مساء الخير ياعزوبيات :)
معكم محسوبتكم كاريزميه :42:
جيتكم مسيره من الدور الارضي من عند المتزوجات جاتني ضيقه وهم وصاكن راسي من سوالفهن في الرجال وش سوى ووش مزاجه وعلامه ووش قال
وهم الله يسلمهم الريجيل لامن جلسوا على النت والا طلعوا مع اصحابهم جدعونا ورا ظهورهم ولا جابوا لنا خبر
وبعد الضيقه اللي صابتن قلت خلني اطلع للعزوبيات نستانس شوي يمكن القاهن يلعبن بلوت والا كوره خخخخخخخ
والا حنا مالنا في هالالعاب اجل خلني اقول يلعبن المويه والثلج والا واحد طش :icon31:
ودي استانس ودي انبسط اطلع للعزوبيه وهبالها وقت
يمكن البنات اللي ماتزوجن يفكر بالزواج وحاطينه محور حياتهم
لكن اقولهن يابنات ايام العزوبيه ماتنتفوت
قبل 3 اسابيع رحت عند بنت عمي وسهرنا انا وياها سهره لا راحت ولا جات طردنا البزران عند الشغاله وسكرنا عليهم
قلنا نبي نعيش العزوبيه لودقايق نبي الهبال والصرقعه والمطارد واللعب :42:
خاصه للي مثلي ماتهنت بأيام العزوبيه متزوجه وعمري 19
وعهدي بالفله والوناسه شهر العسل
وبعدها حياه جديه ومسؤوليات :angry:
ماابي اكذب عليكم واقول طول الوقت جد في جد بس الحقيقه تنقال مسؤوليه مسؤوليه
لاتحسبون ان المتزوجه طول الوقت فرحانه بالزواج الا احيان ماتطمع ان زوجها يطلع من البيت
تبي تنفه عن الاوامر والنقد ,,,
هاتي هذا جيبي هذا سوي كذا وليه ماسويتي وليه ماحطيتي
والله احيان مااثني ركبتي يالله العافيه ,,
الا اذا طلع قلت ابوك للجنه لاتستعجل وتجي خلن اخذ راحتي شوي من بزرانك لك وكأني موب آدميه
والا البزران وماادراك مالبزران
طلبات وهوشات ومخانق
والله مير ارد الدمعه لامن شفت حالهم تسذا :icon33:
وصرت اسهر الليالي لاعيش العزوبيه لساعات :42:
لان عمل زوجي شفتات واحيان يصير عمله بالليل واروح انوم عيالي واجلس لحالي
واسوي لي ليله رومانسيه للعزوبيه فقط
علشان كذا انبسطوا يابنات والله ان ايام العزوبيه ماتنتفوت والنصيب ان شاء الله جايكم
الرزق عند الله واللي يفوتك اليوم بتلقينه بكره ولاتشغلون الوقت بالتفكير في الزواج
اقسم لكم قسم اذا تزوجتوا لتقولون بعد شهر من الزواج
ألا ليت العزوبيه تعود يومن......ونخبرها بمافعل الزواجو
الا تدرون ان لي بنت عم ماشاء الله وصلت ال30 وهي ماتزوجت لكن موب على بالها نهائي
كل وقتها طلعات ووناسه وفله واحس ماشاء الله دايم حاطه ببالها انها صغيره
صدق عايشه شبابها وكأنها تقول يالنصيب ان جيت حياك وان ماجيت ماتشوف شر
وفي الاخير الله يرزقكم باللي تتمنون كلكم :icon28:
كارزميه
حياك عدنا
وفعلا الى تقوليه صح