سواليف الاولين :اللي تحبها تتفضل

السلام عليكم ورحمة الله وبركاته:

جلست مع وحدة من كبار السن في آخر الأسبوع وكانت تسولف لي عن حياتهم أول وسواليفها مع زوجها الله يرحمه وأهله والجيران وغيرهم...:)

بس هاه كل وحدة تقرا السوالف تشاركنا باللي في جعبتها وتعطينا سواليف جدتها او حريمهم الكبار او اللي تعرفه وتسمعه من اي مكان وياويلها اللي تطلع ما شاركت :22:

تقول :تزوجت وانا عمري 10 سنوات وما بعد جتني الدورة....:(

طبعا تزوجت وسافرت لديرة زوجها وكان الشرط انها تقعد عند امها 5 شهور تعلمها فيها الطبخ...

اخذها زوجها بعد الخمسة شهور وقعدت سنة كاملة ما شافت امها يا عمري.:eek:

...وطبعا حملت قبل تنزل عليها الدورة تخيلوا!!والله ظلم...:22:

المهم تقول انها قامت صباح زواجها وسووا لها عزيمة كبيرة وذبحوا فيها بعير ولبست المقصب اللي خيطته لها امها مع جهازها...(الجهاز له سالفة بلحاله)...:hahaha:

وهذاك اليوم تعرفت على اهل زوجها وقرايبه وقعدت اسبوع وهي ما تسوي شي وكانت ام زوجها طيبة وتعاملها مثل بنتها ..بس عندهم شوية فقر وجوع اضطرها تطلع تشتغل معهم من بعد اسبوع من زواجها..:09:

بيني وبينكم يا بنات جتني قبصة حارة منها يوم سالتها كيف تاخذون راحتكم انتي وزوجك وابتسمت وسكتت..:hahaha: وانا ما عاد قلت شي ... بس الله يجزاها خير كملت لي السالفة: يا بنيتي إذا ناموا اهله ما نام هو!! :30:

الرجال يبي حقه ..:arb: ثم اروح انا ازعب الماء من البير اللي في النخل واجيبه واحميه عشان (افهموها عاد)...

واتنكد نومتي في الليل ثم اقوم معهم الفجر عشان اسوي الفطرو ثم اروح به لهم في النخل واكمل شغلي ومنتصف الضحى ارجع ازين الغدا....

ويوم كبرت خالتي(ام زوجها) صارت تقعد في البيت عند عيالي وانا اروح اسوي شغلي وشغلها واساعد الرجال في المزرعة ثم ارجع امسك شغلي في البيت...

طبعا يا بنات هي قالت كلمات لايمكن تفهمونها واستعنت بالوالدة تترجمها لي وجبتها لكم مختصرة جدا لأن سواليفها ماشاء الله كثير وتحتاج كتاب ..وإذا شفت منكم استجابة بارجع اكمل بحسب مقتضى الردرود...

يالله عطوني اللي عندكم........