هلا لوووووووولي
مرحبا وسهلا فيك ياقلبي والله لك وحشة
الف الحمدلله على سلامتك وانشالله الله يشفي رجلك وترتاحين
يختي قبل الملف ماكان يمشي الا شوي شوي،،الحين يختي كللللللللش مافي احد يدخل الا نادراً.
ادري كل وحده ولها عذرها بس ساعات الواحد يطق من الملل والزهق،،تعرفين؟
انا اشارك بتجمع امهات زي العسل والملف ماشاء الله مشتعل هناك،،حتى اني عزمت ام حنو عليه وبتداوم معانا من اليوم ههههههههههههههههه

سمو الروح مرحبا وسهلا وين هالغياب؟؟ الظاهر الفايروس منتشر بقووووووووووة هههههههههههههه

منو اللي رجع؟؟بس لولي
ام الاميرة تطل علينا وعقب تغيب

وين هذيك الايام؟؟ ايام حبيبة زوجها وزوجي الغالي وعالي مستواها ونبض ودلولة وكراسة ووبنوتة متزوجة وسنة اولى امومة وكل الامهات ؟؟
كانت ايام حلوة وتفاعل احلى ،،اكيد الكل لاهي بمشاغل الدنيا،،بس الواحد ماينكر ان برود الملف صار ينعكس علينا

الله يرجع ذيك الايام

الله يسلمكم حبيباتي ...
ايه والله يا ام جواد ذكرتيني بالذي مضى بس الظاهر هذيك الايام ما بتنعاد ... وشكلي بنتظر اسبوعين اذا ما اشتعل الملف بنظم لكم ...

اعطيكم مستجدات شموسه مع انها متأخرة عن عيالكم بواااااجد كل شئ عندها صار الاسبوع اللي راح ...
طلع لها سن ...
بدت تحبي ...
والشي اللي بتضحكون عليه انها بس من اسبوعين عرفت تمشي بالمشايه على قدام ... طول الشهرين اللي راحوا تريوس على ورا والا واقفه مكانها ...
والشي الوحيد اللي مضايقني اني فطمتها عن الرضاع الطبيعي بسبب العلاج وانا كان ودي ارضعها اقل شي سنه ..

السلام عليكم ورحمة الله وبركاته..
مساء الخير عالجميييييييع...كيف حالكم وشخباركم....شلون اليبيات..أدري اني مقصره....!!!!!!!
بس سامحوني النت عندي بطييييييييييء..جدا...وخواتي موصييني ادور لهم طبخات واسوي ملزمه من طبخات المنتدى..تخبرون هالفتره الاطباق كلها تغيييييييرة....لو تلاحظون ان الطرق صارت غريبه,,,
حتى الشوكلاتات والبسكويتات قاموا يبتكرون لها طرق جديده...مثل بسكويت شكوبسكويت شفته له الان طريقين وكل وحده تختلف تماما عن الثانيه...
والسنكرز له يمكن 10 اذا ما كان 11 طريقه تختلف عن الثانيه....وخواتي ودهم يطورون انفسهم بضبط الحلويات وغيره...من كان شغلي الشاغل قسم الطبخ...والله تعبت بس ما احب اتفشل قدامهم ...شايفين فيني شوفه!!
ها رجعت ايام الدرسه والزهق,,,,,,,,والله ملل هالدراسه,,,
***************************************************************************
مراوي...الف مبروك عليك الشقه الجديده...والله يعطيك خيره ويكفيك شرها..
لولي....ايآآآآآ عليك....سلامتك وسلامة رجولك...ايش فيها بالضبط؟؟
عورتي قلبي عليك...وماتشوفين شر..اجر وعافيه..
ام جواد....ههههاهاههاهاهاهاه الله يوسع صدرك بالعافيه نكتك تهبل واكثر شيء الصعيدالي ينتظر اليسا...
والي يهدي الناس اغنيه بmbc,,,,,,,ههاهاهاهاها
شخبارك...شكلك معصبه علينا !!!!!
لا تحاتين ان شاء بسييييير يومين...عاد يالله فكي التكشيره ولا تزعلين علي,,,,
ام هديل ...كيف الصحه ان شاء مبسوطه...تصدقين بنتي صايره عجوز...لاهي مسننه ولا هي الي تنقلب بسرعه...ولا تحبي ...بس تزحف على وراء..وهي معصبه علينا..مااااادري ايش قصتها.!!!!!!!

مرحبا لوووولي
ماقلنا رديتي وردت مشاركاتك الحلوة
انتظر الاسبوعين بفارغ الصبر ههههههههههههههههههه>>>وحدة نحيسة
ماتشوفين شر ياقلبي ومبروك تطورات شموسة
انا جودو صار يلحقني بكل مكان اروحه،،ومن يشوفني بالمطبخ جى يركض ويفتح الادراج ومن كم يوم
جى صوب الزبالة (وانت بكرامة) وانا كنت اغسل الصحون،،ويسحبها معاه ويرميها على الارض
ستر من ربي ان زوجي كان توه مغير الكيس ولا كنت بشوف المطبخ في حالة يرثى لها

كمان حط باله وبال ريموت التليفزيون لغاية ماخربه وصار مايشتغل،،واخذنا واحد جديد
غرامه الوايرات ومهما احاول اخبيهم عنه،،يطلعهم من تحت الارض
ههههههههههههههههههههه

دفى ياهلا وغلا
لا والله مو مكشرة ولا شي ولا حتى زعلانة
بس انا من افضى ادخل أسيّر على الملف ويضيق صدري اذا مالقيت شي
لاني اتملل بروحي وودي أوسع صدري بأخباركم

الا بقولك
انا حطيت مجموعة من النكت،،بس اللي اعجوبك ترى سمو الروح اهي حاطتهم
هههههههههههه شكلك خربطي من زود اطباق الحلويااااااااات

شلونكم يا امهات وشلون الامومه معاكم <<< شهالسؤال المغبر !!

اول شي احب اهدي سلامي لكل من سأل عني و اقول حمد لله على السلامه لكل من لولي وام الاميره و عالي مستواها وعساني مانسيت احد من الغايبات اللي رجعو

اخباري حمدلله تقريبا مشطبه باقي تركيب الاكسسوارات مو عارفه وين احطها او بالاصح في بالي انا اللي انفذ الاكسسوارات بس ماصاير عندي وقت

ان شاء الله اذا ركب كل شي مكانه اصور لكم الشقه اوريكم اياها
المشكله في المطبخ زوجي عطا قياس غلط فصار الخزاين اللي فوق ماطولها بسهوله فأحس روحي قزمه يبيلي كرسي عشانه اطوله