مساء الخيرعالجميع.......
شلونكم شخباركم...
انا بخير دام انتو بخير..ودي اسوالف معكم ودردش بس بنتي تبغى تنام...اذا قدرت رجعت بعد ما انومها..

مشكوره ام جواد ماتقصرين بنتظر منك رد :)

بالنسبه للسحلب هذا مشروب ماتشوفينه بالمسلسلات على القهوه يحطون التسعيره حق الشاي القهوه ينسون ومنهم السحلب شريته من المعرض وسويته بنفس الطريقه اللي مكتوبه عالكيس و طلع لذييييذ يصير مثل المهلبيه بس فيه نكهه غير حلوه

الموغات بعد اسمعها في المسلسلات و اتذكر فلم الحفيد اذا شفتيه يوم كريمه مختار راحت مع زوجها تشتري شغلات حق نفاس بنتها شرت وايد شغلات من العطار ومن بينها طلبت الموغات وقالت حق زوجها يوم استنكر الكميه : شنو ماتبي البنت ترم عظمها <<< مصري على خليجي طوفو
اثاري الموغات طلعت اهي الحسو بس هم يسوونه مسحوق و يحمسونه مع سمنه وبعدين يضيفون لها الماي ... عاد انا طوال مده التحضير مادريت انه حسو الا يوم حطيت الماي طلعت ريحته و عرفته :)

مرحبا امهات
وحشتوني كلكم والله واعذروني على الغيبه بس عن جد هلكانه عدل اولها حنين تاعبتني عدل عدل لانها بتسنن كل صياح والله يجزاها غير ام جواد قالت لي عن الجل حق لااسنان والله لو ما احطه لها ما تهدأ تقعد تكفخ في نفسها وطقني تقولون هي الام وانا البنت وتكسر خاطري تقعد تحك بقوه بلثتها مته يطلعو وافتك وانا عاد حايسه عندي انفلونزا ذابحتني والامتحانات اول امتحان الله لا يراويكم عفست عفاس لاني مريضه ومو نايمه وهم تعب حنين الي ما تبغي احد وكل عندي كلش الجو مب حق دراسه ونفسيتي زفت على الاخر ... اللحين يومين مو نايمه الا يمكن ساعتين او ثلاث من انام تقعد حنين وبس واذا جت الصبح قعدت اذاكر .. متحطمه على الاخر بكره عندي امتحان الله يستر وعقب بيكون عندي تاريخ 22 امتحاااااااااااااااانين بيوم واحد .. يا ربي بس يسهلها
حبيت اعطيكم اخباري ولي رجعه لكم لما اكون احسن انشاء الله
ام جواد شكرا انج عطيتيهم اخباري ما تقصرين حبيبتي دوم واقفه جنبي عسى ربي ما يحرمني منج يا رب

اهلين امهات شلونكم ووش اخر اخباركم

دفى شمس
سالتلك على المكتب اسمة الجسر العربي على ماظن
الله يعينك اذا انتي للحين تنومينها بنفسك
الحمد الله انا لي اسبوع منظمة نوم سوسو بحيث انه وقت النوم تكون دايخة بس اغطيها واعطيها المصاصة تنام على طوول بدون مقاومة

ام جواد
اية انا ادرس باداب الدمام
انتي كنتي فيها؟؟
الله يعين ولله ايام الاختبارات الوحدةتتقلب نفسيتها عشرين الف مرة باليوم تصدقين للحين اناماجاني مزاج المذاكرة مادري متى ناوي يجيني امتحاني السبت


مراوي
ماشاء الله عليك تصدقين انا ماحب هالمشروبات انا بالاربعين امي ذبحتها ماكنت اشرب شي من اللي تسوي لي بصراحةماقدر اشربهم لية مادري

ام حنين
هلاوالله سلامات وماتشوفين شر يارب
الله يعينك ويوفقك بامتحاناتك ان شاء الله ويوفقني ويوفق كل اللي عندهم اختبارات

زوجي الغالي
شلونك ووشلون عيالك؟؟

هلا سمو الروح
ايه درست فيها الدمام وووويه الله لايرجع هذيك الايام قرف
انتي ايش تدرسين؟؟
تذكريني بايام قبل كل يوم اقول بكرة ببدأ مذاكرة
والله احمد ربي واشكره الف مرة لأن اللي يدخل كلية الدمام زين منه انه يطلع
بالتوفيق انشالله