مرحبا
كيف حالكم
اخباري اليوم احسن من امس بوايد امس اكره يوم بحياتي .. مثل ما انتو عارفين امس الويك اند كان اليوم نقضيه في بيت اهل زوجي .. واسمعو قصتي طبعا حنين حالفه حلف ان ما تخليني لا اتغدى ولا اتعشى مع الجامعه كل اسبوع .. امس وقت الغدى كانت جالسه تلعب وكانت تشقق في المجله اخذتها منها وقامت تصيح ومن زود ما اهيه منقهره قطت روحها على ورى والله انا وقف قلبي لان كل الجماعه قاموا يطالعون لان الضربه كانت قويه وانا حريصه وااااايد على حنو ما اخليها تطيح ابد وانا يوم جفتها جذي حملتها وهيه فاطسه من البكي وقامت لي حماتي قالت لي لا ترضعينها ولا تنيميها .. وقعدت نص ساعه تبكي والحمد لله ما رجعت ولا شي بس حسيتها دايخه واااايد وتصيح بقوه وانا اصيح معاها والجماعه طمنوني ان ما فيها شي وعقب ساعه من طيحتها نامت نومه طويله وانا قاعده جنبها ما فارقتها ... الليل لما رجعت باطحتها على حضني وقاعده العب معاها فتحت فمها الا يا عيني الضرس شاق اللثه وطالع شوووووي وانا هنيه مت من الوناسه لكن ملاحظه ما تبغي تاااااكل ابد مدري يمكن يكون هذا مال التسنين ؟؟؟

امس كان يوم صعب بالنسبه لي انشاء الله ما يتكرر لان حسيت بالذنب مع ان مالي يد بلموضوع ...

اليوم عندنا مطر وايد والجو فضيع احب هالجو ... هذي اخباري

ام جودي مو كأنها السالفه طولت ولا احنا ملتقين مع بعض تراني طفشت يمعوده من تدخلي طقي لي مسكول وانا ادخل النت معقوله ما تدخلي ابد؟؟؟؟؟؟؟؟؟!!!!!!!!!!!!!

مرحبا ام حنين
سلامات لحنونة وماعليها شر ومبروك طلعة السن.. وشوي هاليومين بيخربط اكلها بس بيعتدل لاتخافين.
انا ليلة الاربعاء صارت لي نفس الحركة ووقف قلبي من الخوف،بس انا السبب غير!!!
انا كنت حاطته على الارض وحوالينه المخاد وقمت بجيب لي شي اشربه،،الاخ مايرضى اقوم عنه،،ويوم جيت اقوم مريت علي وما اخذته عصب باعد المخدة اللي جنبه لان الاخ يدور حوالين حاله،،ورمى حاله بقوة على راسه،،ولو تشوفين شلون صاح انا بغيت اموت من الرعب
حتى جارتي اتصلت تسألني شفيه جود يصيح قلت لها طايح،،قالت لي يووووه سمعت صوت طيحته
المهم قام يصيح وعقب نص ساعة نام له شوي وقعد
عاد ما اذكر رضعته قبل ولا بعد الطيحه...
والله هاليهال جنووووووووووون...

ام حنين انا ادخل النت وايد،،،بس الله يسلمج فاتورتي نزلت من اسبوع وتوه ريلي يسددها امس،،وللآن مارجعوا الخط لازم 24 ساعه!!!

سلام لجميع الامهات

مساء الخير عالجميع...كيف حالكم...
موضوعك حلو سمو الروح...وحلو التغيير وتغيير الروتين..
أنا استخدم لها حليب سيميلاك ..
والرضاعات من سيتي بلازا...
لوازم السباحه كلها جونسسسسسسسسسسون..
بعد بضيف شيء جديد...
الحفايظ...بيبي جوي..
الملابس .....من كل بحر قطره...
طبعا بنتي ما شريت لها ملابس كثير ..لانها ما شاء الله مجهزه...الكل هدأني ملابس وحتى اختي وفرة علي لبس الشتاء..جابت لي لبس بنتها وكله ما ركات...وأغلب ملابسها من...

أدمز
H&M
نكست
مذركير
سيتي بلازا
GUP
تاب اللويه
سيرجنت ميجور
طابا لبس البيت
وهذا الي جاء ببالي..
أما الاكل ااكلها زبادي +دانينو..+زبادي الي تحته فواكه..+خضار وهذا بالنادر لاني اتعب نفسي ولا تأكله..

هلا ام جودي
اي والله مو بس جنون وتحسين بالذنب لدرجه الجنون لو صابهم شي .... انا تقولي تخبلت قعدت اراقبها من نامت ليما قعدت من دون مبالغه لان عن جد الضربه قويه وايد .. حنو بعد تفتر حوالين نفسها وكل تمسك الاشياء الي حواليها تبغي توقف لحالها والله يطلعنا من الطيحات الي بتاكلها ...
اليوم راح اطلع مع حمواتي بنروح نلعب الاطفال وعقب بنتعشى في مطعم لان عن جد ضايق خلقي ومتملله حدددددددددددددددددددددي فبرفه عن نفسي شوي بأخر اسبوعين اجازه وعقب نرد نرجع للهم الجامعه ...
ام جودي شنو عن شغل زوجج برى ..!! ما جبتو لنا الطاري ابد ليكون خلاص غيرتو رايكم خخخخ تراني مستانسه يا ريت تجين عندي .. كان يا حلوها يا طلعات
مدري ليش من ادخل محد يدخل !!!!!!!!

هلا ابلتنا ..
والله اكل بنوتتج مثل نونه تحب الزبادي الي تحته فواكه ودانينو تمووووووووووووت فيهم ويقولو انه يسمن اليها لوما اجوف نونه سمنانه منه ابد لان عن جد احس وزنها شوي حنون وما ابغي اعطيها فيتامينات او اي شي توها صغيره ومقتنعه ان بنيتها جذي ...

يالله بقول لكم موضوع جديد كل وحده تقول لنا شنو اطرف موقف مر عليها او احرج موقف مع بنوتتها او ولدها .. اجوف ردودكم عقب انا اكتب لكم عن حنونه
سلامي للجميع