هلا ام جواد امتحاناتي سويت اللي عليي ولايفوتكم المواضيع اللي قلت لكم ماكنت مقتنعه فيها انها تدخل بالامتحان يمكن سؤالين ولا 3 كلهم جايين فيها قعدت اطالع صديقتي بعيوني واهي تطالعني لان ثنتينا مادرسناهم و كان شكلنا يضحك :)

اخيرا خلصنا تصحيح صج ان انكفنا كرف بس ما ارتحت الا و نازله الدوره امس و هذيني اشرب بالبروفين والقهر اليوم اخر يوم تخفيضات ماذركير و كنت ابي اروح اشتري لحمود العاب تتحرك و رضاعات اكبر لان ماذكركير مايسوى ينشرى منه بدون التخفيضات لانهم صايرين كل شوي و قالو سيل يعني الحاجه اللي تشترينها يمكن ماتلحقين تلبسينها الا و صار عليها سيل

تصدقين انتي مثلي،،الشي اللي أحط عليه تكهناتي الفلكية انه ماراح يجي منه شي ،يجي منه اكثر من سؤال،،وهات يابهدلة في الاختبارات
بس تصدقي عاد،،ما عمري رحت اختبار وانا مخلصة كل شي،،لازم اخلي شي معلق ولا ما ارتاح

صح كلامك يامراوي بانسبة للسيل
احنا بعد يقولوا عندنا تخفيضات خيالية وانا الخبلة مارحت
اليوم بروح بس مايندرى خلّصت ولا لا

مراوي كنتي راح تجي الظهران؟؟ولا بتروحي السوق عندكم؟؟
...>>>لقافة بس

المهم ماقلتي لي بكم اجار سفرة العجم مالت اختك،،وابي اعرف شنو تسوون فيها بالضبط؟؟

ام حنين
عسى ماشر ليش الغياب؟

اقولك شي يامراوي بس ماتزعلين ههههههههههههه
عندي صورة بوّريك اياها اذا دخلتي مسنجر ،،تذكرني فيك اذا زهقتي من المدرسة والجامعة
الصورة مرة حلوة

لا ماكنت جايه الظهران كنت بروح اللي عندنا بس شكلي ما بقدر للحين احس بلوعه من الدوره

بالنسبه للسفره تصدقين ماتكلمت مع اختي فيها لاننا مانلتقي بالايام اللي فاتت , اهي كانت كنترول يعني يقعدون لساعات متأخره بالمدرسه عشان يستلمون اوراق الامتحانات و يسلمون مظاريف التصحيح اتوقع اليوم يخلصون ان شاء الله اذا رحت الليله بكلمها بشوف تأجرها حق بره البحرين ولالا و اذا ما قدرت انا بقولك عن الشغلات اللي تحتاجينها حق السفره و عن كل الافكار اللي عندي مايغلى عليك :)

وبعدين صوره شنو اللي عندك شوقتيني؟ :)