصلاه والعبادات لكن احاول ماحد يشوفني ابدا وانا اصلي او اسوي اي عباده نافله احاول دايم محد يعرف مادري ليه بس هذا اللي اسويه بس انا تعبت والله العظيم من المعامله السيئه انا ما استاهل كذا انا متأكده انا انسانه زينه وقلبي يحب الخير للكل بس علشان اقدر اكمل في هالدنيا حتى اموت لازم احس بالقبول من اللي حولي وانا هالشي صعب جدا انا شخص غير مقبول ابدا وعجزت افهم السبب والله عجزت كل شخص عنده مأخذ علي حتى لو مايعرفني اصلا او عمر ماكان بينا اي حوار 
مثل وحده من البنات جلست تتكلم فيني بكلام وهي ماتعرفني وانا ماعرفها بس نتقابل في باص الجامعه ووحده من شلتهم  بالصدفه تعرفت عليها كانت مثل الملاك اللي ربي ارسله هالبنت كانت غير عن كل اللي عرفتهم في حياتي كانت حافظه للقرآن انسانه نقيه بكل معنى الكلمه ولما عرفتني وتقربت لي وتناقشنا في امور كثير انصدمت وقالت لي ان البنت هذيك كانت تشوه سمعتي وتتكلم بكلام يناقض اللي هي تشوفه  وقالت سبحان الله لاحد يصدق بإذنه انتي تنوزنين بالذهب اخلاق ورقي فرحتني مره بإنطباعها عني والحمدلله ربي سخرها لي علشان ترد عني الظلم اللي كانت البنت هذيك اللي حتى اسمها وشكلها ماعرفه حمدت ربي اللي سخرها لي علشان كل ما افترت البنت هذي تدافع باللي هي شافته 
لكن الموضوع متعب انا اتعامل مع هالنوعيات في كل مكان في الوظيفه في الحياه وش اسوي اتمنى تنصحوني وتقولون هل مر عليكم احد كذا ووش السبب