سوالف الحريم بالمجالس عجيبه وغريبه

سلام ياحبيباتيب بقولكم سالفه صارت معي بتموتون ضحك وبتستغربون من الجهل والعباطه
مره كنت بسهره عند جارتي وجات وحده من جماعتها وشافت عيالي وشافتني وحسيت طول الوقت تناظرني وبعيالي المهم وحده قالتلي حصني عيالك قلت لاحرام يمكن مشبهه فيني المهم عالعشاء جلست جنبي ودخلت عرض وسوالف وتعارف وقامو العرب وانا وياهاه عالسفره ماخلينا المره تشيل سفرتها
المهم سالتني سوال غريب عجيب وفطست ضحك واعتذرت لانها انحرجت قلت انتي من صدقك تدرون وش سؤالها
س/ تقول انتو تاكلون السفرجل قلت وش سفرجل قالت فاكهه قلت والله ماعرفها ليه قالت اسالك بالله انا سمعت الرسول يوصي باكلها للحامل تحسن النسل ويطلعون الاولاد جمال وبياض ونعومه شعر وماشاء الله عيالك حلوين مستحيل يطلعون كلهم بيض وحلوين الابسر
احرجتها قلت وانا امي ماتعرف السفرجل واشبه عيالي وابوهم بعد نفس الشكل
تخيلو رجعنا للجلسه وفتحت الموضوع للعامه واسمعو التحريف عند الحريم يقولون فاكهه كلتها ام يوسف عليه السلام الله يكرمه عن عيالنا وين عيالنا وين يوسف عليه السلام
عاد قلت لهم رد سكتهم قلت الحب على بذره والعرق دساس والعيال والنسل على الابو والام والجدان العلم بالانتاج والله عيالي غبر شهب بس سبحان الله المره ماتعودت علينا
بالله وش رايكم ترا انتشرت بين الحريم الحوامل اكل السفرجل
اختي تقول باكله تجي عيون ولدي زرق ههه قلت والله يغديلكم خلي الزراق لاهله
بصراحه بعض الحريم على نياتها
كل وحده تفوانا شي غريب اوموقف صارلها بجلسه حريم خلونا نستفيد ونتونس