مرحبا عسولات
تدرون عاد انا بايعتها عاليومين ابي ولدي ياكل مثل الناس ههههههههههههههه
عاد اليوم فطوره فطور كبار
راسكس (بقصم)ميلوبا مع حليب ابيض قليل الدسم
وعلى الرغم من انه قبل لما اسويه له بحليبه العادي ما ياكله،،لان بصراحة حليبهم ريحته خايسة
اليوم والله استانس وماشاء لله عليه فطر زي الناس،،عجبه الطعم بعد عمري
خلاص نويت فطوره يكون بالحليب العادي بس قليل الدسم طبعا،،اصلا انا ماطيق كامل الدسم
ومدام الاكل بيعجبه عادي>>>بصراحة حدي مستانسة انه ياكل
والله احسه ضعف الفترة الماضية

مشكوره ام جواد عالجدول و على فكره انا من زمان اعطي حمود حليب اللي نشربه مع الخبز او ساعات اغمس له مع الشاي الصبح لمن بتريق .. يعني باختصار قمت اعطيه اي شي ناكله لان يالله ياكل له شي بقعد ادقق مابياكل

ابي اسم الجل مال الاسنان عطيني اياه بشتريه احتياط مادري متى تحل نوبه الاسنان

ان شاء الله باجر بيجون ينقلون العفش للشقه الجديده و شقتي الحين صايره موج من الكراتين نمشي على كراتين زوجي تطمش عليي لين شبع يقول مو من شرا له ثياب من شالهم الحين فقير كل ماجاب كرتون لثيابه عبيت فيه ثيابي :)

جاية عالسريع وطالعه مستعجلة

اسم الجل( دنتينوكس للتسنين)

مرحبا امهات
الله يعينك يامراوي،،نقل العفش كريه ويعور الراس

ام حنو استحلت لك الجلسة في بيت الاهل الظاهر،،يالله ارجعي ولا اطلع الكروت الحمر هههههههههههه>>>ياليتها نافعه معاكم ماتخافون منها

الا لوووووووولي ماتسمعين ندائي؟؟؟وينك يامعودة عسى ماشر
طول غيابك ياعسى المانع خير

سمو الروح مو مبينة وين الغايبات؟؟

دفى
مرحبا ابلة

اي والله الله يعيني خصوصا لمن في واحد بالنص يلف و يدور حوالينك ماتعرفين تشيلين و تحطين
حتى ساعات اذا تعبت و عصبني اقوله بحطك بكرتون و بنقلك مع العفش
كنت اتمنى امي تاخذه الليله عشان اكمل شغلي على راحه و باجر اروح ارتب بالشقه الجديده على راحتي قالت لي ناخذه الليله؟ سويت روحي بتعزز وانا ميته عشان ياخذونه جان اقولها لا ليش!!

امي بعد كانها ماصدقت خبر معذوره حمادو مو هين و لا عادت اصرت عليي تاخذه

بالله بس انا اللي كل ودي اوزع ولدي ولا في احد مثلي؟ بديت اشك في روحي اني ما انفع ولا عندي مشاعر الام اللي على اصول