شدعوة
معقولة من الظهر للحين ماكو ردود؟؟
ولا المنتدى مخربط كالمعتاد

هلا امهات
لولي بالعادة هالوقت تكونين اون لاين؟؟وين مختفية

ام حنينو
بكرة بشوفك واخيرا بتجين لي
خلاص مابطبخ ولا شي،،مافي وقت،،بنسحبكم وبنعشيكم برا خخخخخخخخخخخ
والعشا البيتوتي نخليه لمرة ثانية

مراوي مشكورة على الروابط

اهلين امهات كيف حالكم ان شاء الله تمام
واخبار البيبيات ماشي حالهم والامجنينكم
انا توني راجعة من برا قلت بسلم وبعدين برد بالتفصيل
المنتدى هاليومين مادري وش فية مخربط

صباح الخير جميعا
او ظهر الخير لان الحين الساعه 2
انا اليوم نظفت الشقه .. مو كلها ما امداني غير انظف الصاله و غرفه يبيلي بعد الحمام الله يعزكم و غرفتنا و المطبخ بس حمود قعد فماقدرت اكمل

اخذوها لباجر بس و بترجع غرفه التبديل على ماكانت عليه لان زوجي الله يسلمه يلبس و يقطط او مفاتيحه و اوراقه على الطاوله وانا ماحب هالشي عشان جذي استثقل الترتيب لاني احس بساعات يرجع كل شي كما كان

المفروض اني اشتغل حق الجامعه لان وراي بلاوي متلتله بحوث و امتحانات و انشطه و كلهم يبونها خلال 3 اسابيع .. يالله بنحك المصباح و بنطلع لنا ساعات زياده عشان نسوي لهم اللي يبونه

اخليكم الحين لان حمود قالب المكان بروح اشوفه اخاف يعور نفسه

هلا امهات
كيفيكم وكيف الأمطار معاكم؟؟
اهئ اهئ اهئ
ام حنين مابتجيني لأن المطر قاعد يزيد،،وخبركم مشوار طريق ومطر ماينفع
انا من جد زعلت كان ودي بشوفتك يا أم حنين
لما ارسلتي لي كنت نايمة وكانت تطمر بس ماكنت حاسة انها تمطر من الفجرية لانه كان خفيف الظاهر
بس من الساعه 1 والمطر ماشاء الله غزير،،عاد يبي لي طلعه سوق لأبو الجود اكمل فيها باقي أغراضه لأن الشتا شكله جاي بقوة
المصيبة ان تحت شقتنا صار بحر،،بركة سباحة،،الماي مررررة كثثثير
ام حنو على الرغم من لهفتي لشوفتك،،بس احسن انك ماجيتي المطر الحين زاد،،وستر من الله ولا كنت بحاتيك بمشوار الطريق
انشالله نحدد لنا وقت ثاني

باقي الامهات شخباركم؟؟
بقووووووووووووووم لان ابو الجود يصيح
برجع لكم عقب شوي
سللااااااااام