السلام عليكم ورحمة الله وبركاته
خواتي انا بعرفكم بنفسي << احلى اصلا ماحد سالك
المهم انا احب القصص جدااااااااااااا
وقبل كم يوم انقطع النت من عندنا وجلست افكر وافكر وافكر << اخلصي
المهم طرت في بالي اكتب اي شي يخطر في بالي المهم تذكرت قصص حصلت لي او سمعت بها المهم قلت خل اوثقها عندي طبعا كتبت تقريبا 3 قصص وقمت احورف بها واسوي سيناريوا << تسمع به ولاتدري وش معناه
ولما خلصت خليت اختي تقراها المهم تقول زينه عاد انا كنت حاطه لها عنوان خواطر نسائية
اختي ماتت من الضحك تقول خواطر بالعامية ماتجي قلت اجل خل نكتب سوالف
]المهم تحذيييييييييير
ماستقراون لايمت لعالم الرواية ولا القصه القصيرة ولا حتى الخاطرة هي مجرد سوالف لاتجيني وحدة مسرررررررررررعة وتقول وش هالسخافة هذي خرابيط معليش خرابيط بس اكيد فيه ناس راح تعجبها << احلى يالثقة
طبعا انا بنزل اول وحدة واذا شفت تفاعل نزلت الباقي << متفائلة مررررررره
والان مع السالوفة
هل تعلمين ان الشيطان له عرش على الماء يجتمع حولة الشياطين وكل واحد يقول ماعمله من مفاسد وان اقرب شيطان منهم هو من فرق بين زوجين
اليوم :الخميس
الساعة : 11,30 صباحا
المكان: احد ضواحي منطقة الرياض
منيرة : ااااااااااااااااه يالله صباح خير وش جايبهم ذولي افففففف فاضية وراي مذاكره وشغل افف
ام عبدالله : اقول قومي وخلصينا بسرعة جالسة بلحالي في المطبخ ماكان عندي بنت ولا ويحسدوني على منيرة حظها ياليتهم يشوفوني بس
منيرة : خلاص خلاص يمه بقوم اهي اهي والله امس مانمت زين يعني خميس الواحد يصفر
ام عبدالله : الساعة 11,30 وش تبين تصفرين بعد اخلصي ياكثر بربتك \
عبدالله داخل المطبخ : يالله وين القهوة
منيرة: خذها الا بسالك وش جايب عماني على هالصباح
عبدالله : خير الساعة 12 تقولين صباح جاين يسلمون عااااااااادي
منيرة : اقول ماتمشي علي عادي ذي عسى مافيهم شي بس
عبدالله بضحكة خبيثة : اكيد ماتمشي عليك هههههههه
منيرة : خير ان شاء الله ترى الضحك بدون سبب قلة ..يممممممممه
عبدالله وهو رافع الدلة ويحطها على خد منيرة يستهبل : وش قلته قولي ابي اسمع
منيرة : كل الادب موقلة شي يممه
ام عبدالله : خير فضحتونا قصروا صوتكم اعوذ بالله اعداء مهوب اخوان
عبدالله : سكتي بنتك ذا العوبا لايجيها اكبر من كذا
ام عبدالله : ان شاء الله رح ابوك ينادي بسرعة
بعد الغداء
سلطان : منيرة منيييييييييييييييييييييييييييييييييييييييييييييييييييييييرة
منيرة : خير ياطير اخاف انا في الربع الخالي نعم وش تبي
سلطان : عماني يقولون خل منيرة تجي تسلم بسرعة
منيرة :طيب يالله شوي
سلطان : البسي برقع وجلال
منيرة : خخخخخخخخ ليه شكلك انهبلت
سلطان : ليش انهبلت !! ترى عبدالله ولد عمي حمد فيه تغطي وخلي البربرة بس
منيرة : لا مااقدر ادخل لا والله خلهم يدخلون
سلطان : شيبان نقومهم علشانك اقول اخلصي بس
منيرة : طيب هالعلة خل يطلع
سلطان : لا مهوب طالع واخلصي
دخلت منيرة وهي مستحية بجلالها وبرقعها وسلمت على عمانها
حمد الكبير وعمها سعد وعمها ماجد الصغير
وطلعت بسرعة
بعد صلاة العشاء
ام عبدالله : منييرة منيرة يايمي تعالي
منيرة في الصالة تتابع التلفزيون : طيب يمه شوي شوي
ام عبدالله : يمي تعالي الله يهديك
منيرة : يووووه ان شاء الله ان شاء الله
في غرفة ام عبدالله
منيرة : وششششششش ؟؟
ام عبدالله وهي تضحك : ليش معصبة وانا امك خخخخ !!
منيرة : ماني معصبة بس صراحة مستغربة من هالطريقة
ام عبدالله : لا عادي كل الناس تخطب كذا وش كنتي متوقعة
منيرة : يعني الحريم يكلمون ونفكر وبعدين نردلهم وبعدييييييييييييييييييييين الرجال يتقدمون
مو خذوه فغلوة هههه
ام عبدالله : هههه الله يقطع شيطانك هذا اذا كانوا اجناب بس هذا ولد عمك مافيها شي
منيرة : طيب وش المطلوب مني الحين
ام عبدالله : اليوم وش عندك على كلمة وش خخخ ماسكة معك مسكة
منيرة : هههههه
ام عبدالله : فالحة والله المطلوب تستخيرين وتفكرين وتردين وعندك مهلة اسبوعين شوفي وفكري
منيرة : نعم نعم ؟؟؟ اسبوعين اخاف قطوة قدامكم اقل شي شهر
ام عبدالله : احلى يابنت الباشا اقول احمدي ربك ابوك قايل يومين بس عمك ماجد قال خلوها اسبوعين
على راحتها
منيرة : طيب انتي وش رايك
ام عبدالله : عبدالله صراحة مافيه الا كل خير مدرس وعمره زين واهم شي بتصيرين جنبي
واهله اجواد
منيرة : خير ان شاء الله
بعد اسبوعين
منيرة راجعة من الكلية الساعة 2 الظهر مع اخوها خالد
خالد : هاه وش صار على الموضوع
منيرة وهي مغمضة عيونها من التعب : وش موضوعة ؟؟
خالد : موضوع العرس
منيرة : والله للحين افكر
خالد : اففففف خير ان شاء الله اذا استخرتي خلاص توكلي على
الله وانا اخوك ترى عبدالله ماراح تلقين مثلة
منيرة : خير ان شاء الله
بعد شهر من هالسالفة
ام عبدالله : منيرة يمي قومي يالله خالد يحترينا تحت قومي يالله عشان نرجع من السوق بدري
منيرة : تصدقين يمه كنت احب السوق بس الحين اففف صرت مااطيقة يمكن من كثر الطلعات
ام عبدالله : وش نسوي هذا التجهيز يالله اخلصي وخلي المناقشات
اليوم زواج منيرة وعبدالله والكل فرحان خصوصا ام عبدالله لانها وحيدتها واصغر عيالها
ام عبدالله ماعندها الا ثلاثة اولاد وبنت
منيرة : يمه خايفة بطني يمغصني
سارة بنت خالتها تضحك : خخخخخخخخ عادي تحدث في احسن العائلات
منيرة : وش تحسين به افففففف
سارة : ياااااارب لاتحرمني من هالمغصة يارب خخخ
منيرة : الحمدالله والشكر بس روحي نادي امي
ام عبدالله داخلة وهي مستعجلة : يالله يامنيرة وقفي بيدخل المعرس
منيرة : يمممممممممممه بطنيييييييييييييييييييييييييييييييييييييييييييييييييييييي
ام عبدالله : بسم الله عليك يمي وش فيك
منيرة : مافيني شي بس من الروعة
اصوات الزغاريد والتصفيق تملاء الغرفة دخل عبدالله وابوه وعمانهم وابو منيرة واخوانها وعماتهم وخوات المعرس والكل فرحان
ومنيرة عينها في الارض من الحيا وخايفة
وعبدالله مرتبك وفي نفس الوقت محد قده حصل على حبه اخيييييييييرا
واخذوا الصور
في الفندق
عبدالله مبتسم : تصدقين تغيرتي يامنورة
منيرة :................
عبدالله : صايرة قمر لااااااااااا وش القمر ولايسوى ماطى رجلك ياعمري
منيرة مبتسمه :.............
عبدالله : اقول الاخت مثبته على السايلنت اواهلك غاشيني وانتي طرما رغم اني عارفك يومك صغيرة لسانك طويييييييييييييييييل
منيرة ماتحملت : لا والله ماتذكرت الا هذي
عبدالله : ايه هذي منيرة اللي اخبر خخخخخخخخخخ
مرت الايام والحياة بين عبدالله ومنيرة حلووووه ماشاء الله واكتشفت منيرة ان عبدالله كان يحبها من زماااااااااااااااااان وهي ياغافلين لكم الله بالذات انه اكبر منها ب10سنين ولاعمرها حست اتجاهه بشي بس الحين الحب فووووووووق خخخخ
منيرة : عبدالله خلاص مااقدر اتحمل اكثر من كذا
عبدالله :طيب وش تبين اسوي اتهاوش مع اهلي
منيرة : انا ماقلت تهاوش بس لازم يراعون انا طالبة وماارجع من الكلية الا 2 وراسي صاكني ماعندي وقت للدوريات
عبدالله : والله يامنيرة طول عمرنا كذا ولا عمر وحدة من حريم خواني قالت شي
منيرة : خيييير تقارني بهم كلهم قاعدين في البيوت وكل وحدة عندها خدامة ولايقومون الا الظهر
صراحة مهو عدل
عبدالله بهدووووووء : يعني اهلي ظالمين ههه ضحكة استهزاء
منيرة : اناماقلت كذا بس ياخي على الاقل مرة في الاسبوع يوم الخميس اكون فاضية انا ماقلت ماابي دوريتهم هذي
عبدالله : والله مانيب قايل شي جيزتس جيز غيرتس
منيرة : هذا اللي عندك
عبدالله : ايه هذا اللي عندي واذا ماعجبك نظامنا الباب يفوت جمل
منيرة بدهشة : وش هالكلام ياعبدالله !!!
عبدالله وهو مرتبك بس مايبي يبين غلطة : والله اللي سمعتي
وطلع بسرعة لانه حس انه غلط وماله وجه
منيرة تبكي ومنصدمة : معقولة سالفة ماتستاهل قالي كذا اجل بعدين وش بيقول
طيييييييييب ياعبدالله تحمل نتيجة كلامك
خالد : خير ان شاء الله وش هالكلام
منيرة : اقولك تعال خذني انا مستحيل اقعد اقولك يقول الباب يفوت جمل
خالد : تعوذي من الشيطان اكيد كان معصب استني بيرجع وهو متغير
منيرة : يعني مانتب جاي شكرا
خالد: وانا اخوك ودي ماردك بس هذا شي خاص بينك وبين زوجك حلوها بينك
منيرة : يالله يالله مع السلامة
خالد: الله يهديك مع السلامة
في بيت اهل منيرة
ام عبدالله : طيب الحين هو داري انك جيتنا
منيرة : والله يطردني وتيني اقعد
ام عبدالله : بس مايصير المفروض استنيتي لين يجي وانت ياهالثور رايح تجيبها الله يفشلك بتفضحنا عند عمانك
سلطان : يمه انا دقت تبكي وحالتها حالة احسبه طاقها
ام عبدالله : وحتى لو طاقها
منيرة : لاوالله كسرت يده
ام عبدالله : خليني اكمل كلامي حتى هذا شي خاص بينهم مالك دخل وهي اللي غلطانة
منيرة : الحين الغلط طلع مني سبحان الله
الساعة 9 مساءا
عبدالله : الحين ياخالد يصير هالكلام
خالد : انا معك وحتى هي دقت علي ورديتها حشمة لك بس تعرف سلطان صغير وقلبه رهيف
عبدالله : حتى ولوا الا هي وينها الحين ابي اكلمها والله ياخالد ان ودي اذبحها ياخي خرشتني خرشة ادورها في كل مكان مالقيتىها على الاقل لو ارسلت مسج تقول انها بتروح عندكم اهون و الله العظيم اني قلت لا يكون دخل حرامي وانا مانيب فيه
خالد :ههههه الله يقطع بليسك معليش وسع صدرك وهي جاهلة توها اصبر عليها وان شاء الله تتغير
عبدالله : ان شاء الله
خالد : بس بيني وبينك كلمتك قوية
عبدالله : الله يقطع بليس والله زلة لسان وانت ياخالد اكثر واحد تعرفني وشلون احب منيرة مايحتاج
خالد : ايه اعرف بس امسك لسانك
داخل البيت
منيرة : ماراح اطلع لو وش يصير خلاص النفس طابت
خالد : خير متاثرة بمسلسلات فجر السعيد هههه
منيرة : اقولك ترا اتكلم جد انا هالانسان ماعاد احبه اجل يقولي الباب يفوت جمل
خالد: زلة لسان
منيرة : زلة لسان !! وين اصرفها خلاص قله يطس
خالدوهو ماسك اعصابة : منييييييييييرة عيب هذا رجلك يالله اطلعي
منيرة وهي تركض لفوق وتقفل عليها غرفتها
خالد يطق الباب : افتحي الباب لا تفضحينا مابي اطول صوتي
منيرة :......
خالد: اقول اطلعي بالطيب لااكسر الباب
منيرة :....
في المجلس
خالد : شف ياعبدالله هي للان زعلانه خلها كم يوم وان شاء الله ترجع المياه لمجاريها
بعد مرور شهر
عبدالله : ياخالد ماصارت كم يوم الحين لنا شهر ماصارت متى بترجع
خالد : شوف الموضوع طلع من يديني ابوي زعلان عليك وش اسوي انا سويت اللي علي والله يشهد
عبدالله وهو حاط يده على جبهته : والسوات ؟؟؟
خالد بقلة حيلة : السوات بيد الله
عبدالله وهو في غرفته فتح الجوال وكتب هالشعر وارسله لمنيرة
ياحبيبي من بعدك انا صابني هم
ارجوك ترجع ياعسى عمرك طويل
البعد خلى الجسم ناقص من الدم
عود ترى ياعمري مشتاقلك حييييييل
كل مايمر طيفك علي يسلم
دموع عيني تنهمل كنها سيييل
الصبح من نورك تراه يتعلم
والبعد خلى دنيتي ليل في ليل
حتى خفوقي من غيابك تالم
والنفس ماتقوى لشوفتك تاجيل
انت الذي على الجرح تنحط مرهم
يامن انا ماشفت في طيبه مثيل
والحين ياكل الغلا ليت تفهم
الشوق فيني قد وصل نجمة سهيل
ياعمري يا ليتك تجيني وترحم
خل يحبك يعشقك دون تمثيل
عود ياعمري تراني مشتاقلك حييييييييييييييييييييييييييييييييييييييييييييييييييييييييييل
منيرة وهي تبكي : ياعمري ياعبدالله وانا اكثر بس وش اسوي يارب يهدي ابوي يارب فرجها يارب فرجها
منيرة ترد لعبدالله بمسج :
احبك من صميم القلب
حب الصادق الولهان
وانا من لوعة الفرقا
يهل الدمع من عيني
الا ياصاحبي وينك؟؟
احس بضيقة الندمان
ونار الشوق مابين الحنايا
تصطلي فيني
فراقك غير احوالي
فراقك ولع النيران
انا بصبر على الفرقا
عسى ربي يقويني
عبدالله مومصدق عيونة :منيرة اخيرا ردت علي
عبدالله وصوته تعبان والشوق ذابحة: الو عمري حياتي منيرة ابيك انااسف
منيرة : حبيبي قلبي مشاقة لك
عبدالله : وانا اكثر يارب متى اشوفك
منيرة : وش اسوي حبيبي ابوي يقول مافيه رجعة
عبدالله : خييييييير انا زوجك ومن حقي اخذك الله يهديك بس كانت صغيرة وكبرتيها
منيرة وهي تبكي : والله العظيم ماتوقعت يصير هالشي عبدالله انا خلاص مااقدر اصبر اكثر تكفى تعال خذني عبدالله اموووووووووووت فيك تكفى تعال
عبدالله : وش اقول انا والله لي الحين غايب اسبوع من المدرسة مااقدر لاليلي ليل ولانهاري نهار انا خلاص لوتشوفيني شكلي يبكي الكافر حرام على عمي مايصير كذا خلاص اذا كان بيادبني والله العظيم تادبت
منيرة تبكي وهي عارفة ان ابوها عنيييييييييييد ومستحيل يغير راية
مرت 8 شهور على فراق منيرة وعبدالله
طق طق طق
منيرة في غرفتها : طيب طيب
فتحت الباب الا قدامها خالد مبتسم : اخيرا جاك افراج
منيرة : وش تقصد
خالد : مالومك بعد هالمدة يصير عندك صعوبات تعلم هههههه
منيرة : وش فيه
خالد : ابوي وافق ترجعين لعبدالله
منيرة : وهي تحب راس اخوها خالد على البشارة وتدور في الغرفة من الربكة ماتدري وش تبي اخر شي سجدت شكر لله
ام عبدالله : مبارك عليك يابنيتي اخيرا هداه الله هاه خلاص مافيه دلع
منيرة : خلاااص توبة حتى لوكسر راسي انا مااصبر عن عبدالله
خالد: استحي يابنت على الاقل خل اطلع خخخخخخ
منيرة وهي مفتشلة : يوووووووه انت هنا طيب اطلع ابي اغير والبس
خالد : اقول ترى بكره بتروحين مهوب اليوم
في بيتهم
عبدالله ومنيرة وجالسين قبال بعض ماسكين ايدين بعض ويطالعون بعض كل واحد مومصدق ان الثاني عنده
عبدالله : انا احس اني بحلم اخيرا رجعنا لبعض ياحبيبتي
منيرة : وانا اكثر احس كاننا كنا في كابوس وتونا صحينيا
عبدالله يضم منيرة بقوة وهو مومصدق اخيرا رجعوا لبعض وبعدين يفكها
ويطالع في وجههها : منيرة خلاص تووووووووبه ماراح اقولك شي
منيرة : انا اللي توبة خلاااااااااااص ماراح ازعل على شي تافه اهم شي نكون مع بعض والله يقطع الشيطان
والباقي مشفرررررررررررررررررررخخخخخخخخخخخخخخخخخخخخخ
هاه بنات عسى استمتعتوا بسالفتي اليوم وسالفتي مايحتاج لها شرح الله يؤلف بين كل زوجين ويصلح ذات بينهم
علامو علامو @aalamo_aalamo
محررة فضية
يلزم عليك تسجيل الدخول أولًا لكتابة تعليق.
لمو 55
•
الله يفرح قلبتس زي ما فرحتينا على هالسولافة بس بسأل هي سولافة حقيقية والإمن نسج الخياال ردي ياقلبي ...
الصفحة الأخيرة
عجبتني القصه واسلوبك بعد حلو
احب هذا النوع من القصص
الله يعطيك العافيه