اهلين زوجي الغالي
انا بنتي مع انها مطلعة السنين من رمضان بس احسها للحين لثتها تعورها اي شي تحطه بفمها على طول وتعضض عليه
اما الصياح والنرفزة خف علي لما حطيتها بالمشاية من يومين اثاريها كانت متضايقة من الحبسة لاني ماحطها بالارض بس بالجلاسة او اشيلها اثاريها تبي شوية حرية


ام جواد الشر مايجيك
بس الحمد الله للحين انا ماشي حالي مشكلتي مع الانفلونزا انها اعراضها تجلس معي كم يوم بعدين هي تجيني
شخبار جواد ان شاء الله بخير

سنة أولى أمومة

زاد فضلك ونورك .. الور نوركم يالبى قليبك ..الله يعظم أجرك من جد تصدقين حسيت بمآساتك
هذا وانا ماعندي داخل وطالع بس امس تعب زوجي انتقلت الأنفلونزا له وتخبرين عاد الرجال اذا مرض
مايحتاج زبده .. الله يخلف على الحريم حمالات أسيه .. وتعالي شوفي القاها منه والا من هالصغير الله يصلحه متعلق فيني بقوة .. حتى وانا نايمه انومه جنبي اذا صحى ماتشوفينه الا يسحب فيني لين اصحى ويمشخ وجهي لما اعطيه وجه ..

بالنسبه للشغاله اللي باليوميه .. هذا رقمهم 012722643 عاد ماادري وش اسمها .. بس مجربات
أهل زوجي يتعاملون معهم .. وصدقتي بسالفه اليوميه تاخذ 100 واستفيدي منها كم ساعه بس اللي بالساعه تاخذ 20 وانتي صادقه 5 ساعات فيها اجيب ام اليوميه اصرف ..

لولــــي



>>>>>>> فاطسه ضحك ... جعلك ماتشوفيني يالولي وش سويت بااخواتي الاربعاء كان الجو كايف من جد مافيه برد .. وصقوعه .. بس الخميس تعالي شوفي موووت جمده .. وكل شوي يشبون سمر وفحم بالخيمه عشان يدفون ولين شبو طلعت ولدي من الخيمه عن الدخان ولين هجدو رجعت والله على هالحاله مليت وزادت كحته .. وانا ماعاد اشوف خلاص تعبانه قمت اتصلت على زوجي وقلت لين طلعت من زواج اخوك تعال ( ابشرك زواج اخوه كان الخميس لاتستغربين مارحت عادي الحموله مايبونا معهم حاطينه عائلي ) :42: بيني وبينك يوفرون علينا الخساير
المهم قال لي بااجي وسمعوني اخواتي وعصبو علي وكبو الخشه وزعلو ضاق صدري :( رجعت اتصلت قلت خلاص بنتحمل لبكره صلاه الجمعه تعال خذنا ...وش نسوي لجل عين تكرم مدينه ..
وعن الربو لاياشيخه والله ماادانيه الله لايبلاني وذريتي .. لاالحمدلله وديته كشفت عليه قال حساسيه ماخذ برد بصدره ودخان وهو فعلا صادق ..


سمو الروح

ماتشوفين شر ان شاء الله سلامتك خيتي كافحيها بدري قبل لاتستفحل فيك ولاتستسلمين شوفي انا الحين كم لي اعاني منها .. فيه حبوب بالصيدليه وحده بوحده اسمها فلوتاب .. الله المستعان كنت اول اخذها قبل يجي ريان لأنها تنوم اما الحين انحرمت اخاف تاخذني النومه ماحسيت فيه .. يطيح غصبن عنك .. فاذا انتي عندك احد يمسك لك العيال نص يوم بس كليها وان شاء الله تشوفين العافيه

مشكورة على النصيحة حبيبة زوجها شكلي بروح اخذها اليوم لان من جد مو فاضية اطيح مرضانة


لولي انا اشرب موية نص مغلية مع اني ماكنت احب اشرب الموية الاباردة بس جربتها امس واعجبتني تسلمين

امهات ماتلاحظون ام الاميرة طولت علينا والله انشغل بالي عليها عسى المانع خير

هلا سمو الروح
ايه والله ام الاميرة طولت،،مو عادتها
عساها بس بصحة وعافية

حبيبة زوجها
ايه خلك كذا مونستنا بعلومك الطيبة

سلام ..
هلا بنات .. حبيت اسلم عليكم .. واقولكم ما اقدر ادخل هاليومين عندي مواعيد اسنان واخرها يوم السبت واتعبني حيل الشغل اللي سوته .. توه اليوم خف بس بكرا عندي بعد موعد وعيالي رجعوا مزكمين وشغاله البيت راحت وانا اللي لازم اطبخ لانه ام زوجي كبيره ماتقدر.. الحمد لله فيه شغاله تنظف بس .. .. بس ما لقيت وقت ابداا..

ان شاء الله تتحسن اموري واجئ ارد عليكم وحده وحده :26: تحياتي..