سواقنا الجديد فاقع مرارتي

و الله مقهورة و متغاظة و ماني عارفة كيف أبدأ


احنا جبنا سواق جديد من شهر ولا شهرين تقريبا و طبعا لازم نعلمه و نوصفله الطرق و انا اصلا مااعرف طرق ولا اعرف اوصف في كل مره اروح معاه اتوه لساعتين ولا ثلاث عشان اروح المكان اللي ابغاه و هو طول الطريق يتريق و انا دمي يغلي نفسي اضربه :angry2:و دايم سرحان و ما يستوعب الكلام اللي نقوله و يسوي عكسه بس في النهاية حلفت اني مااروح معاه الا لمن يكون معايا احد يوصفلوا و امي و ابوي مو فاضيين لي عندهم شغل و اخواني عندهم مدارس و انا مااعرف طرق جدة ولا اعرف اوصف و ماني قادرة اتعلم عشان خرجاتي قليلة مرره ... ابغى اتعلم بس مشكلتي مااعرف اوصف خاصة انو شوارع جدة متغيرة بسبب التصليحات و الكباري :(