بعد شهر من الاستمرار وشيل بالحلاوه ولما جلدي يحمر اوقفها كم يوم ولا استمر عادي
هل بيضتي اذا بيضتي كم درجه؟
وشكررررررررررررررررررررررررا

باين من المكونات ان الوصفه رائعه فعلا ومفيده وطبيعيه وفعلا بتفتح لون الجلد الغامق وتجدد خلاياه اختى مثل ماقلتى

بتعرفى اختى ممكن كمان تزيدى كبسوله فيتامين A رووعه لاعاده تجديد خلايا الجلد

ان شاء الله هاجرب وصفتك اختى ان اعندى كل المكونات دى ان شاء الله هابدأ فيها على طوووول

جزاك الله خيرا وبارك الله فيك اختى

قوووووووووووووووة

مشكوره اختي تسلمين على طريقتج الحلوه هذي

بس انتي قلتي عقب سنه من الاستخدام طلعت النتيجه يعني مو من شهر >_<
فيعني لازم استخدمها سنه كااااااااامله

ابيييييييييه وقت طويل
بس النتايج حلوه
ومشكوره تسلمين

هلا بخواتي ويسعد صباحكن...

1- إختي لميس.. العفو حبيبتي , وجربيهه تراهه حلوه وتطري الجسم وااااااايد...
2- إختي بنت زايد, عفواً عزيزتي , بس انا مو للأكل يا متوحشه!! هيهيهيييييييييييييي...

شوفي حبيبتي, أنا حزتهه , كانت المقادير مو متساويه, لأن عندي من كل شي شوي .. بس بعدين , يوم شفت الفايده, عملتهه بالنسب التاليه:

قياس إستكانة شاي من كل من الزيوت هاذي:( زيت فيتامين E + الجلسرين السائل الشفاف + زيت لوز) +أربع إلى ثمان كبسولات فيتامين E , أقطع من فوق, وأفرغ محتواهم في غرشه, وأخللط المكونات مع بعض عدل..

وقبل النوم , أحط شوي من هالخلطه تكفي لجسمي في فنجان, وأعصر عليهه كم قطرة ليمون, وأبتدي أفرك جسمي, و أدقق على الأماكن إللي خبري خبرج... وبعد ساعه أنام بالخلطه , أقوم الصبح و أتسبح, وأنشف جسمي و أمسح عليه زيت لوز.... وبالليل أعيد العمليه, وبعد شهر وقت الحلاوه, أشيل و أتسبح وأنشف جسمي , وبعدين أمسح جسمي بزيت اللوز , وشوفي الجسم متوحد لونه إشلون, وشوفي نعومته و صفاءه وشوفيه إشلون يلق....

بس لا تقول لي وحده إنه ما نفع معاهه, وهي أصلاً كله بالشمس و سباحه , أكيد ما بكون مفعوله عليهه مثل مفعول الوحده اللي تحاسب لروحه من الشمس , بس النعومه راح تحس فيهه والجلد راح يكون مشدود و نضر....

بالنسبه لماركة الفيتامينات... أنا ما تفرق عندي الماركه...بس اللي أستخدمه هو :

Nature's Bounty Vitamins.
تحصلين منه الزيوت والكريمات و الكبسولات...OK??!!

3- إختي شوق, ليش مستغربه من (ومبروك عليكن المولد النبوي الشريف؟؟!!!) وقت كتابتي للموضوع كان بشهر ربيع الأول, وهو ولادة النبي الشريف سيدنا محمد علية أفضل الصلاة و السلام, من جذيه كتبت هالجمله..ومبروك عليكن المولد النبوي الشريف. إن شاء الله وضح لج الموضوع...

وهلا وسهلا بيكن جميعاً...

خواتي:
1- ما يهم... العفو عزيزتي...
2- Matono ... أنا أستمر عليهه لأنهه فظيعه للجسم, من حيث الطراوه و توحيد اللون ,وجلد صحي و نضر... شوفي, بالنسبه للتفتيح, وخاصه بالصيف و في الخليج أكثر شي, نسمر, واليد تغمج خاصه إذا كنتي تسوقين سياره, غير طبعاً الركب و الكوع و أماكن الإحتكاك, بكون لونهه غير , يعني أغمج بدرجتين أو أكثر من لونج الأصلي, هذي الخلطه و لله الحمد صفت لون جسمي كله وخلته درجه واحده, يعني أنا حنطيه بلون الخوخ , جسمي صار كله لون واحد, يعني مو ركب بيضه وسيقان حنطيه, لا..... لووووووووووووووون واحد... أثر حبوب أو جرح يخنفي مع الوكت.. ومن تخلص الخلطه و عندي مزاج أخلط مره ثانيه أعملهه.... والله أحسن زيت عملته لجسمي,,, جربت خلطات كثير و نفعتني, بس أرد أعمل الزيت وأستخدمه....

2- عزيزتي روابي مصر...

عفواً حبيبتي , والله يجازيج و خواتي كل خير و بركه.... الخلطه صدقيني أكثر من رائعه, بالنسبه لفيتامين A , أنا أستخدمه بس لفروة شعري, أحياناً لوحده و أحياناً أخلطه مع الزيت اللي أستخدمه لشعري....وهذا قبل الإستحمام بكم ساعه.... وهو جداً مفيد للشعر و فروتهه...

سبب إني ما أضيفه لخلطة الجسم هي ريحت فيتامين A الزفره, وبعدين أعتقد إن خلطة الجسم حلوه كذا و خفيفه للجسم ....

3- إختي إيماني... الله يقويج عمري, أنا إستخدمت الخلطه من سنه وطلعت النتيجه من ذاك اليوم, وقلت إن من شهر رديت سويتهه, يعني مفعولهه بالنسبه لي يطلع شهرياً مو سنوياً, وأنا مهمله الطريقة خذلي سنه , ورديت إستخدمتهه من شهر.....فهمتي علي؟؟؟؟

وهلا و سهلا فيكن جميعاً....