وانت بمثله واخير ..

انا بعد وراي قومه عندي موعد اسنان الساعه 9 ,, الله يسهل وينام الشيخ قبل الفجر ..

:26:

السلام عليكم ...

انا جيت >>> معلقه الصفحه ترى وقايمه مو عندها ...

أم الاميـــــــره ..

ماتشوف بنتك شر يارب .. وشوفي في الشتاء مو زي الصيف تشيلين عنها الملابس لااااااا
لانك تغطين شي بس بتدمرين شي ثاني من جهه .. يعني لاتدفينها حيل بس اتركي عليها لبس ربيعي
ويكفي جو الغرفه ..

بعدين الصورة حقت ريان منزلتها انا بالرد مو بالتوقيع شلون احذفها ؟؟ مافيه عالموضوع تعديل ؟؟:(
شكلي بااراسل مشرفة القسم تشوف لي حل ..تسلمين يالغلا على حرصك واهتمامك عساني ماانحرم منك ومشكورة على افادتك لي المحلات ...
والله يشفي لك بنيتك يارب ..

الله يسلمك اختي مراوي انا ماكنت منحرجة بس كنت عجازة كل يوم اقول لامو اليوم من وانا حامل
انا بس اخلص ردود بكتب قصة ولادتي

حبيبة زوجها
مشكورة على الترحيب

ام جواد
اول شي بنتي سميناها سعاد على خالتي ام زوجي بس نناديها بالدلع( سوسو)

ثاني شي انا موقصدي اكل البيت يعني ااكلها لا بس اذا سليق ذوقتهااما باقي الاشياء احط لها نتفة بفمها او الحسها بطرف لسانها بس مو كل الاكلات بس عشان تعرف الطعم مثل الفواكة والخضار بعضهم مو كلهم

ام الاميرة
الله يحييك ومشكورة على الترحيب
وسلامة بنتك ماتشوف شر ان شاءالله
والله يكفينا من هالحرارة شينة مع الاطفال


لولي
ياهلا فيك
انا كنت متوقعة اني اخر وحدةولدت بس طلعتي انتي
اكيد انتي اتاخرتي عن موعد الولادة صح؟
وان شاء الله كل يوم بدخل وارد اوعدك
يالله تبادلين ماعندي مانع حتى اني اشتقت لاهلي

اهلين كيف حالكم ان شاء الله بخير
اليوم بكتب لكم قصة ولادتي
اول شي بعرفكم على نفسي
عمري 23سنة
متزوجة لي خمس سنوات ونص
عندي شوق عمرها 4ونص
وسلمان3ونص
طبعا مثل مانتوا ملاحظين انهم ورا بعض بالغلط طبعا ومن بعدهم قلت ماراح احمل او افكر بالحمل الابعد خمس سنوات
بس سبحان الله لما اكبرو شوق وسلومي ودخلتهم الروضة اشتقت اجيب بنوتة بما اني ماتهنيت بشووق جا وراها اخوها على طول
وماشاء الله على طول الله كتب الحمل من تركت الحبوب
كنت اراجع عند د.اشجان ابراهيم اللي بمستوصف الروضة لاني ناوية اولد بالرياض
المهم مرت الايام وكان حملي هذا اكثر شي متعبني كان ظهري فية الم لايطاق كنت احس بثقل مو طبيعي على رجولي
مع هذا والله كنت اروح واجي واطلع لاني ماحب اجلس بالبيت احب اطلع

مرت الايام الى ان دخلت التاسع رحت الرياض
وصرت اراجع بالحمادي عند د.رباب وهي تقولي امشي عشان البيبي ينزل شوي وانا والله كنت امشي مشي مو طبيعي بس ولاصار شي
اية فية نسيت اقول مثل ملاحظتو انا خاطري كان ببنوتة بموت عليها فلما دخلت الخامس سوت لي الدكتورة اشعة وقالت بنت بس الصراحة ماصدقتها مو لانها ماتعرف بس مااملت قلت اكيد مو مبين زين
لانة فيةكثير يقولون لهم شي ويططلع شي ثاني وكل هالوقت وانامو مقتنعة لان كل اللي يشوفني كان يقول ولد
لما رحت الرياض وسوت لي الدكتورة اشعة وقالت لي بنت انبسطت بس قلت لها انتي متاكدةقالت اية مرة واضح حتى انا شعرها كان مبين بالاشعةكان طويل وكثيف ماشاء الله عليها
وانا انبسطت بعد لاني كنت مجهزة كل شي بالوردي
كملت التاسع يوم اثنين وسوت لي تخطيط لمدة ساعة لماشافت كل شي اوكي قالت لي الدكتورة بتعطيني مهلة يومين وموعدي الاربعاء لو ماولدت بتولدني هي صناعي
انا زوجي كان بالدمام بشغلة فخذ اجازة وجا الثلاثاء عشان يحضر موعدي معاي
لما اكشفت الدكتورة علي لقت انه مفتوح 2ونص بس هلاكلام من بداية التاسع
فقالتلي خلاص بنولدك اليوم وخلصو اوراق تنويمي وانا كنت خايفةلاني ماتعودت امي مو معاي هي احضرت ولادتيني الثنتين
هالمرةزوجي كان يبي يكون معاي لانه ماكان موجود معاي بالاوليتين ماكان موجود بالرياض اصلا
بس توكلت على ربي وسو لي تخطيط الساعة 11 الظهروبعد ساعة بدو يعطوني الطلق بالمغذي طبعا انا لقيت كتاب بغرفة الولادة عطانياة زوجي اقرا فية فية ادعية تسهل الولادة واذكار واشوا اني قريتة وخلصتة قبل لايبدا الطلق وشوي شوي الطلق كان يحمىلماجت الساعة 2ونص عطوني ابرة فيها مخدر وانا اشوف اللممرضة اقولها وش بتسوين تقولي معليش عشان انتي تنامين اشوي وترتاحين ومامداني اتكلم معاها غزتني هي من هنا انا دخت من هنااول مرة بعمري ادوخ زي كذا صرتاشوفها ولااقدر اتكلم وعلى طول سكرت عيوني بس مانمت ماقدرت انام ولاوصل الطلق حدة الا يمكن الساعة3 العصر ومن بعدها وهو كل شوي يزيد لدرجة اني صرت اذا جاني الطلق اسكت واقول لزوجي اسكت اذا كان يتكلم واذا خف قلتلة كمل كلامك مسكين والله حسيتة خايف علي ولايدري وش يسوي
المهم ماجت الساعة 3:45 الاوانا منتهية بموت من الالم مع انهم كانوا حاطين لي الاكسجين اللي فية مخدروكلمو الدكتورة وقالوا لها تجي هي كانت طالعة بين فترتين العيادات وهي اصلا وكلهم ماتوقعوني اولد قبل المغرب
حتى الممرضة تقولي يمكن شوية بس لما تحسين ان البيبي يدفع هذا معناتة انه وقت الولادة انا كنت احس من زمان ان البيبي يدفع صرخت عليها من زمان البيي يدفع خافت هي قالت الحين بتجي الدكتورة
هي توقعتني لسة ماجا وقت ولادتني لاني كنت ساكتة ومتحملة الالم هذا الوقت فهي اتوقعت لسة الالم بادي الحين عشان كذا
وجت الدكتورة واكشفت علي قالت لي خلاص ولادة الحين والبست لبسها واتجهزت هم كانوا مجهزين سرير البيبي من قبل بوقت بديت مع الدكتورة تولدني الساعة 4 تقريبازوجي كان موجود بالغرفة بس انا قلتلة خلك ورا الستارةوجلس هناك لاني عارفة انه ماراح يتحمل بس الكتورة بدت تقولي كيف ادفع ومادري ايش الاماسمعنا الاصوت الباب خبط كلنا سكتنا فجاة وطلت الدكتورة من ورا الستارة وابتسمت اثاري زوجي ماقدر يتحمل وطلع على طو ل الساعة 4:20سمعت صياح بنتي ولدت خلاص بعدين الدكتورة صارت تنظف وتخيط وانا مادري عن هوا داري ماقدر اتحرك بس اللهم كنت احس بالخياطة شوي مو بالمها بس بغزة الابرة بعدين جابوا لي بنتي الممرضات اشوفها بس ماخلوني اشيلها بس كذا ورونياها بعدين ودوها الحضانة
دخل زوجي زسلم علي واتحمد لي بالسلامة
بعد ساعة ودوني غرفتي اللي بعد الولادة (((((((لاحظو شي التاريخ )))))__(((((((((((وشي بعد كان ذكرى زواجي الخامسة بس بالهجري 18/5)))))))___(((اول مباراة للمنتخب السعودي في كاس العالم على ماظن مع تونس))))))))
هذي قصة ولادتي بس فية شي صح ماقلتة
انا طلعت من المستشفى الجمعة وبنتي ما رضوا لها تطلع قالو انة نسبة الصفارمرتفعة لازم تتنوم عشان هم يعتننون فيها ويحطونها تحت اللمبة ويشربونها الحليب بانتظام كل ساعتين عشان تنزل النسبة وضاق صدري وحسيت ان فرحتي ماتمت طلعت امشي بالمستشفى وانا عيوني دموع بس واطالع جدران المستشفى ووانا اصيح وزوجي يهديني يقولي ان شاء الله انها بتصير زينة وهو انا ادري انه متضايق بس يبين لي انه قوي لانه مبين على وجهه فرجعت البيت وانا خانقتني العبرة وماجاني نوم استنى الفجر يجي عشان تطلع نتيجة التحليل لما كلمتهم قالو انه للحين مرتفعة النسبة وانهم بيسوون غيرة بعد 12 ساعة كذا يمكن 2 الظهر
قلت كيفهم اذا جا الظهر بروح اجيبها معلي منهم
جيت اطلع الظهر الاامي تهاوشني تقولي اجلس وهي بتروح تجيبها جلست اصيح قلت لا مايجيبها ولايطلعها الاانا من المستشفى(((((((((ترا الاخت فيها حالة اكتئاب ومتاثرة شوي بالمسلسلات)))))))))
ورحت مع اني كنت تعبانة انا اصلا بالمستشفى لما كنت متنومة ماقدر اتحرك الممرضة تحركني والحين حسيت اني ناسية التعب بس ابي اروح اشوفها ورحت على طول الممرضة دخلتني شفتها محطوطة بالجهاز اكسرت خاطري الافكوها وعطونياها شلتها حسيت باحساس غريب((((احساس الامومة )))) والله العظيم اول مرة احسة مع انه ولدت منقبل بس يمكن لاني كنت صغيرة ماحسيت فيهم
بس عاد وطلعت من المستشفى وانا مبسوطة احس الارض مو شايلتني من الفرحة ورحت البيت
وبس الحمد الله على كل حال


كاني طولت عليكم بس وش اسوي اتحمست بالكتابة وكلما ذكرت شي كتبتة وحبيت انكم تعرفون عني كل شي ولاانسى اي شي
اذا ذكرت شي بقولة بعد بس الحين هذا كل شي