ام شهد ...
ان شاء الله ينفع معاك الرجيم وتنزلين 10 كيلو مو بس 5 ... واذا ضبط علميني ...

ام جواد ...
مشكوره وما قصرتي ... الرقم وصل ... بس للأسف في القطيف ما اقدر اروح ... على بالي في الخبر والا الدمام ... طبعا بحاول بس ما اظن اقدر ...

انا سألتكم لاني مستغربه من حمود يبي يوقف

من شطانته الله يحفظه يبي يكمل كل المراحل بوقت قياسي يعني ما امداه حبا الا اشوفه الحين يبي يوقف

يعني يتعلق على مشايته او على الطاوله او يوقف على سريره و يطل علينا واحنا نايمين و حصل له كم طيحه على راسه لان للحين ماعنده توازن بس هو اللي مو راحم روحه

متعبني هذا وهو ما مشى للحين وانا وراه لايسحب حاجه و يطيحها عليه

ام شهد بغيت اسالك يمكن حمود عنده نفس الحاله
بنتك كانت اذا نامت تلقينها تبي تنقلب و تقوم على الرغم من انها نايمه؟

انا حمود مطفرني بهالحركه يكون نايم و يبي ينقلب اضطر اضغط على رجلينه عشان لاينقلب و يقعد و يهدأ شوي ويرجع ينقلب و يصحي روحه و ارجع اعدله و انومه و نرجع لنفس الموال عشان جذي اعصابي محترقه و نفسيتي تصير زفت

تهقين هالسالفه عشان التسنين؟

مراوي ...
الله يكون بعونك ... ما شاء الله حمود شكله من النوع الحركي ... يمكن افضل شي له الحبس ... جربي لانه اذا بدأ يمشي بتتعبين من الدمار اللي بيصير ...