سواقي واهل زوجي

مرحبا بنات

زوجي جابلي سواق عشان يرييح راسه من المشاوير بس قاللي السواق لكي ولامي لان امه ماعندها احد يخرجها كل عيالها متزوجين
 قلتله اوكي ماعندي مشكلة اصلا احنا ساكنين قريبين من بعض مسافة 5 دقايق
جبنا السواق وسكناه في بيت ام زوجي لانو هي عندها غرفة خاصة للسواق وانا ماعندي
المشكلة انو كل ما ابغى اخرج الاقي ام زوجي خرجت صرت لازم اتصل عليها واتاكد انو هي ماعندها خرجة 
يعني تخيلو على كل مشوار لازم اتصل عليها وهي من بعد ماجبنا السواق ماصارت تقعد في البيت تقريبا كل يوم تخرج
وفوق هذا بنتها المتزوجة ساكنه فوقها فصارت هي كمان تاخذو دايما من دون ما احد يكلمني طيب
 انا صار يعدي عليا اسبوع واكثر ما اخرج بسبب خرجاتهم وحتى اذا خرجت مع السواق تقعد ام زوجي تربشني اتصالات متى راجعه اصلا انا عندي موعد دكتور او اي شي المهم ينكدو خرجتي
واكتشفت كذا مره انو تقولي انا خارجة وعندي مشاوير وفي الاخير تطلع اخت زوجي هي اللي خرجت
انا مليت وبديت افقد اعصابي المفروض هم اللي يتصلو عليا اذا يبغو السواق مو انا 
يعني السواق له شهرين عندي ماخرجت الا كم مشوار ينعدو عالاصابع
حتى زوجي احسه انو حاسس انهم محتلين السواق بس ساكت يمكن لاني انا ساكته
  انا ابغى اكلم زوجي بالموضوع عشان يشوف حل بس مابغاه يحس انو بحرش على اهله 

قولو ياجماعة الخير لو كنتو مكاني ايش حتعملو