سواد ماتحت العيين الحقوني اتفشلت منه؟؟؟؟

انا بعد انتظر منكم الحلول

السلام عليكم ورحمة الله وبركاته .... انا كانت عندي عقدة الهالات السودة فترة طويله بس الحمدلله بدا يخف واااااااااايد
انا ما اعرف شو اللي ساعد في تقليل من لونه بس بقولكم شو كنت اسوي ولاحظت انه خف..
بالبدايه استعملت كريم شجر الدر من ابن سينا للأعشاب بس لاجظت انه نفخ جفوني السفليه فتركته وبنفس الفتره انا كنت ماخذه فيتامينات للشعر واحس انها ساعدت لنها مب بس للشعر للبشرة بصفه عامه .. ومن اسبوع بديت اشرب الماي مع ماء الورد واحس انه فتح بشرتي وبعد من اسبوع استعملت زلال البيض كماسك واحطه على ويهي كله وحتى تحت العين واخليه نص ساعه وعقب ما اغسله احط عسل تحت عيوني ... وهذا كله انا ماخذته من المنتدى وجزا البنات اللي كتبو المواضيع خير الجزاء .. عاد انا ما اعرف شو اللي ساعد ..
بس بعد شرايح الخيار والبطاطس تحطينهم على العين لمدة 15 دقيقة تفيد ان شالله
ويقولون زيت اللوز مع شوية عصير ليمون تدهينين المنطقة فيها وعندج بعد كمادات الشاي ..
ولا تنسين الراحه لها دووووور
واتمنى اني افدتكم .. واذا جربتوها ونفعت معاكم الله يخليكم حطو تجربتكم علشان الكل يستفيد :27: :26:

مرحبا بنات
اقول لكم على وصفه تودي السواد مع المداومه عليها
اولا اشتري من عند العطار بابونج الكيس بخمسة ريالات بس
وبعدين حطي ملعقتين وسط بابونج على كاس ماء على النار حتى يغلي وبعدها اتركيه حتى يصبح دافئا واحضري قطنه وبلليلها بمنقوع البابونج وضعيها على عينيك مدة ربع ساعه وخلال هذه المدة كلما احسست ان القطن جف بلليه مرة اخرى وضعيه على عينيك حتى تنتهي الربع ساعه
اذا داومتي عليها ستجدين الفرق وستلاحظينه من اول او ثاني مرة وهذا يعتمد على درجة السواد احد معارفي لاحظت الفرق بعد استخدام يومي مدة اسبوع..
الله يذهب الهالات السوداء..
تحياتي اليكم