هلا امهااااااااااااااااااات شلونكم؟؟
وحشتوني كلكم؟؟ومشكوين كل اللي سألوا عني وعن جودي
ام حنين ولولي وأم الاميرة وسمو الروح وأم شهد مشكورين حبايبي

قالت لكم ام حنين اني كنت مرضانة انفلونزا أنا وجودي الغالي
انا ماكنت مهتمة لحالي اكثر شي همني جودو،،والله عوّر قلبي عليه وبغيت اموت عليه من الخوف والبكي على حالته
ادري كل الاطفال يمرضون بس هاذي اول مرضة لجوادي وكانت قوووية عليه مرررة،وزكام شديد وكحة التهاب في حلقه وفي اذنه،حرارته توصل لل40 وان نزلت وصلت 39 وصار مايأكل ولا يشرب حليب الا كمية بسيطة وعقب يرجعها كلها،،حتى الادوية صار مايتحملها يرجعها،،انا خلاص ماتحملت حالته،،وكل يوم بالمستشفى معاه،،نرجع تنزل الحرارة شوي عقب ترد ترتفع،،امس الدكتور قال لي عندك لليوم اذا حرارته ماتنزل بضطر اعطيه مغذي لأنه ماقاعد يستفيد من ادويته،،بس اشوفه اليوم احسن بكثير
حرارته نزلت الف حمد وشكر لله بس الكحة والزكام لسة ذابحينه بس اهون من امس واللي قبله
وصار اليوم يشرب حليب بس لسة مو راضي يآكل الظاهر عشان حلقه
انا الحمدلله احسن بس جسمي تعبان لاني مارتحت اليومين اللي راحوا وحاسة جسمي منهاااااااار ومحتاجة لرااااااااحة مابعدها راحة

مشكورة يالولي وماتفقدين غالي انشالله
على فكرة حبيبتي خلصوا صور جواد وطلعوا رووووعة ويهبلون،،وجود طالع ماشاء الله عليه فوتوجنيك
انشالله برد اصوره اذا كمل 8 شهور وكمان 12 شهر
هذا خطتي اني اصوره كل 4شهور عشان نواكب التطورات الحاصله له
عاد قبل لايمرض توني احطه في المشاية بس احسه يلعب في الالعاب اللي فيها ويحاول يمشي بس المشاية هاذي اقل مستوى رفييييع عليه ومايطال الارض،،كانت جاية له هدية شكلي بشوف غيرها
اسم الاستيديو يالولي ستيديو نور واللي يشتغلون فيه سعوديات والتصوير راقي
لو تدخلين مسنجر اراويك الصور خبرك زوجي مو راضي انزلهم بالنت،،بس عاد يبي لي احطهم في سي دي عشان بعد ام حنين تبي تشوفهم.

ام شهد انشالله بحط الوصفات قريب>>>شكلهم اطفالكم بيكبرون عليهم وانا بعد ماحطيتهم بس شسوي اعذريني

ام حنين الله يعينك على غياب ابو حنين بس كلها كم يوم وراجع لك وطايرين عالكويت

ام الاميرة
ماتقصرين على السؤال

عاد انا اخذت راحتي بالرد لان جوادي الحلو نايم قلت اسلم عليكم لانكم وحشتوني

مرحبا بنات تحياتي لكم جميعا ولكل من سأل عني وحس في غيبتي
اعذروني اليوم انا في بيت ابوي وخبركم بكره بيسافر زوجي حالتي كئيبه وايد
حبيت اطمنكم عن ام جواد ام دزت لي مسج تقول ان جودي تعبان حرارته ما تقل عن 39 وقالو لها اذا ما خف بيحطو عليه مغذي .. ادعو له بالشفاء يا بنات

يؤ جفتو لقلوب عند بعضها ثنتينا رد بنفس الوقت

تسلمين ياقلبي ام حنين
الظاهر انا وانتي نزلنا الردود بنفس الوقت
ماقصرتي معاي يالغالية عساني مانحرم منك

ماعليكم شر يا ام جواد هذا كله من تغير الجو و البرد اللي جاي فجأه
حاولي ماتطلعين بالصغير وان اضطريتي تطلعين لبسيه لبستين فوق بعض و لفي وجهه عن اي تيار هوا

بنات بغيت اسالكم عيالكم بدو يوقفون ولا بعد؟؟