سوال عن اللولب ارجو منكم المشاركه

مرحبا اختي في عينيك ميلادي انا كنت حطه اللولب 3 سنوات وشويه وشليته لي فتره واللحين حامل
السنتين اللي مراو كان الحمدالله بخير بس يات السنه الاخيره وايد تعبت سبب لي نزيف يعني الدوره انا عندي يكون 7 ايلم ولكن اخرسنه كان 13 -20 يوم بالكثير وكنت اروح الدكتور وتعطيني ابره اتوقف النزيف اخر شئ مليت من ولاني حنيت للاولاد شلته من 3 شهور وهو عادي كيفج اتشيلينه في الدوره او بعده عادي بس انا اول ما شلته الدكتوره كان الصباح وفي العصر اشوف نزل دم شويه مو وايد ووقف وطبعا كانت عندي الدوره متلخبطه حتى بعد ما شلته فنظمته الدكتوره وبعدها حملت الحمدالله
وطبعا كل امراه تختلف عن الثانيه

واعذريني ان طولت عليج
:26: :26:

الله يحلي ايامك يافطوم يا حلللللللللللللللللللللللوه
وبالعكس انت ما ضايقتيني
بس حبيت اعرف هل انت شلتيه بعد الدوره بكم يوم اذا انت فاكره
هل انت دورتك من زمان مو منتظمه والا اللولب اثر في انتظامها
بعد كم فتره حملتي الله يتمم عليك ويرزقك اللي تتمنيه امين هل طولتي بعدها والا لا
وماهي الحبوب اللي اعطتك الدكتوره هل هي للتنظيم الدوره او كولوميد لتنشيط المبايض
انا اسفه على كثر قرقرتي بس حبيت اطمئن الله يطمئن بالي وبالك يارب

شلته بعد الدوره ياسبوعين
لا كانت منتظمه بس اللولب اثر فيه اخر سنه
بعد شهرين والشهر الثالث كانت الدوره ما تجيني وكنت اسوي فحص منزلي بس ما بين شئ وراحت عند دكتوره وسوتلي تلفزيون وبين الحمل

لا كانت ادويه لتنظيم الدوره
لا عادي اسئلي اللي تبغينه :26: :26: :26:

أختي في عينيك ميلادي
أنا ركبت اللولب 3 مرات وكل مرة أشيله بعد مرور 4 سنوات ، لان الدكتورة تقول ان النوع اللي يناسبني هو أبو خمس سنين لان اللولب أنواع والدكتورة الي تخبرك أي نوع يناسبك ، لكن أنا كنت أشيله بعد 4 سنوات لاني أشتاق للأطفال .
كنت أروح أركبه بعد الولادة بـ 40 يوم يعني اول ماأخلص الأربعين وقبل ما يصير جماع وينزل علي دم خفيف بعد التركيب ..
وفترة وجود اللولب كانت أيام الدورة تزيد عندي من 4 أيام إلى 9 أيام وبعد سنة تقريبا تصير 7 أو 8 أيام بدون ألم والحمدلله ...
أما الوقت اللي أحب أشيله يكون خامس يوم في الدورة ، لكني كنت أحرج أن أذهب للدكتورة والدورة علي فكنت أذهب في أول يوم أطهر فيه ، والسبب أن الرحم يكون مفتوح شوية وقت الدورة مما يسهل عملية رفعه وعدم الاحساس بالألم ..
طبعا مو شرط تنهي المدة حقت اللولب بالكامل ، بمعنى أن أول ما تحبي ترفعيه ارفعيه ,
وطبعا لا تنسي اجراء فحص على اللولب كل سته شهور ، لآن أحيانا يعلق اللولب في أعلى الرحم ( كفاكم الله الشر ) ولرفعه يحتاج لتنويم وبنج كامل ..
وهاذي قصتي مع اللولب ، أتمنى أكون أفدتك .....
والسلام ...