تصدقون 24 ساعه تعب في تعب والله الظاهر انها من وقفه أمس في المشغل الله لايعيدها بس وش أسوي لازم الواحد يكد ويتعب ويشقى عشان يحصل على لقمه عرقه من عيش جبينه .. وع :09: لحظه آسفه النوم لخبطني لازم احصل لقمه عيشي من عرق جبيني .. >>الله يعينك صراحه مدري وش مصبر أم جودة عليك أقصد لو موأنتي موجوده وشكان سوت بدونك <<تجاملها:biggrin:
الفستان اجمل مما أقدر اوصفه تحفه فنيه البراءه والأناقه والغموض والرياضيات مجتمعين <<عسى ماشر ليه مجتمعين :ohmy:قلبي مو مرتاح لجمعتهم ماعاد أحد يجتمع الا في عزاء أو مصيبه>>فاهمه الموضوع غلط خخخخ
فيه طبعا الفستان كان لونه اصفر على اخضر ..مثل الوان (كتاكيت الديره) ومخطط بلمعه لون احمر وعليه من كل حدب وصوب ريش ريش ريش ريش ليييين الركب طبعا عند الركب خصر نازل ومن ثم يجي من الركبه الى الرجل كرانيش كرانيش كرانيش لون فوشيا.. طبعا المكياج كلللله احمر من ظل وروج وكحل واحمر خدود <<خخخخ تكفين لاعاد توصفين لبسك عشان الذوق العام مايخرب أقصد البضائع الثانيه مايطيح سوقها<<مايهمون عليها تكسر خاطرها
العروسه تطلقت أمس وماعاد تحتاج للصور .
بعد تفكير أستغرق مني ثانيتين قررت أني ماراح أجيب مصوره اذا جاء الفارس بعد عمرطويل<<حماره مبنشر
وبخلي شغلتنا تصورني بالجوال أبرك لان بصراحه زي مايقولون أخونا المصاريه العمر مش بعزئه .
نصيحه من أخت لأختها دوري لك شغله غير المشغل قبل مايزيد عدد ضحاياك بالعربي أنفذي بجلدك.
الله يسعدك ياقموره ننتظرك بكره :26:
فور روز
•
افا وانا بنت ابوي .. هذا وانا مقرره اهديك هديه زواجك 450 صوره مرة على اليمين ومره على الشمال (مثل اللي في السجون يصورونهم من كل جهه ..) طبعا كلها على حسابك خخخخخخ
والله يا انك بتتهنين بشكل مايعلم به الا الله وحده ..
بس على شرط تختارين من الحركات اللي اخترتها لهم مو حركات نص كم خخخخ .
والله يا انك بتتهنين بشكل مايعلم به الا الله وحده ..
بس على شرط تختارين من الحركات اللي اخترتها لهم مو حركات نص كم خخخخ .
خخخخخخخخخخخ
هديه وعلى حسابي على العموم ماعاش من يرد هديتك بس تتعشين أول بجهز لك عشاء يليق بقامك وبعدين تصورينا <<بتحط منوم في العشاء خخخ
:icon28::icon28::icon28::icon28:
خلصت خمسين مشاركة
هديه وعلى حسابي على العموم ماعاش من يرد هديتك بس تتعشين أول بجهز لك عشاء يليق بقامك وبعدين تصورينا <<بتحط منوم في العشاء خخخ
:icon28::icon28::icon28::icon28:
خلصت خمسين مشاركة
الصفحة الأخيرة
اليوم بعد العصر بروح المشغل وباخذ لي بندول واحط راسي تحت الطاسه اللي تطلع هوا حار ربما يكون في راسي هوا بارد .. بس اول اشوف وش الغدا ؟ اذا عجبني باكل واذا لا بروح المشغل بدون غدا .. نزلت عند امي لقيتها تسوي غدا وريحته مدري ماعجبتني لكن الحمدلله على النعمه .. فتحت القدر لااااااااااااااااا يمه وش هذا ؟ امي .. وشو انا : يمه انا ما قلت لك اني ما احب الراس ؟ لا ومزينتها بالكرشه كمان .. امي :وعساك ماحبيتيها ابوك جاب الذبيحه وقال يبي الراس والكرشه مع الغدا ..أنا : يالله صدق انكم ناس متوحشين بالله من ياكل الراس ؟ المشكله ان السيد صاحب الراس هذا مخيف قاعد يضحك طووووول الوقت ما كنه مات اصلاً لا واللي يقهر اسنانه اللي اظن عمرة ما قد فرشها .. يمااااااه يمااااااه يمااااااه .. امي .. وجع ان شاء الله خير دوختيني ..انا: يمه وش طعم اسنانه ؟ امي : نعم ؟ انا: صدق والله يمه بالله كيف تاكلين أسنانه ؟ مافيه شيء مسوس والا عنده التهاب في اللثه والا يمكن ضرس العقل باقي ما طلع ؟ امي: شوفي هي من ناحيه اللي تكلمتي فيه كلللللللله انا عارفه الغرض منه تبين اندومي صح ؟ مافييييييه وماعندك الا هالأكله هذه والا عندك 6جدران في كل غرفه تعرفين شغلك فيها .. انا : والله يمه جدراننا زينه بس للأسف ماينحط عليها شطه والا بتخرب .. امي رفعت الملعقه عرفت ان بيجيني صاروخ سكود على طوووول هربت .. يالله يعني الغدا راح يالله باقي الدوام .. لبست واتكشخت اليوم كشخه ما هي صاحيه سمعت البنات في المشغل يتكلمون عنها يقولون انها تخلي الواحد غصب يكون كتكوت مدري كذا سمعتهم يقولون .. انا سمعت كتكوت منا واروح على طول السوق في نفس ذاك اليوم .. وصرت كل ما أدخل محل اقول للبياع ابغى لبس كتكوت يقوم يطالع فيني يقول ايش أقول لبس كتكوت ويصفق يد بيد ويضحك وانا مقهوووووره فقررت اني ادور هالكتكوت بنفسي .. أخويه صار يستخف دمه يقول وش رايك نرووح مزارع فقيه والا رضوى يمكن نلاقي اللي تبين ؟ وانا هههههه بااااااايخه مثل وجهك اللي كن لوحه انتبه امامك نقطه تفتيش امشي بس وانت ساكت .. لين وصلنا محل ولقيته ..لقيته يابنات .. بغيت انصرع عند المحل معقول الاقي ذوقي بهالسهوله ؟ وشريته كان اجمل فستان اقتنيته منذ ان ولدتني امي (متعوب عليها لعيون بكرة اكيد احلى خخخ) المهم رجعت البيت ولبست الفستان اجمل مما أقدر اوصفه تحفه فنيه البراءه والأناقه والغموض والرياضيات مجتمعين فيه طبعا الفستان كان لونه اصفر على اخضر .. مثل الوان (كتاكيت الديره) ومخطط بلمعه لون احمر وعليه من كل حدب وصوب ريش ريش ريش ريش ليييين الركب طبعا عند الركب خصر نازل ومن ثم يجي من الركبه الى الرجل كرانيش كرانيش كرانيش لون فوشيا.. طبعا المكياج كلللله احمر من ظل وروج وكحل واحمر خدود مدري حسيت ان كأني خارجه من البيت متلطشه كفووووووف وان في عيوني التهاب وانا ما أدري.. المهم ماتتصورون يوم شافوه زميلاتي في المشغل كيف عجبهم وصاروا يضحكوووون ومبسوطين مني قلت والله لازم اترزز قدام الحريم في الإستقبال .. ويجون الحريم نفس الشي يضحكون يالله يابنات الحريم مبسوطين مني بالمره الحمد لله اني ادخلت الفرح على قلب مسلم .. المهم حسيت بقرصه في بطني اححححح جيعااااانه من صبح ما أكلت شيء ياربي وش اسوي ؟ جلست ادوج في ذا المشغل بلا فائده لين لقيت ( آنتي) عامله التصوير تاكل اندومي .. ياااااا الله واجي عندها كذا وادور عليها قالت ايس فيه ؟ قلت لا ولا شي بس أم جود تقول عندها شغل وتبغاك قالت : انا مسغوله سويه اروه .. طيب تدرين ان الأندومي تسمنكي اذا اكلتيها لحالك؟ .. قالت : انا يبغى يسمن .. وجع .. وانا عيني ماراحت من الصحن اتابع كل لقمه (على البال في كل الأحوال ) شويه الا تطالع فيني ..قالت : ايس فيه ؟ قلت : هذا الإندومي بنكهه الأيش ؟ قالت : كاري .. وغغغغغغغغغغغ بطني آآآآه بموت جوع و نكهتي المفضله وجع والله ما عندها نظر العرب اذا شافوا احد مار من جنب بيتهم عزموه وانا واقفه على راسها ما قالت لي على الأقل ذوقي .. مازلت اطالع وواقفه على راسها .. انتي انتي كم اخواتك ؟ قالت : ياربييييييي ايس هازا انا ما فيه اكل بأدين انا فيه قول لك (الترجمه يعني ما لقيتي تغثيني الا هالحين ؟) جلست اطالع فيها اروح واجي وانا عيني ما فارقت الصحن الا وآآآآآه آآآآآآآآآآآآه بطني آآآه هذه (انتي) تركت الصحن وماسكه بطنها وانا قلبي على الصحن لايصير فيه شيء .. جونا زميلاتها خير انتي ايس فيه ؟ انتي : بطني بطني .. واشوي الا اغمى عليها انا على طول هربت ما احب هذه المناظر وحوووووسه في المشغل الظاهر اني اعطيتها واجبها ما قصرت معها .. تستاهل ليش ما تعطيني ؟ المهم وراحوا ودوها للمستشفى الا والاندومي تطالع فيني كنها تقولي كليني واطالع يمين شمال محد حولي واخذت انا الباقي الا وهي بارده بصراحه ماعجبتني تركتها ورحت .. شوي الا ام جود جايتني جري جري جري .. منسيه ..منسيه ..منسيه تعالي .. انا عاد نشف دمي لايكون الحرمه اللي حرقت وجهها اشتكت علي واهرب وام جود تلحق وراي وانا اهرب نجري ورا بعض لين وقفني جدار .. قالت انا اناديك وانتي تهربين ؟ انا : مدري شفتك تجرين قلت اتعبك شويه عشان تنقصين كم كيلو .. قالت الله يقطع ابليسك .. انا في ورطه الحقيني قلت خير ان شاء الله ودك اسلفك فستان مظله مطر, قدر ضغط, واحد من أخواني ... أي شيء انا جاهزه قالت لا .. لك والا للذيب ؟ قلت تخسين للذيب طبعا قالت يالله مو وقت المزح ( انا استغربت ليش تقول امزح ؟)قالت تعرفين تصورين ؟ قلت افا عليك بس كل صورنا اللي في الديره ما صورها الا انا قالت اكيد ؟ قلت نعم .. قالت طيب انا بارسلك لزواج طلبوا فيه مصورة وزي ما تشوفين كانت آنتي بتروح لكنها في المستشفى وبينومونها قلت خلاص وانا بنت ابوي ام جود تطلبني طلب واردها ماعاشت الذيابا كلها وانا اخو هيله ..طالعت فيني شوي قالت انتي متأكده انك تقدرين ؟ قلت اكيد .. ( بيني وبينكم الكاميرا اللي اعرف لها كانت كاميرتين وحده جتنا هديه مع تانج والثانيه اللي تجي هدايا وقت الحج بس ).. المهم اعطتني الأدوات وارسلت وحده تجي تركب لي الأدوات ورحنا الله ياهو زواج يهبببببل احسن مافيه ان العشاء بوفيه مفتوح:icon28: .. جلست انا ولينا العامله اللي معي ودقينا في الأكل لين قلنا بس .. المهم ورحنا ندور لغرفه العروسه لين لقيناها الا ولقيناها مع طويل الشارب انا استحييييت قمت تغطيت زين ودخلت .. ركبت لينا الأدوات وما بقي الا حضرتي اجي ووقفت قدام الكاميرا صدق ان للكاميرا هيبه وادور على الزر اللي يصور ما لقيته قمت اضغط على الأزارير لين (تشيييك) والضوء اللي بغى يعمي عيوني .. قالوا ليه ماقلتي لنا انك بتصورين ؟ قلت لا هذه بس تجربه .. شوي الا قالوا لي يلا كيف تبين تصورينا ؟ قلت خلوني افكر .. اسمعوا كل واحد يضحك ويأشر بأصابعه مثل اللي يشجعون يالله .. والا قومي وارفعي يدينك وسوي نفسك مستسلمه وهو يعني اني بيذبجك .. والا سوي نفسك خبله اني انا اصورة وانتي من وراه بتطلعين في الصورة غصب عشان اهلك يشوفونك الا ويطالعون فيني .. ما عجبتكم ؟ خلاص سووا حركه بوش اوقفي بعيد ورى السرير وانته افصخ نعالك وارميه وانا اصور .. الله لو انشرها بعد كذا ليجيني ملايين من ورى هالصورة .. شويه الا وقالوا انتي صاحيه ؟ مسكتني لينا قالت هنا في كتالوج خليهم يشوفونه وبعدين يسووا زيه ..قلت يالله اعطيهم والله مافيه احلى من هذه الحركات اللي قلتها لهم .. الا وشويه مسكها الأخ وحط يدينه على خصرها ويالله صورينا .. انا هنا عاد بغيت اذوب في ملابسي .. قلت ايش هذا ؟ قالوا مو زين ؟ قلت لا طبعا .. اشويه الا وسووا حركه ثانيه انبطحت الأخت على الأرض وجابت لها نينا سله فواكه ورمتها عندها .. قلته لها قومي يامال العله ان شاء الله الرجال واقف وانتي منبطحه ما تستحين؟ حسيت انها بتبكي قال الرجال .. انتي وش فيك بشويش عليها قلت : أي والله بس الحين تمدح والا بعد كم سنه تقوم عليها بالعقال قال اعوذ بالله من الشيطان الرجيم .. قامت ولمت نفسها وصارت تتدلع ما أبغى اتصور ويحاولون فيها وهي تتدلع .. فتحت عيوني فيها بقوه وقلت لها تقومين وانتي ما تشوفين الدرب .. قامت فعلا .. واختاروا حركه ثانيه ..
المهم مسكها من يدينها انا هنا من واجبي قلت لهم هيه ياولد بعد عنها بلا بياخه ماعندنا حريم يسوون كذا قام بعد و اختاروا حركه وقفوا كذا جنب بعض وصورتهم و شويه وقف وهي جلست وصورتهم بعدين بدلوا الأماكن وصورتهم قالوا ملللللل شوي اختاروا حركه خنفشاريه هنا عاد بغيت امووووت .. ما تنقااااااااااااااااااااااال على طول غطيت عيوني وقلت انتم ما تخافون الله .. مو عيب هالحركات ؟ ما كن عندكم ناس في الغرفه ؟ وانت ما عندك شيم الرجال ؟ تشوف حرمتك تسوي كذا قدام الناس بكل جرأه ؟ بالله كيف اتزوجتها ؟ ما تحسها جريئه بزياده ؟ يمكن يكون لها علاقات سابقه .. انا والله من خبرتي ان البنت اللي جريئه زياده عن اللزوم تكون لها علاقات والعياذ بالله يوه يوه يوه .. الا وحمممممر وجهه قال وش تقولين ؟ قلت اللي سمعته .. قال لها صدق انتي متعرفه على احد ؟ قالت لا والله قال اجل ليش تقول كذا؟ قالت كذابه اكيد بنات عمك راسلينها تخرب عليه هم عيونهم عليك من اول.. قال لا ياحبيتي انتم بنات وتعرفون بعضكم .. قالت والله اني ما أعرف احد .. قال لها خلاص مافيه صور نروح الحين البيت وانا اتصرف مع أخوانك هالمهبل والله اني من يوم شفتهم ما ارتحت .. قالت ليش ياعيوني ما ارتحت لهم ؟ مو قد المقام ؟ قال لا مو قد المقام .. قالت ياسلام .. والله اني لو ابيعك واشريك مليون مره ما جبت قيمه ظفر واحد منهم ( عجبتني قووويه طلعت مو دلوعه يااااااي .. ياكرهي للي تتدلع دلع على غير سنع تجي ياكبرها هبلا عففففففشه تميل رقبتها مرة يمين ومره شمال شوي بتنكسر وتسوي نفسها دلوعه غصب والله مو ناقص الا تحط لوحه تقول تكفون قولوا لي دلوعه .. وهي بس قربي منها تاكلك بقشورك ..يازين الوحده يوم تطلع بطبيعتها مو مزيفه مثلي فديتني ) المهم وكبرت الهوشه ودخلوا أهل العروسه والعريس وكبرت الهوشه وصار تمطيط الشعور والكعوب اللي تتطاير والجو المكهرب .. قالت لينا يالله يالله قلت وين ؟ قالت يالله خلينا ناخذ عفشنا ونطلع لايخربون علينا الكاميرات .. قلت لااااااا خلينا نشوف من يفوز؟ قالت تعالي هيه مباراه ؟ ولمينا عفشنا وانا بموت من القهر ما شفت النهايه .. المهم رجعنا المشغل وجتنا ام جود هاه كيف الشغل ؟ انا : حماااااسي مره ,, ختى ان العروسه طلبت كروتي قالت بلا مبالغه .. يعني ارسلك مرة ثانيه ؟ قلت ياليت والله منها عشا ومنها نتفرج في خلق الله وراحت لينا تشتغل على الصور ورحت انا بيتنا وحطيييييتها نومه الى بكرة ومن البكرة سوت لنا امي ذاك الغدا السنع ورحت للمشغل .. الا وام جود زعلااااااانه ..منسيوه وينها اللي تعرف تصور وطلبوها الناس كروت ؟ انا هاه ؟ قالت : تعالي شوفي الصور .. وأطالع الا الله لايوريكم .. مرة الرجال طالع وشوي من فستانها ومرة وجهها بدون رقبه .. ومرة على الجزم .. أحسن لقطه كانت يوم صورتهم وهم ما يدرون هو يكلم في الجوال وهي داخله جو تحك في ظهرها خخخخ .. قامت ام جود اتصلت على أم العروسه تعتذر منها على ان الفيلم احترق .. قالت الحرمه .. مو مشكله الحمد لله اصلا الزواج كله تفركش العروسه تطلقت أمس وماعاد تحتاج للصور .. انا : لاحول ولاقوه الا بالله بنات من تبغاني اصورها ؟ بالله مايردكم الا الكيبورد اتفقنا ؟ قالت ام جود احمدي ربك انها جت على كذا لكن خلاص انا حرمت ارسلك مكان ..انا : الحمد لله اني تغديت بس ...
يالله ياحلوات الله الله بالردود السنعه وكالعاده السرقه حراااااااام والا باصوركم مثل البنت هذي خخخ