سوت المشكلة وراحت

السلام عليكم
كيف حالكم بنات
بنات انا عندي اخت زوجى حليلها طيوبة كثير وحنونة والله ابتلاها بزوج بليد وضعيف شخصية عند امه وقاسي عليها وعانت منه الأمرين واستمرت معه وتحملت عيوبه
اغلب مشاكلها بسبب اهله الله يهدي الام بس
تزوج عليها والحرمة الثانية قعدت شهر معه وهربت بسبب عيوبه
اهلها مايتركونها ودوم الاخوان يشدون على زوجها
علاقة زوجها مع اهل زوجي متوترة وخصوصا مع زوجي بسبب مشاكل اهله مع بنتهم وزوجي يكرهه ويكره اهله وعائلته وحتى عوائل حريم اخوانه يكره كل شي يربط هذا الرجال
السالفة كلها صارت امس واول امس
بعد ماتزوج عليها زوجي وابوه راحو طلعوها من البيت وبنى لها فيلا حقها وحق عيالها اغلب فلوس البناء كانت من زوجي وابوه بس وزوجها رجع معاها بعد ماطلق حرمته الثانية وشارك معها في امور بسيطة
خلصت الفيلا وراحت سكنت ورحنا باركنا لها
الله يعينها ضعيفة اهل زوجها قالو حق ولدهم نبغى نجي كلنا نبارك لك ونتغدى عندك امه قالت مابجي وهي موجودة وهو يطيع امه راح قالها روحي عند اهلك وراحت واهله زارو البيت وقعدو وهي عند امها ومعنا كل شوي تدخل بيت وحدة
وخلصو ومارجع خذها سحب عليها ونام وراحت هي ثاني يوم بكريم
هذي السالفة كلها من دون ما اقص بحرف وام زوجي بلغت جميع البنات ولا واحد من الرجال يدري ليه اختهم كانت هنا اليوم مانبغى المشاكل وصحة عمي تعبانة كثير وتم وانا طول الليل زوجي يسألني لانه اخته مامن عادتها تنام وانا التزم الصمت
امس تعالي يا اخته الصغيرة وخليه جالس وروحي قولي السالفة كلها مع شوية بهارات ضروري عشان زوجي يستوي
وزوجي عقله صعب جدا ومستحيل يسكت
شال جواله من الشاحن واتصل عليه والله العظيم والله العظيم اخوه دخل الدور حقنا من صياحه على الرجال سب عليه وعلى امه وعلى اهله احياء والاموات ماسكر الا لما صار يكح وصار يختنق ورجع اتصل على الرجال يقوله والله لا اخليها تخلعك بالمحكمة واحقرك قدام الرجال كلهم ويقول حق اخته هذا بيتك اطرديه منه ونتيجتها تشنج القولون حق زوجي وبغى يموت من كثر ماعصب والدكتور محذره اكثر من مرة مانام للصبح من التعب
البنت امها ضربتها وهزئتها بسبب فتنتها هي تعرف انه زوجي اكثر واحد عصبي ومايتفاهم وراحت قالت له وكل ماكان يسب الرجال هي مبتسمة وتصفق بيديها
انا ما الومها مغبونة عشان اختها بس ماتجي بهذي الطريقة عندنا والام محذرة وهي لي كانت بتحل الموضوع
حتى انا كان مخبيها لي بعد ما ارتاح العصر دخل قام البيت وحطه فوق راسي لأني ماخبرته وتركني