سوالف امي

السلام عليكم
بنات بحاول اختصر كلامي امي للأسف ماعندها اداب الحوار والإستماع ابدا ابدا
يعني أسلوبها بالحوار سيء ومحرج
اانا ماعندي مشكلة معها احنا بناتها وعارفين اسلوبها وتعودنا عليه بس مشكلتي مع الناس
اول شي هي من النوع اللي صوته مرتفع جدا
يعني اذا كنا بعزيمة ويتكلمون عن موضوع معين امي تثبت وجهة نظرها برفع الصوت حتى لو غيرها يتكلم فيضطر يسكت
تقاطع اللي يتكلمون وماتسمعهم يعني اهم شي هي تقول كلامها مو لازم تسمع
تقلب السالفة نصايح وارشادات ومحاضرات بطريقة مبالغ فيها
يعني حتى لو كانت السوالف تضحّك لابد تنصح وتجلس بالنصحية نص ساعة واكثر لدرجة اني اشوف الناس تتململ وتقعد ع الجوالات
وربي اشوفها تتكلم وكل الموجودين جالسين ع الجوالات او لاهيين محد حولها مع هذا تكمل وهذا الشي يقهرني بشكل
احيانا يكونون فيه اثنين يتكلمون بسالفة جانبية بصوت منخفض تقاطعهم فجأة وتتكلم مع وحدة منهم بصوت عالي
هذا غير انها ماتعطي فرصة لغيرها بالكلام خير شر واذا تكلم وبين وجهة نظره ماتخليه يكملها
انا مايقهرني بالموضوع الا الناس ونظراتهم وربي اشوف بعيني كيف متضايقين ومو عاجبهم الوضع
يعني نكون بإستراحة مبسوطين ماله داعي تنقلب الجلسة مواعظ ونصايح
او ان تجلس مدة طويلة تتكلم او تقاطع او ترفع صوتها او او او او
مدري كيف اعلمها واقولها
وامي ماعندها مشكلة احد يتجاهلها او يطنش سالفتها او مايرد عليها اهم شي تقولها
لأني اشوفها احيانا تقول سالفة لوحدة وتطنشها تسوي نفسها مو سامعتها مع هذا تكمل ماعليها
بس مو حلو تطلع بذا الشكل وانا اعرف انها لو وزنت كلامها واعطت فرصة لغيرها الناس بتحترمها اكثر