سوال لكي ايتها الزوجه الثانيه

والله اني الرحمهم علشان كذا صار لهم تجمع لي وحدهم تكفون خفوا عليهم اشوي وترى كل شي قسمه ونصيب والله يعين

يختي مدري انا خالتي يوم زوجها تزوج عليها انهبلت وقلبت الدنيا عليه.. وانا ما الومه اذا تزوج عليها المفروض يذبحها لانها نجسه وبخيله ودمها ثقيل مره.. طبعا تطلقت منه وكانت تدعي انها مظلومه ومسيكينه وبعد عدتها ب 6شهور تزوجت واحد عنده حرمه وصارت تبي كل شي لها وتغار منها وتدعي عليها وهي ماخذه رجلها.. صدق انها قليله ادب والمشكله انها كانت جايبه من الاول 5 و جابت من رجلها الثاني 5 بعد.. وطلقها وانا مره مبسوطه لانها من النوع اللي ما تشكر ربها.. دايم تتشكى انه فيه وفيه وفيه واتوقع مع مرور الوقت وصله الكلام ومع العشره كشف انها نقاقه وعقلها فيه وشه

انا مايعصبني في الزوجه الثانيه

الا اذا قالت يوووه لو يتزوج علي زوجي كااان اموت ما اتحمل >>طيب انتي ليه جيتي على بنت الناس

انتم مثلي او لا

موضوعك احسه تنفيس لشي بنفسك

لكن الله مايحلل شي الا فيه خيره لابني أدم ومااذكر ولاقد مر علي ان زوج خرب بيته بمجرد انه تزوج ثانيه الا بحالة وجود سحر وماشابهه ذلك وهذا قليل ولله الحمد
وهالدعاوي اذا مو على حق ترجع لصاحبة الدعوه وانا حتى لو زوجه ثانيه وسمعت دعاوي ماراح التفت لها لاني عارفه وش اسوي اهم شي رضى الرحمن والا خلق الله لو تراضينهم للسنه الجايه مارضو
انا مو زوجه لا أولى ولا ثانيه وتقدم لي متزوجين كل واحد يقول الزين عندي بس رافضه هالفكره الا اذا كان فعلا شخص ارتاح له ومرتاح ويبغى استقرار مو مجرد متعه او ألة اغاظه للزوجه الاولى لان بعضهم يتزوجون عشان يقهرون حريمهم ويظلمون الثنتين الله يهديهم

طيب وش رايك باللي اذا تزوج رجلها من وحدة تجي وتخرب على الثانية وتسوي مشاكل وتهديد وتقول طلقني وبسوي لك وبرمي عليك عيالك وبترك وظيفتي الى ان يروح الرجل ويطلق الثانية

مهوب يااختي هذا تعدي ؟؟؟؟؟؟؟

ةهذا ماحصل مع وحدة اعرفها بنت الحلال تبي الستر من رب العالمين ماتبي تخرب على احد ولا شي اعرفها شخصيا مطلقة من قبل ويوم تملكت وتجي الاولى وتخرب عليه وهو بنفسه قال علشان اللي سوته مرتي بطلق بنتكم لاني ماابي اظلمها وخلوها بس تحللني وتبيحني

ماتخاف الاولى ترجع لها حوبة هالمسكينة وهي عندها بنات وترى ماسويت سوي بك ؟؟بعد ماشرت وجهزت تجي تخرب عليها ليه تحسب هالدنيا دايمه ؟؟ وترى الدنيا دوارة وترى ماحدك على المر الا اللي امر منه ومااحد ضامن نفسه واللي حطها بهالموقف قادر سبحانه يحطك او اعز وحدة عندك فيه
قبل لا يخطب تقدرين تاثرين عليه لكن بعد الملكة خافي ربك