اسوي الفطور لاهلي اذا كان عندنا اخوي وزوجته انوع شوي يعني مثلا سمبوسه وشوربه اكيد نوع حلى بس طبقين من عندي حوامض مثلا سلطه الاندومي وصينيه الباذنجان الكذاب مثلا وشي من بره حمص او فول او كبده او اي شي وعصير وبس اما اذا كنا لوحدنا انا وامي واخوي الصغير سمبوسه وشوربه ونوع صينيه من الصواني بس لان اكلنا ضعيف والجيران ماعندنا رغم ان مره نفسي نفسي احس برمضان ارسل واستقبل بس لان امي عندها عين وضيق من الطلعه فما حد يعرفنا من الجيران ..السحور..اذا اخواني فيه كبسه وشي معاها واذا لوحدنا اي شي خفيف ناكله وممكن نسوي رز ..وبس يارب بلغنا رمضان لافاقدين ولامفقدوين اعوام عديده وازمنه مديده يارب العالمين وارحم موتى المسلمين والمسلمات يارب..

روووعة موضووعك وجميل ويجعلنا نتجاذب اطراف الحديث والترتيب والتجهيزات

الله يبارك فيكي .... بالنسبة لي اول ليلة رمضان عند الابلاغ عن اول يوم لرمضان غدا

اجهز كم حبة فحم كبار واولعهم واحطهم في مبخر كبير الي عليه غطى مخرم اذا تعرفون شكله



واجيب اجود وافخم انواع العوود



واجيب ترمس الماء البرتقالي واغسله وابخره بالمستكى واصب فيه ماء مثلج مع ماء ورد او كادي ودستة كاسات ورق



وارسل ولدي الله يحفظه للمسجد يوصلها ويبخر المسجد والمصلين لصلاة العشاء والتراويح

وارجع ارتب اشياء رمضان من فوانيس واقمشة رمضانية وسلطانيات الشوربة وزبادي الحلى وهكذا

الله يبلغنا رمضان يارب
هالسنه عشاني حامل مالي خلق للمطبخ وريحة الزيت
الله يعيني ويهون علي

الفطورقهره وتمر معفوس مع اقط لقيمات وسنبوسه وشوربه ومكرونه وعصيرات وكل يوم ننوع بالاطباق الاخرى ونفاطر الأقارب ويالله المستعان

السحور زباد ي خبز كبسات مافي