اهلين امهات انا رجعت للدمام اليوم الصبح
خلاص خدامتي وصلت باركو لي اخيرا بعد طول انتظار
بس تخيلوماتتكلم لاعربي ولاانجليزي الله يعينا مع لغة الاشارة

شخباركم انتم ان شاء الله بخير وكيفكم مع البرد ويا عيالكم
البرد هالسنة يقولون ماجا مثلة من عشرين سنة الله يعين

بنات عندي لكم خبر مرعب




























































يقولون بعد 9 أيام راح يتحول البرد من قارص الى قـــــــاتــــل
اااااااااااااااااه بموووووووووووووووت شكلي بعد 9 ايام،،انا كذا مو متحملة الوضع والدفايات تشتغل بكل مكان كيف يتحول البرد الى ازيد؟؟
الله يعينا والله
بس حبيت ابشركم خخخخخخخخخخخخخ لاني قريت الجريدة وضاق صدري على هالخبر

السلام عليكم ورحمة الله وبركاته

يلا باركولي..........
مب حامل لا تفرحون:22:
بس توظفت وهذا ثالث يوم لي.........في شركة تتاجر بالادويه والاجهزه الطبية..
عاد قلبي متقطع على بناتي والله :(
ماسكتنهم عمتي الحين بس يبالي شغاله....على الاقل تساعد مع اني ما اواطنهم بعيشة الله بس شسو مجبر اخاك لا بطل ....صح المثل....؟

اسمحولي تأخرت عليكم كثير...بس اشتقتلكم بعد ولعيالكم الحلوين...
بوسوهم و عضوهم شوي ...:30:
آخر تطورات:
فطوم تاخذ الغرفه تقلب وزحف ماشالله عليها واتقول الحين اممممم وآههههه عشان تنادي علي وعلى اي حد لابسنها فديتها...تلعب بالالعاب بس لعبتها المفضله الوايرات وريموت المكيف والتلفزيون والاشيا الغربيه والله حتى خايفه عليها....تنقل اللعبه من ايد الى ايد
مرات ما ترضى ايلسها لازم تتعلق عشان توقف
ومتعلمة اتصارخ الطفسه من تسمع اختها تبدى السموفونيه وهي معاها...
المشايه الحمدلله فيه تطور اتعرف تتحكم....
بدت تاكل الحين تقريبا كل شي الا اللحم احس بعدها عليه دسم...
وشو بعد....
وسلامتكم.....
بخليكم انا في الدواام احم احم كنه محد داوم غيرها....:42:

مع السلامة

انا بعد سمعت ان جاينا برد اقسى من اللي احنا فيه الله يجيرنا و بعد بتصير في ايام امتحاناتي
وانا ناقصه مخ متنح اكثر من اللي انا فيه

ام شهد مبروك عالوظيفه ان شاء الله عاد دوام واحد
بالنسبه للشغاله انا اذا قكرت اجيب شغاله بجيبها عشان تساعد خالتي انها تدير بالها على شغل البيت و خالتي تتفرغ حق ولدي يعني الشغاله مالها دخل بولدي بالمره و مثل ماقلتي انا بعد اللي رادني عنها كل هالمده اني ما ارتاح لوجود حده غريبة معاي في البيت خصوصا انها شقه يعني وجهي بوجهها بكل وقت و غير جذي ما برتاح بلبسي و قعدتي وانا في بيتي حتى افكر اني اخليها في بيت خالتي و اجيبها حزه اللي عندي شغل

مرحبا
ام شهووودة الف مبروك الوظيفة الجديدة

مراوي
انا بعد نفس التفكير،،ماحب الشغالة تكون معاي بنفس البيت لأن مثل ماقلتي شقة وبتكون في وجهك،،لايمديك تسهرين مثل الناس في بيتك ومع زوجك ولايمدي تآخين راحتك في اللبس

انا اليوم مرررة مزحومة لأن على العصر او المغرب راح تجيني ام حنين
وهات ياتنظيفات من لما رجعت من بيت اهلي للحين،،باقي علي تنظيف السيراميك،،عاد انا ما افهم في هالسوالف!!! متعودة اجيب لي شغالة تخلص شغلها وتروح
عاد على حظي اللي اتعامل معاها ماكانت ترد على موبايلها

الاقيكم بكرة على خير
بروح اكمل شغل