سوالف عائلتي😄😍

السلام عليكم ورحمة الله وبركاته - كانو جالسين بالمسجد بعد المغرب؛ عبدالمحسن وأولاده، إبراهيم وفهد وعبدالله ،وعبدالسلام وفهد وخالد أبناء عبدالمجيد- فهد عبدالمجيد: عمي عبدالمحسن كيف خالد الحين؟ عبدالمحسن: ماعليه الحمدلله؛ عبدالسلام قاطعهم؛ بضحكه ؛ وانت ليش تسأل أحِمد ربك على العافية ولا تحرج عبدالمحسن، فهد باستغراب!! أحرج عبدالمحسن!؟؟ ماقلت شي فيه إحراج عشان احرجه! يٌكمل بتأسف؛ قسم الله أن ماقصدي أحرجك ياعم؛ والله إني كنت اسألك من جد، عبدالمحسن: أدري يافهد أنك تسأل من جد؛ وجزاك الله خير على سؤالك. فهد: استحى من عمه وحس بالاحراج، يقول بنفسه' يعني عبدالمحسن صدقني؟ لايكون زعل مني بس؟ أو إني احرجته فعلا؟ بس انا ماكان قصدي اني احرجه؟ -يلتفت ل عبدالسلام؛ عبدالسلام ليش دخلت ب نيتي وفسرتها على كيفك؟ ، وقبل عبدالسلام لا يتكلم -إبراهيم عبدالمحسن: طيب انت فعلا هذا قصدك!! فهد: نعم نعم ؛ عوذبالله تظلمني أنت وعبدالسلام وتدخلون في نيتي وتفسرونها على كيفكم؟ غريبه والله!! عبدالمحسن: ي إبراهيم إبراهيم: سم يابوي عبدالمحسن: مو كل شي يقوله عبدالسلام تصدقه؛ فهد هنا أرتاح وأيقن أن عبدالمحسن م أخذ موقف سيئ منه؛ إبراهيم: مو مسألة إني اصدقه بس ماله داعي فهد يسأل عن مايخصه او يحرجك عند عمي واخواني، عبدالمحسن؛ لا احرجني ولا شي،- فهد: ليه ماترد ي عبدالسلام ؟ عبدالسلام: مو لازم أرد! آخر واحد ممكن ابرر له أنت!! فهد؛ يقول بنفسه؛ والله إنه يقهر ويمغص؛ يظلمني ويحرجني عند عمي عبدالمحسن؛ والحين يقول آخر واحد ممكن ابرر له انت؟؟ فهد ؛ مالقى رد، يرد فيه على عبدالسلام؛ سكت والغصه خانقته؛ ومقهور من عبدالسلام- بعد العشاء؛ في بيت عبدالمحسن؛ عبدالمحسن: إبراهيم؛ ترا فهد ابدا مايقصد إنه يحرجني؛ ولا فكر بالطريقه ذي ابدا، من الآن اقولك لاتزعل منه او تأخذ موقف منه، بالنسبه ل كلام عبدالسلام ؛ أخوي وأنا اعرفه الله يهديه يقول اي كلمه ولا حسب حساب للناس؛ يظلمهم يجرحهم يفتري عليهم ؛ كل ذا ماهمه!! إبراهيم؛ بينه وبين نفسه؛ يحب عمه عبدالسلام ومٌعجب فيه؛ إبراهيم: قام واقف وحب رأس أبوه؛ طيب تماام يابوي ولا يهمك، عبدالمحسن: حبيبي الله يحفظك ويخليك لي.عبدالمحسن؛ صراحة فهد وخالد عيال عبدالمجيد ماشاء الله عليهم؛ محافظين على صلاتهم؛ ونادرا يغيبون عن الصلاة ماشاء الله ؛ ومؤدبين ماشاء الله وذكيين الله يخليهم ل أبوهم، إبراهيم؛ آمين - عند عبدالمجيد؛ فهد علّم أبوه باللي صارعبدالمجيد: شوف ياحبيبي فهد، دام أنك من نفسك ماقصدت بسؤالك ل عبدالمحسن شي صدقني لايهمك كلام عبدالسلام ولا تضايق نفسك بسببه، فهد؛ والله قهرني؛ ليش كذا يفسر كلامي على كيفه!! كمان يوم سألته ؛ يقول آخر واحد ممكن ابرر له أنت؟؟ والله مراح اسامحه، عبدالمجيد ضححك ؛ خالد: صح كلام أبوي؛ وخصوصا أن عبدالمحسن قالك إنه يدري أن ماقصدك تحرجه؛ خلاص ويش تبي بعد كلام عبدالمحسن؟ فهد؛ م أبغى شي؛ بس يقهرك الي يظلمك؛ وبرضوا من التكبر والغرور الي فيه مايرد علي!! -