سوا فيني مقلب ولا كيف

اليوم حوالي الساعة ٩ صباح اتصلت علي اخت زوجي وطلبتني اطلع معاها للمول
ووافقت وجاتني بسيارتها مع السواق والرجال نايك وغارق بنومه كالعادة وعارفته مارح يصحى الا قبل العصر
وفجأة واحنا ماشيين بالطريق اتصل فيني يسألني وين انتي
قلت له طالعة مع اختك
قالي وماتستأذني اول شي وانا كرسي بالبيت واقوله انت نايم يقولي حتى لو صحيني مع اني اذا صحيته كان قوم الدنيا
وبدأ صراخ وحلفان وانا اقوله ابشر وابشر غثني وسد نفسي عن الطلعة وقفل بوجهي الجوال وراح اتصل على اخته وبدأ تعصيب وسد نفسها هي الثانية
بعدها بنصف ساعة اتصل فيني وكان رايق
يقولي يافلانة اليوم ودي افطر كذا و ودي تسوي كنافة ومدري ايش
وانا عشان امتص غضبه عطيته بالكلام الحلو وابشر وعيوني لك
ورجعت على طول من الساعة ١ الظهر لل ٥ بالمطبخ رايحة جاي وهو كان طالع من يوم ماجيت
جهزت له الفطور من اجمل مايكون وعلى الساعة ٦ اتصلت مارد
قبل المغرب بخمس دقايق اتصل وقلت بنفسي خلاص يعني وصل
ويوم رديت عليه قالي ها سويتي الفطور
قلت له اي
قالي طيب انا معزوم برا مع اخوي 😑😑😑
قلت له تمزح قالي لا والله ليه ماخبرتك
عصبت عليه وقلت له ليه ماخبرتني وهو ساكت بس يضحك الين سكر بوجهي
اخرها رسلت له رسالة و حلفت قلت له باقي الايام مارح اسوي لك شي جيب اكل من برا مالي شغل فيك وخليك معزوم برا
وهو يقولي ههههه طيب وانا مشغول الحين وبعدين
ماقهرني الا هالتعب لي تعبته عشانه وبالاخر يسوي فيني كذا