سوأل عن الشيخ رشيد بالخفجي

السبت / اثنين/ اربعاء بعد العصر
والكروت توزع الساعه ثنتين الظهر بنفس المكان الي يقرا فيه
يقرا قراءه جماعيه وبعدها وحده وحده فردي
اعتقد انه مداوم الان بس ترا دايم يسافر سفرات فجاه

سبحان الله ..تونا جالسين نتكلم عن المشايخ ..
عمري ما رحت له لكن اللي راحو له يقولون والله أعلم انه يخليك لازم تشترين منه مويه وزيت مقري عليه وما ادري ايش
يعني مثلا كرتون المويه ب300 ريال ويقولك تحتاجين شهر أو شهرين
كم كرتون مويه بيكفيك؟
أنا أشوف ان الشيخ سعد الغامدي بالدمام افضل بكثير والفضل والعلم عند الله

الله يجزاكم خير على الرد
ياليت اقدر اروح الدمام بس الظروف الله المستعان
طيب لازم احضر القرآه الجماعيه ولا لا ؟ ولا اذا جاء دوري ادخل
لاني باخذ اختي معي وماودي تشوف التعب الي يصير

أسمي أنا رحتلته زحممممممممممه أولا ثانيا وأنتو جماعي هذي محاظره وكلام مدري وشوله يقوله يضيع وقته ووقتنا
ثالثا عصبي ويعرف الي فيك من غير ماتقولي شي نهائي والله عرف أن عندي ألتهابات نسائيه وأنا مافتخت فمي نهائي
وأخذ مني 500 على علبتين زيت سمسم وزيت لتساقط الشعر علبه وأكياس صغيره فيها ملعقه سدر وملعقة ملح بس هذا ب500 وربي ظلم
عموما فيه ناس أستفادو منه لكن أنا ماستفدت وربي الشافي

لاحول ولا قوة الا بالله
ليش كذا اسعاره غاليه
وكثير قالو مثلك انه يعرف بدون ما يسأل الشخص الي قدامه والله يستر
والي مخليني اتردد اكثر ماودي يقول سبب علتي قدام اهلي يعني مثلا يقول هذا مس او شي غيره
يارب تيسر الشفاء لي ولكل من رد علي والمسلمين اجمعين يارب