السلام عليكم
رجعت الكم وكلي شوق .. شخباركم وشخبار كتاكيتكم .. انا رجعت والبرد يلاحقني وين ما اروح .. سفرتي كانت حلوه واااايد بس تعبت من يدي ومن حنين ليش انها ما قصرت فيني تبغي كل فوق يدي حتى نومتها على يدي ومن احطها في العربه تبكي وتقعد حتى لو هي نايمه .. طبعا بلكويت البرد صراحه اكثر من البحرين بوايد بس هم ما مسكت حالي سفرتي قضيتها بطلعات ما نقعد بلفندق ابد كل سوقه ومجمعات ومطاعم وحدايق يا ام جواد ولعبت بعد خخخخخخ
المهم انا استانست واااايد وقضيت اغراضي وارغاض بنتي وزوجي كلهم من لكويت بصراحه بضاعاتهم تجنن مرررررررررررررره والله اقول يا ريت عندنا بلبحرين جذي عن جد قهر والله رجعت محمله 12 بدله لحنو خخخخخ جفتو عاد قلت لكم بفلس رجلي وصدق سويتها ..
بس الي قهرني شي واحد كل ثياب حنو الي حملتهم مدري شسالفه الوردي قلب اسود من الجو عندهم ليش ما ادري ؟؟؟؟؟؟
ورجعنا البحرين بسبب ظرف صادنا وهذاني شقتي بطابق العلوي ويا هووووووووو من برد انا قمت البس بلبدلتين وحنو 3 بدلات فوق بعض وقفازات وجوارب .. عن جد برد برد برد .. خساره قالو لي ان طاح مطر بلبحرين وايد بس ما جفته جفت مطر الكويت وكان يوم واحد بس ....
انا على الاسبوع الجاي ما راح اروح الجامعه لان خلاص المتحانات النهائيه قربت وخلصنا المناهج يوم الاثنين الاسبوع القادم اسلم بحوثي وخلاص يا كرهه من كورس
اجوفكم على خير

مساء الخير اسلم عليكم عالسريع لان اولا اليوم نازله الدوره و باقي الفلم تعرفونه
و ثانيا عندي شغاله بالساعه و قاعده اعلمها فمابي اغفل عنها

ام حنين حمد لله عالسلامه انا ان شاء الله اجازه العيد بنطلع الكويت بس حمود بخليه هني عند امي مستحيل زوجي يرضى ناخذه بس قولي لنا اي اسواق رحتي؟ انا اخر مره رحت ماعجبني شي وايد لان المحلات الكبيره نفس اللي موجوده عندنا و المحلات الصغيره بضاعتهم كله سوريا و تركيا كانهم هلاهيل ماعجبني .. انتو وين رحتو؟

هلوووووووو مراوي رحت كل مكان بس ما اعرف المجمعات اسمائها كلها بس قولي لهم مجمعات السالميه هم كلهم جنب بعض وهم مجمع النقره ورحت مكان اسمه بيت اولادنا بسوق لمباركيه هم حلو عندهم شغلات للاطفال وبسوق السالميه مقابل ماركس سبنسر مجمع هم شغلات عنده حلوه

وانا هم اقول لج لا تاخذي حمودي معاج لان بتتعبي وايد

على فكره شريت لحنين ملابس حيوانات لتصوير من سوق لمباركيه ههههه .. انا شغلات البنات عجبتني بس الولاد مدري لان ما رحت جنبهم ابد

زين قلتي لي لاني ادور لحمود لبس ارنب عشان اول مابيطلع له ضرسين ابغي اصوره بأرنب بس ماني محصله هني حتى فكرت انا اشتري الخامات و افصلها
انا مباركيه ماحب اروحها الا عشان الشموع البارود من اخر مره شريت لي بدينار يعني 20 كيس و للحين ما استعملتهم و لو اروح مره ثانيه بعد بشتري احس بحتاج لهم حق عرس عيد ميلاد شي
العام حطيتهم بعيد ميلادي عالكيكه و طلعو رهيبين :)

عرفته المجمع اللي عند ماركس سبنسر اذا ماكنت غلطانه فهو الطرف الاغر رحته بعد محلاته ماركات مثل زارا و مانغو وانا ودي بشي غير مايسوى عليي متعنيه للكويت و اشتري من عندهم بعد

انا افكر هالمره اني ما اروح تسوق .. اروحها سياحه يعني حدايق ملاهي هالسوالف بس زوجي يقول مايسوى تروحين الكويت من غير تسوق

اشوفكم بعدين .. انا كنت اشتغل على بحثي و تعبت فقلت باخذ راحه و طليت عليكم :)

هاااااااااي امهات
انا اليوم مرهقة حدي من جوووودوو كله صياح مايسكت ولثته متورمة مرررة واحس فيها زي البياض
مايسكت اصلا تعبني والله معاه
كلمت الدكتور وقلت له ونصحني بمرهم دونتينكس للتسنين احطه على اللثة مرتين او ثلاث
ومن شوي شفت طالع له دم من لثته!! شمعنى هالكلام؟؟
الحين هو توه يهدأ ونام،،الله يعيني اذا صحى

ام حنوو كان قلتي قلتي لي بملابس الحيوانات الله يقطع بليسك كنت وصيتك تجيبي لي!!!
شمع البارود مو موجودة بكل مكان،،ين عندكم في البحرين اماكن تبيعها ولا مافي؟؟

انا ودي اشتريهم لعيد ميلاد جودو
قاعدة اخطط له من الحين وفي بالي الف فكرة وفكرة