حبيبة زوجهـــــا :

يالله انك ماتصبحهم الا بالخير والرضا كيف العسولات ؟؟ ان شاء الله تمام ؟؟ ومناح ؟ بنات اقصد لولـــي وزوجي الغالي .. تبون تنحفون بدون رجيم ؟؟ وبعد فوائد صحيه بحته ؟؟ جربو اللي مايخطر لكم عالبال .. بس بشرط تكون المستخدمه بالرياض :42: وش الحكمه لاني مااعرف اسم ثاني لهذي الماده اللي تنحف .. راح احكي لكم طيب لاتعصبون علي بس قبل وش رايكم احكي لكم فلم قصة حياتي مع التخسيس وتونسوا على طريقكم وبنفس الوقت تستفيدون .. يالله بسم الله .. هذا الله يطول بااعماركم ويخلينا لبعض .. تزوجت عمري 19 سنه ووزني 51 كيلو مع طولي 157 يعني احلى من الحلوو ..منيح؟؟ المشكله من حملت وانا متوحمه على سنكرس وابوريالين بعد ماراح تصدقون لوقلت لكم اني خلصت 4 كراتين وقت الوحام :22: >>> الحمدلله ماسوست اسنانها بس طاحت ابشركم ههههههههههههههههههههه لاامزح .. المهم اني انتفخت تفخه قشرا تخيلووصلت بوزني 80 :09: .. من 51 الى 80 >>>>> بغى يجيها اكتئاب .. قلت لازم ابدأ حل فعلي بعد الولاده مباشره طبعا اناانسانه مستحيل اتعامل واتكيف مع الريجيم مااطيقه .. بعد ماولدت جاب لي زوج اختي مجموعة كبسولات من اندونيسيا للتخسيس شي للكرش وشي للشحوم بس انا مااخذت الا حقت الشحوم طبعا اكلتها حوالي السنه بدووووون رجيم قطعيا ووصلت 64 كيلو :( بعد سنه لاحظو .. امي الله يرحمها كانت تهاوشني لااكثر منها لاتسبب لي عقم او تعطل شي بجهازي الهضمي وتركتها حسيت اني ابي اكل قلت لازم حل فعلي استخدمت الشاي الاخضر ابوشيبه كل يوم كأس قبل النوم غير محلى ,, وفعلا نحفت ..مليت جاب لي مروره بحلقي .. بطلت كل شي وقلت نعمه من الله هالوزن اكتفيت .. اثناء حملي ..بريان .. راسلت طبيب اعشاب عالانترنت اسمه الدكتور بكر كان يوصف لي اول خلطات الحمل وعلاج التبويض الله يستر عليه وويوفقه دنيا وآخره ويسدد خطاه ويرزقه كل ماتمناه ..ماجربت شي من اللي كان يقول لي الا ونفعني .. حتى الطبيبات ينهبلون من التبويض عندي احتمال حمل توأم واكثر من طفلين ومنجنين شلون بدون مااخذ منشطات .. بس كنت اشرب اعشاب اثناء الدورة .. المهم لايطول الحكي .. سألته عن شي للتنحيف وصف لي بذرة الرجله وبذرة الكتان .. كلهم نافعات ومفيده جدا جدا للجهاز الهضمي ... وراح اقنعكم بشواهد في الرد التالي .. . بس الخلاصــــــــــــــــــه / اني حاليا استخدم بذرة الكتان حلوو؟؟ يوميا ملقعه بدون طحن واشرب عليها كأس مويه مع العلم ان بذرة الرجله اسرع مفعول بس قلت وش مستعجلين عليه .. ومالي الا شهراستخدمها ونزلت5 كيلو :42: وزنت قبل كم يوم لقيت وزني 68 من بعد الولاده كان 72 تابعو الردود الجايه .. وراح تستفيدون اكثر

يالله انك ماتصبحهم الا بالخير والرضا كيف العسولات ؟؟ ان شاء الله تمام ؟؟ ومناح ؟ بنات اقصد...