يازين موضوعك يا ام الخمائل ويازين سويليفاتكم....
المهم جا دوري ........................
هذي الله يسلمكم ام زوجي الله يحفظها كبيره بالسن حول 60 سنه المهم عاد انها تسولف علي تقول اعرست واانا ان 13 سنه ولا ادري وش رجل وش عرس اطلع برا والعب من الغنم واسبح في برك المويه واذا رحت لبيتا امي وطق الباب رجلي يقول اطلعي اقوووووووووول يووووووجعني بطني تصرف خخخخخخخخ تقول ويحاول يمين يسار ولا اطيع عاد هو يدخل ويشيلني ويطلعني بس تقول كان حبيب مايزعل مني ولايهاوشني عاد انا اقول في نفسي ولا بعد يحط عقله بعقل بزر خخخخخخخ المهم تقول واحمل واجيب بنت تهبل من زينها تقول ماتت بنتي من الاهمال كل اليوم برا العب واروح وتاركتها بالبيت لاجاها رعايه والا غذاء مثل الناس كل مالها تضعف حالها الين ماتت...وتقول الى اليوم مانسيتها ...ان شاء الله تشفع لها يوم القيامه...............

ياحليلهم الاولين وقلوبهم على بعض ليلة العيد يقطون الحريم وحدة تتكفل بجمع القطة ويشترون فاكه
وحلاو العيد بس مو باتشي والطقة حلقوم وملبسواشيا قديمة ويسمرون ويرقصون احنا ليلة العيد متوترين وايش بتلبس هاذي وكيف شكل فلانة وعلانة و وايش اقدم وماسكين سرى عند الصوالين للاستشوار والميك اب وهن لا ترجع البيتها تحط الحناء بيدها وتنام وتقوم من الفجور وبالزواج يد وحدة والحمولة بيت واحد والي يتزوج ثنتين كيفة ماله الاغرفة وحدة ويقسمها بينهم برواق <<<قماش من الخيام والمطبخ واحد ومبسوطات والحامل من الثامن ماتلمس شي حتى سلايفها اعفى شامل لكلش من الشغل بس هي تستحي عاد موتكف يدها لا وحنا من يوم تتزوج شغالة <<تتمنى وطبنتها تولدها وتقوم عليها بطيبة نفس والان لو يشفونك بالتاسع وطالعة الدرج بطفلك ابو خمس سنين مايقولون عنك حتى الزوج
والعصرية لمة على ام الزوج والجيران وسواليف وترى ماعندهم با مبرز والويز واندر وير <<<ذابحة التفكير فيهم اية وحتى يقولون ما عندهم سحاب بالفساتين قصدي الكرتة اذا البستة وحدة تخيطة لها والله البلشة كل اشوي ابخيط وماتنفرد بزوجها الا عند النوم ومش دايم ينام عندها بعد ويسافرون الازواج احيا سنة وهي عند اهلة وتخدمهم بطيب نفس وعيال العم يعرفون بعض وكانهم اخوان مو في ها الزمن ماحد يعرف عيال الثاني واسمائهم اقصدعيال عيال عمة ما اعمم بعض الناس ولا يعرفون الجيران ومافية اسواق واذا راحت بعشرة ريال يقولون العشرة ريال تجيب كلش وفية زود بعد تقولي وحدة اروح بعشرة ريال واشتري قدر الذبيحة واغراضي واقضي بناتي منها تفكر بقدر الذبيحة موحنا اكبر قدر يشيل دجا جتين <<<ما اعمم

بس انة ما عندهم دين جدتي تقول اتوفى زوجي حديت يعني عدة الحداد اما طبينتي ما احدت اتزوجت وطبنتها متوفية من زمااااااااااااااااااااااااااااااااان وتسال الان عنها شفتو طيبة قلوبهم

يسعد مساك اختيـ ام الخمائل
سواليف الاولين تنومس تونس ياحبني لهم
وتحسينهم وهم يسولفون عن حياتهم اول يسولفون بحنــــــــــــــــين :(

بس بخصوص الدوره تلاقينها مضيعه ولا من باب المبالغه لان مايصير حمل قبل تنزل البويضات بعد الدوره الشهريه < تعلمت من قسم الحمل والولاده خخخ

اختيـ فيلسوفه
يالله جعل ربي يسخر لنا مثل ماسخر لها
سالفتك حلوووووه


..

.

هلا بأم الخمائل وهلا بجميع بنات حواء
زمان عنكم مشتاقه لهالطله :)
والله اني احبس بعد يا ام الخمائل عسى حبس رجلس
خخخخ

جايتكم بسالوفه من سوالف الاولين وهي قصة عمتي الكبيره الله يخليها ويطول عمرها يارب
بس مستعدين ؟؟ يلا جهزوا المخده عشان الي تبي تنام تنام خخخخخخ
عز الله انها قصه تحزن ماتنوّم يعني جهزوا الكلينكس :(
هذا ياحبايبي عمتي خطبها رجلها وهي عمرها 12 سنه وهو عمره 60 سنه :(
تخيلوا ؟!!
طبعا جدي ماوافق ابد وعيى ورفض مره ومرتين واكثر وطاحوا عليه الرجال (على قولة ابوي)
وطبعا انحرج منهم ووافق والرجال (الي هو زوج عمتي كان رجال طيب ويخاف الله وثقه)
وعطاه
نجي عند عمتي ووش سار عليها
طبعا تقول عمتي انها كانت طفله ماتفهم تقول هي عمرها 12 وامها عمرها 25 (حشا الام بزره والله)
تخيلوا انا الحين عندي بنت ازوجها ؟ الله وناسه خخخخ
تقول ان جدتي رسلتها لجاراتها تعزمهم تقول رحت لكل وحده اقولها امي تقولك تعالي تعشي عندنا اليوم الفلاني (تخيلوا تعزم لعرسها وهي ماتدري وش القصه (وجه منخرع)
تقول والله وحده من الجيران صاحت وقالت حسبي الله عليك يا ابو فلان (على جدي)
المهم تزوجت البنيه يقولون قعدت فتره طويله والله ماذكر كم الحين وهي تهج من بيت زوجها وركضضضضض لبيت اهلها ويلقاها جدي بالطريق ويطقها ويرجعها :(
يقولون احيانا باخر الليل تنحاش وتروح عند جدتي
مسكينه والله تكسر الخاطر
المهم تقول انها عاشت ببيت مليان فيه عياله وزوجات عياله عجز والله يابنات بالنسبه لها ميتين الحين
وكانوا يغاروووووون منها مووووووت لانهم خايفين تاخذ مكانهم وتسير راعية البيت ولانها كانت (ومازالت) حلوه وبيضاء وتهبل والله يابنات انكم لو تشوفونها الحين ماشاءالله زي القطن لا اله الا الله
ادعولها يابنات والله انها مريضه عمتي هذي اغليها حييييييييل لانها بمكانة جدتي وابوي تعده ولدها
عاد كانوا يكيدون لها يووووه انواع القصص بس ماودي اذكر السوء
وبعد فتره ولدت ومات الولد وبعدين جابت بنت وماتت والثالثه بنت عاشت عاد يقولون انها يوم ولدت اول طفل يحلفون يابنات (بس انا مو مصدقه وشلون تصير ذي :S ) ان الدايه تقول هذي بنت مابعد انف......... افهموها عاد انتم
يقولن لانه رجال كبير وهي بزره ماقدر يدخل بها زين
واخزياه بس حمر وجهي
ان شاء الله تكونون فهمتوا علي
تخيلوا انفتح غشائها وهي تولد

والله يا عماتي عليهم حكاوي عن ايامهم اول وعن جدتي وكيف عاشت ووش قاست والله يابنات اني احمد ربنا واقول اننا البلا ماجربنا عيشتهم عشان نحمد ربنا عاللي حنا فيه لكن هم تلقينهم راضييييين وقانعين لانهم جربوا الشقا والتعب والحين يشوفون كل شي هين ماشاءالله عليهم ربوا اجيال وعاشوا اصعب عيشه وما اعترضوا على شي

كان ماعندهم كهرب عايشين عالفوانيس ولا ثلاجه اللحم والخضار يوميا يشرونه والفاكهه مره بالشهر لا جا جدي جايب فاكهه كل البزران يلتمون حوله فرحانييييييين وحنا الفاكهه تخرب ماذقناها
والطبخ على الصاج وايديهم كل يوم تتحرق
والماء تعالي اسمعي وشلون يعانون بالشتا مع الماء ووشلون يسخنونها عشان الغسيل والتروش والوضوء
والغنم كلهم يهتمون فيه وجدتي ياعمري تصحى من قبل الفجر عشان تحلبهم وتخض اللبن وتطلعلهم زبده ياكلونها وابوي صغييييييير يقول كل يوم الفجر اروح اشري التميز عشان الفطور
ومثل ماقالت وحده من الخوات يخيطون عرايس ويلعبون فيها
لا وينامون بالسطح جدتي وحولها عيالها كلهم وجدي له سطح مخصص له ماتنام معاه مدري شلون كانوا يحملون :)
وينامون من العشا ويصحون الفجر والله عيشه تهبل ودي اجرب بس اسبوع وارجع لعصر السرعه :)

اتمنى تعجبكم حكاوينا ومآسينا

خبر خير: هلا والله وغلا.........وين الناس؟؟؟؟؟؟؟؟مشتااااقين والله.........
الله يسلمك سالغالية واتحفينا بمشاركاتك الحلوة ترى ما نستغني.......

عموشة: الموضوع منور بطلتك وياليت يا عمري تعطينا رابط الموضوع وتثرين موضوعنا بدررك المعتادة ولك جزيل الشكر........

ام جود: يا عمري يا جدتك والله فجيعة عليهم خاصة انهم في زمن الوحدة لو تضحك قالوا عيب فالله كيف يزوجونها كذا فجأة؟؟
شرفني مرورك يالغالية واسعدتني مشاركتك ولا تحرمينا طلاتك ترى مسموح تحطين اي شي اذا تذكرتيه........

فراااولة: الله يحبك وملايكته ياعمري.......الخمائل هي الورود يا قلبي....
شفتي كيف يخلون الوحدة تنضج غصب عنها!!

ذكريات سعيدة: الله لايخليني منك يا عمري وبانتظرك لين تتعلمين ومكانك محفوظ ولك جزيل الشكر......

ام حصة: شفتي البراءة؟؟ عاد بالله ما يحسون انهم كانوا مستغفلين!!
يا حليلها جدتك اجل لاعبة عليهم خخخخخخخخخخخ يستاهلون والله سلمي لي عليها تعجبني.....

غريبة منفية: طوبى للغرباء.........احبك الله الذي احببتني فيه واساله تعالى ان يجمعنا بمن احببنا فيه تحت ظل عرشه يوم لاظل الا ظله............
خخخخخخخخخخخ رهيبة الوالدة ..........يمكن كانوا واعدينها اذا ازوجت يعطونها شابورة!!يا حياااااااااتي طيب ويوم دخل عليها الوالد ما غيرت رايها عن العرس والشابورة؟؟

صافي الود: بامتظار مشاركاتك يالغالية .........

برونا: هلالالالالالالالالالالالالالالا والله والف غلالالالالالالالالالالالا............
ورى ما قلتي اللي في نفسك بصوت عالي خخخخخخخخخخخخ اجل بزر هه؟؟خخخخخخخخ
ماشاء الله عليه حليم وهي استغلت النقطة تعجبني.........

ريتاج:يا عمري حسب وضعهم وحياتهم بعضهم زي ما قرينا مع البنات تولد في المزارع والبر......
وعلى قولتك الحين الشغالة احيانا قبل الطفل الاول......
بس احلى شي اذا لبست الكرته يخيطونها عليها خخخخخخخخخ ......
من ناحية القطيعة والله صدقتي منتشرة بقوة الله يكفينا الشر .......
اجل تهوجس بقدر الذبيجة ....يا حليلك والله......
بس اللي ما استوعبته كيف ضرتها ما تحاد على زوجها؟؟لاتكون جدتك شالت حق الثنتين!!