سواد الكوع و الركبه ز اليوزه.....راح بشيله وحده..

:32:

هاي بنات....شخباركن...

في طريقه إستخدمتهه من سنه تقريباً أو أكثر...و رديت عليهه من شهر...والبارحه طلعت النتيجه, اللي خلتني من فظاعتهه لازم أخبركن علشان تستفيدون منهه...

من سنه و أكثر ....في ليله من الليالي ..كان عندي هالشغلات و بكميات قليله , خلطتهم مع بعض:

1- زيت فيتامين E
2- جلسرين
3- كبسولة فيتامينE
4-زيت اللوز

خلطتهم في غرشه.......قبل النوم, خضيت الغرشه, حطيت شوية منهه في فنجان, و عصرت عليهم شوية ليمون...

بعد السبوح....نشفت روحي عدل, وحطيت هالخلطه على جسمي, و ركزت على الأماكن الغامجه ( الكوع, الركبه, اليوزه, وبعد مكان ما تجفسين ريلك و قت الصلاه يصير غامج و خشن, إهنيه بعد حطيت.... طبعاً مع شوية فرك خفيف...و هذا قبل النوم بساعة تقريباً, وكنت أنام فيه.....

والصبح أستحمه, مع مسحه خفيفه من زيت اللوز....

و تميت على هالحال تقريباً شهر,وبد هالشهرعملت حلاوه, و الله ثم والله إني يوم و صلت للأماكن الغامجه صارت تتقشر وأشوف الجلد الغامج يقوم في الحلاوه, وكان مكانه يحرني وصار أحمر....ويوم تسبحت, وحطيت شوية زيت لوز , خفت الحراره, وثاني يوم الصبح صار لونه أبيض و أفتح من لوني الأصلي... و الله خفت بعيد الشر يصير برص... :icon33:

سيييييييييييييده شلت عليه على دكتورتي الجلديه اللي أتعامل معاهه, يوم شافت الركبه و اليوزه, سألتني أي كريم إستعملتيه, و كنت ميته من الخوف إن صار لي شي إسم الله علي.... قلت لهه بس زيت,, طلبت مني بالتفصيل ....بعدين يوم عرفت الزبده مني... قالت لي ما فيج شي....بس كله دهنيهه.. إهني ردت الروح لي , و حمدت ربي إن الشي عادي..

ومع الأيام, صار اللون يرجع شوي شوي, مثل لون جسمي الأصلي.

والخلطه تاركتهه من زمان , ونسيييييييييييته...

إلا من شهر , تذكرتهه , و سوييتهه,,,والبارحه عملت الحلاوه...وصار لي نفس الشي,,,بس عكس الموت من الخرعه السنه اللي فاتت...هالمره مت من الونااااسه... :icon28:

وقلت أخبر خواتي الحلوات بالسالفه كاااااااااااامله.....

وإن شاء الله بالفايده...

وسلامتكن :27: