سوالفي مع خطيبي !! وش الحل ؟؟؟؟

مرحبااا خواتي .. شلونكم ؟ شخباركم ؟ اتمنى ان الكل بصحه وخير وعافيه يارب والله يعلم شكثر احبكم وارتاااااح لما اقرى ردودكم لبعض الخوات والدعاء لهم وهذا الشي الي خلاني ما اتردد اكتب لكم مشكلتي اذا ممكن اسميها مشكله لكن بصراحه جدا معيشتني في قلق ...
الموضوع ياحبيباتي اني انخطبت قبل اسبوعين تقريبا خطبه عاديه يعني ما اعرف الشاب من قبل ولا شي بس صديقتي تكون بنت عمته وهي خطبتني له.. والحق ينقال الشاب على دين وخلق وجميييييييل ماشاء الله وحلم كل بنت انها تتزوج رجل وسيم ومتعلم وهو ماشاء الله دارس في بريطانيا ومتخرج هندسه يعني الحمدلله الرجال كامل و الكامل الله سبحانه وتعالى بتقولون لي وين المشكله طيب ؟ انا اقولكم .. بحكم اني ماعرفه شخصيا والمرات الي شفته فيهم تنعد يمكم مرتين او 3 ومن بعيييييد بس لما صديقتي قالت لي عنه قالت بخليكي تشوفينه بس هو مايدري وهالكلام قبل الخطبه .. الحين صار بينا مكالمات يعني تلفون وهو طبعه ثقيل يعني قليله مكالماته وانا بصراحه ماعرف شلون اسولف معاه وهو يقولي اي طيب سولفي ؟ ليش ساكته ؟ هو يسولف بس احسه يمل لما يحس ان المتحدث بس طرف واحد وهو قالي ادري انك مستحيه بس مايصير على طول انا الي اتكلم وانتي بس تجاوبين ؟؟؟؟؟؟؟ انا هنااا انوااااااااع الخوف احس الرجال بيهون عني وبيضيع من ايدي والسبب اني ما اسولف ولا اعرف وش نوعيه السوالف الي تكون بين الخطيب وخطيبته فقلت ما عندي غير بنات حواء يساعدوني ويعلموني على السوالف الي ممكن تجذب الطرف الاخر لي وتحسسه اني ترى مهتمه له بس ماعرف شلون اعبر او اوصل الي عندي ::( والله يرزق كل بنت ان شاء الله بالزوج الصالح ويسخر للمتزوجات ازواجهم .. منتظره ردودكم على احر من الجمر :)