مرحبا

انا اليوم تعبانة نفسيا من جودو،،4 ايام لليوم وهو امساك،،ومن قبل امس للحين رافض ياكل ومدري شنو السبب
عنده زكام وكحه وصايرة نفسيته خايسة
امس مانمت ساعه معاه،،كل ماتغفى عيني واقول بنام،،يصحى وارد انيمه شوي على كتفي وينام له شوي ويقعد ونومه متقطع.
واحط بسريره شكل وعقب اسمع حضرته يتقلب ويطق راسه بخشب السرير ويصيح
وعلى هالحال معاه من الساعة 2وشوي الفجر لغاية اليوم الساعة 12
وانا من قلة النوم والتعب راسي بينفجر
الحين بقوم بروح بيت اهلي حتى يمسكوه خواتي عني شوي ولا يصير فيني شي اذا ما ارتحت!!!
سلااااااااااااااااااااااام

اوه ام حنين صحيح
التواقيع قلت لكم من قبل انها مسكونة خخخخخخخخخخخخخ
شوفي اذا تشاركي باي موضوع غير ملفنا يطلعون لك زي السلام عليكم
بس هني مايطلعون ليش الله اعلم!!

السلام عليكم ورحمة الله وبركاته
حبايبي شحالكم .. كلن بحاله .؟؟؟
وشحال العيال .. عسى انهم بخير وبعافية ...

خواتي والله اني ولهانه عليكم والله يشهد شكثر كنت وما زلت اوله عليكم .. من فترة كنت في زحمة امتحانات .. ولما خلصت اكتشفت انه الموقع ما يفتح ..هالمشكلة عندي من 3 اسابيع لا يمكن اكثر .. والله لين البارحة فليل ما يفتح .. وانا كله ادخل على الملف لانه عندي بالمفضله .. وكله يعطيني ارور .. لين اليوم الظهر كالعادة قلت بجرب عل وعسى يفتح .. والحمدلله رب العالمين فتح عندي والله العظيم استانست واااااااااااااااااااايد وايد .. وكان ودي اقرا كل شي بس ما مداني الوقت .. قريت شي من الردود وقريت شي توني بس بعدني احس اني مو ملحقه ,, ابا اعرف اخباركم كلها ,,

بقولكم بالمختصر عني وعن شما ..
انا خلصت الكورس الماضي ونجحت فموادي الي كانن علي وبقالي الكورس القادم وبخلص على شهر 6 ان شاء الله ..
ما اخبي عليكم اني كل شهر يوم تتاخر عني الدورة اموت من الخوف كله على بالي اني حامل ... لين تنزل عندي .. وهذا الشهر نفس الشي.. كانت اخر مرة فيني قبل العيد .. بالضبط انا كنت متطهره منها يوم وقفت عرفة ..انا عادة تتأخر عندي يمكن لاني ارضع .. وانا احاول اخذ احتياطاتي بس تعرفون اوقات نستهبل :D انا فحصت الاسبوع الماضي فحص فالبيت وطلعت مش حامل بس بعدني خايفة وباجر ان شاء الله بعد بفحص .. بنات تتوقعون اني حامل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


وعن شما .. هذي اليابسه الي مب طاايعه تسمن .. تصدقون وزنها 7 ونص تقريبا بس .. وشكلها ضعييييييييييييييف .. الحين هي تحبي زين على اربع .. وتتمسك في اي شي وتوقف .. وتحاول انها تفتح يديها ( على بالها انها كبيره ) وثانيه ثانيتين وبمممممم على الارض ..
هلكتني معاها وايد تتحرك وكله الحين متعلقه فيني خصوصا من خلصت امتحانات كله هي معاي ..
امم شو بعد ... هي اسنان لين الحين ما طلعت ولا بين اي سن .. وانا بموت من القهر لانه تقريبا كل الي في عمرها طلعوا الا هي ..
ما زلت ارضعها من صدري واعطيها احيانا حليب بروميل كمساعد ..
اكلها وايد بسيط .. وما تحب الاشياء الحلوة مثل الموز ..

خبرتكم بالمختصر عني ..

سولفولي عنكم وعن عيالكم هالشياطين بتصرفاتهم ..

لي رجعه باذن الله الواحد الاحد وبتواصل دوم معاكم ان شاء الله ..


تتمسون بخير ..
لكم سلامي اجمعين







أم شما

مرحبا ام شما
كح كح كح>>وايد غبار بالملف هههههههههههههههههههه
وينج يالقاطعه،،شدعوة ماوحشناج ما ولهتي علينا

الحمدلله انج بخير وشموه بعد

انا بخير الحمدلله وجودي بعد،،ماكو جديد مافي وحدة منا حملت هههههههههههههههههههه

جوادي بخير وطلع له ضرسين وعقبال الباقي،،ماحبى بس يحاول يوقف كثير
شيطون درجة اولى وفي الدلع ماحد قده،،اكله مخربط يوم ياكل عدل وعشرة لا!!!
ووووووووووو بس هذا اللي حاضرني الحين
حياج بينا حبيبتي والله وحشتينا

ام جودي هلا فيج .. وعسى ما شر شفيه زوج بنتي ؟؟ يمكن على بقية اسنانه ؟؟ انشاء الله يصير احسن

ام شما هلا وغلا مليون والله حالتج زي حالتي من كل النواحي من الدراسه الى حنو وشما الى الدوره خل اقولج ..ز دراستي هم انا بقي لي4 مواد واتخرج ... حنو هم ضعيفونه توها 7 كيلو وهذاا قاهرني مررره ... حنو طلع لها اسنان من كم يوم طلع سن وهذا الثاني كاه شق اللثه بعد .. تتحرك وهي قاعده مب على اربع لا وتمسك الاشياء وتوقف .. اكلها تمام قامت تسوي صفاقه وتقول ماماااااااا بكل وضوح هذا من يومين بس وتقول بابا هم عادي وتعمل حركات باي وتعال بيدها .. تموووووووت بلهياته من البس عباتي صياااااح ليما اخذها وتشق حلجها من الابتسامه من تسمع اغنيه صفقت خخخخ بسم الله عليها ..الدلع تقول الزود عندي ...
الدوره ذابحتني من التأخير مرات 15 يوم والشهر الي فات 21 يوم خخخخ بس بلبدايه كنت اخاف عقب عادي لاني ضامنه حالي والدكتوره قالت لي الي يرضعون طبيعي بعضهم جذي ...فأنا حطيت ببالي اني من البعض ...

هذي كل اخباري بختصار ..
بقية البنات وينهم وحشتوناااااااا

مرحبا امهات
ام حنو هلا حبيبتي
انا الحين لابسة عبايتي وجاهزة انا وجودو بنروح بيت اهلي
ويييييييييه بفتك من جودو شوي اليوم بصير من وحدة لوحدة من خواتي هههههههههههههههه
يالله سلام