سوال مهم

السلام عليكم ورحمة من الله ياااااااااا الغاليه الله يخليلك الطعمون
نفس الي عندي بنيتي عمرها سنه وست شهور عصبيه وبقوه كمان بس
يا عمري ابغى اقولك على شي مهم مرررررررررررررررررررره
الغاليه ***** اذا عصبتي بعصب واذاهديتي بأهدا *******

بتقولين طيب يأم القمرين وايش دخل هذا الكلام ولدي يعصب على الطالعه والنازله
وانا كمان بنت تعصب على الطالعه والنازله وعارفه لاني كنت عصبيه وبقوه كمان
واكتشفت اني لمن اعصب تعصب واني يوم اكون هاديه تهداء وهذا الكل عارفه
ان الطفل في البدايه ياخذها تقليد وبعد كذا تسير عاده في اي شي يسير له يعصب
ويصارخ ويكون مزعج وتبداء مغامرات الطفش والزعل والضجر وكل انواع التعاسه
من الأم واطفالها ولا تعرف كيف ترضيهم وايش بضبط يبغون وتكون هنا في حيره
بس ما تدري انه كله منهااااااااااااااااااا لان نحنا يا عمري نعلم عيالنا ويكتسبو منا
كل تصرفاتنا وسلوكياتنا ******* المهم يا الطيبه سوي زي ما سوت اختك والله يا
الغاليه عن تجربه مو من كتاب بأكتبلك او سمعته من هنا او هناك00 مو هم يقولون من
بنات افكاري والله صدقو هههههههههههه انت اقلبيها بالفعل يا الغلى من تجربتي في بنتيني الله
يخليهم لي وخليلك 00 سرت يا الطيبه اهدي من نفسي والله وكله من الدعاء لا تستغريبي
دايم الدوم ياااارب هدي سري واهديلي ما اعطيت صدقيني كوني مع الله يكون معاك بالفعل
يا الغاليه سرت اهدي من نفسي اعطي بناتي وقت للعب معاهم اتكلم مع الكبيره كأنها صديقتي
عمرها ثلاثة ونص والصغيره الاطفها اللعبها في الليل وفي النهار طبعا ابو الشباب له نصيب لا تروحين
تخلينه هههههههه بعدين ايوا خليتيني ورحتي لعيالك تقولين يختي مو عيالهم هههههههههه انتبهي تراهم
زي الصغار الله يخليهم لنا هم وعيالهم ***** لا تضربين الا في الشديد القوي لاكن لو ضربتي في الطالعه والنازله والله ما يأثر بعد كذا ضربتي ولا ما ضربتي كله واحد وعن تجربه اذا كب مويه خليه هو يمسحها ومن
دون عصبيه طيب حبيبي خذ ومسح كسر شي ليش طيب خلاص انا معد اشتري غيرها يعني عقاب من جنس العمل
عصب منك تأخرتي عليه في الحليب طيب خلاص ولا يزعل البطل اجيبه لك ليش الزعل تبغى شي بشويش طيب
لمن يشوفك انت كذا هو والله ثم والله يهداء ويبداء ياخذ من طبعك يعني عمليه بالسياسه 00 يمكن تقولين والله يأم القمرين بسويها بأقلك يمكن من دون نفس 00 عارفه يا الطيبه بعض الاحيان اكون تعبانه وطفشانه اقوم اعصب
ويسير كل ابو البيت معصب حتى ابو الشباب ليش لاني النفس الشينه تخرب بس ايش اسوي اعوذو بالله من
الشيطان الرجيم واقوم من مكاني ذاك واشرب مويه واخذ نفس عميق ويروح كل شي كأن ما كان شي والله يالغاليه
يرجع كل شي البنات يهدو الأدمي يهداء00 شايفه كله يرجع علينا اذا تحكمنا في اعصبنا تتيسر 00 ولا تنسي ولدك الله
يخليه لك في طور النمو فشي طبعي انه حيتغير شوي ويسير عصبي بس انت لا تزوديها زي ما قلتلك اعلاه خلك نشميه
هههههههههه وفي بعض الاطفال ما تطلع ضروسهم الا في سن السنتين فهذا سبب كافي في عصبيته الله لا يلومهم
تعريفي انو يصدع راسهم مساكين يعني ممكن تكون هناك اسباب لعصبيته غيرك انت شوفي ايش فيه يمكن حبيبي موجوع يمكن مل من الروتين اليومي غيريه ممكن مل من كثرت اوامرك قليليها دوري يا عيني ايش منكد عليه
بس اهم سبب هوا انا وانت وهيا ******************
سامحيني يا الطيبه على الاطاله بس حبيت احط بين يديك تجريبتي حتى تأخذي منها الي يصلحلك وحتى لا توقعي زي
ما وقعت انا وتستفيدي من تجارب الغير اصلحني واياك وهدااني وهداك واعانني واياك على ما يحبه ويرضاه &&

:26: :26: ام القمرين كفت وفت:26: :26:

شكرالك اختي ام القمرين وجزاك الله خير الد نياوالاخرة:27: